الموضوع: محتار و عايز حد يساعدني سريون 1500 أو فيات بونتو إيفو 1400

المشاركة الأصلية كتبت بواسطة cryptonx

لو اختارت الايطالية .. يبقى لسبب وحيد بس انك " وقعت في حبها " اذا كانت فيات او الفا او خلافه ...

المشاركة الأصلية كتبت بواسطة wael17

نفس نظرية اختيارك للملابس....في واحد عايز اللبس العملي...المريح....سعره معقول...مش محتاج مكواه

+1

أنا مقتنع بالكلام ده, مع إني مكنتش هاعرف اوصفه زيكم.

بس أنا هازود حاجة صغيرة,

طالما أنا عايش في مصر, هتبقى الاولوية عندي هي الاعتمادية وقلة الاعطال ومعادلة سعر قطع الغيار مع العمر الافتراضي ليها.

أنا مش بقول برده إن الايفو مش اعتمادية, لكن السيريون اعتمادية أكتر.

مثلا:
- السيريون مابيتغيرش سير كاتينه ولا فلتر تكييف.
- مافيهاش ظبط تكيهات.
- السير الوحيد اللي موجود هو سير الدينامو وبيتغير على ال60.000 وتمنه 250 جنيه.
- تيل الفرامل ملوش رقم ميعاد محدد.
- فلتر الهوا هو اللي بيتغير كل 20.000 بس لما سألت المهندس إني ينفع أمشي بيه ولا لأ قالي هنضفهولك وتغيره على ال 30.000

غير كده إن التوكيل مرن في المعاملة.

يا جماعة خلاص بقى_هو لازم كل موضوع تحصل فيه مشكلة وشد وجذب!_الباشا صاحب الموضوع_عرف رأينا خلاص وأكيد قرر_وانا شخصيا لو معايا تمنها حاليا مش هاركب غير أيفو وبس_السيريون فئة البونتو كلاسيك اصلا!السيريون تتفوق فى الموتور فقط _وبعديه البونتو كلاسيك أفخم وأريح وأشيك من سيريون_يبقى إزاى بقى نحطها مع بونتو إيفو إزاى!!!

المشاركة الأصلية كتبت بواسطة wael17

ماكنتش فاهم قصدكم ايه علي الحقنة...بس خلاص فهمت!!!!!

فاكرين فيلم Terminator لما كانوا كل ما يفتكروا الروبوت مات يلاقوه لسه عايش حتي بعد ما ولعوا فيه

انا اتعلمت ابقى صاحى انا كمان

المشاركة الأصلية كتبت بواسطة i_am_legend

وبعديه البونتو كلاسيك أفخم وأريح وأشيك من سيريون

على فكرة أنا ممكن أرد على الكلام ده, مفيش أي تعب يعني.

بس هيبقى كلامي بايخ, علشان ديه مش أول مرة تقول كلام مش تمام.

حصل خير وكل سنة وإنت طيب.

المشاركة الأصلية كتبت بواسطة M.Mosaad

مع كامل احترامي لرأيك بس الجملتين اللي انا مغير الخط فيهم كانوا قويين جدااااااا
يعني انا شايف الموضوع ماشي كويس و الناس كلها سواء اللي معاه فيات او معاه سيريون بترد بمنتهي الحياديه و الامانه علشان كدة ملقتش جديد اضيفه في الموضوع لكن بعد اذنك طالما بيتقارن بين عربيتين لازم تعرف ان كلمتك امانه ممكن واحد يغير رأيه علشانها
الاخ صاحب الموضوع كان واضح و قال سيريون 1500 عربيه تمنها 93500 جنيه و السعر دة ثابت بقاله 3 سنين طبيعي جدا و عادي تتقارن بعربيه مقاربه ليها في السعر لكن انت عايز تقارنها بعربيه اقل منها بحوالي 30000 جنيه

يعني انت بتتكلم في فئة و فئة تانيه خالص اكنك بتقارن السيريون ب الليون مثلا

الشكل احد العوامل اللي بيتم تحديد العربيه عليها و طبعا مش من العوامل الأوليه

تحياتي

+1
مش لازم كل واحد يعمل تمثال للماركة اللي بيحبها
ولو السيريون اتقارنت بفئة اعلي منها أنا أول واحد هقول إن مفيش وجه مقارنة, مش عيب لما الواحد يقول الحق والله.