أنا عايز أشتري عربية بس محتار بين أل سريون أعلى فئة إلي هي 1500cc أوتوماتيك و فيها ايرباجس و بين الفيات بونتو إيفو الجديدة. يعني أنهي أحسن من ناحية قطاع الغيار و الصيانة و الوكيل. لو ينفع مقارنة كاملة هكون شاكر جدا
شكرا
أنا عايز أشتري عربية بس محتار بين أل سريون أعلى فئة إلي هي 1500cc أوتوماتيك و فيها ايرباجس و بين الفيات بونتو إيفو الجديدة. يعني أنهي أحسن من ناحية قطاع الغيار و الصيانة و الوكيل. لو ينفع مقارنة كاملة هكون شاكر جدا
شكرا
أنا شايف evo تكسب فـكل حاجة
الايفو الافضل
انا برضة واقع فى نفس حيرتك بصراحة السيريون عربية حلوة واسعة و اعتمادية ماتور 1500 بيطلع 103 حصان بس بالنسبالى عييها فى الكراسى مش مريحة شوية الايفو الناس كلها بتشكر فيها ماعدا ان الموتر بتاعها مش بتاع جرى خالص هى عربية مدينة ممتازة الايفو شكلها احلى من برة و جوة مساحتها معقولة بصراحة انا محتار السيريون حلوة اوى برضة
evo احسن ,وصلى استخارة وربنا يوفقك
ايفو أفضل
ياريت يا جماعة اللى بيقول الايفو احسن يفهمنا احسن فى اية
كان فيه موضوع شامل مقارنة بين السيريون و الايفو. بس اتمسح في الوباء.
والنتيجة كانت كالاتي:
السيريون تتفوق في;
- قوة الموتور
- الواسع الداخلي
- التوكيل (خدمة مابعد البيع)
- قطع غيار ارخص
- اعتمادية أعلى
- 4 إزاز كهربة
- فتح تنك البنزين من الداخل
الايفو تتفوق في;
- الخامات الداخلية أفضل (برده مش فرق شاسع)
- option اعلي - blue&me
- أمان نسبيا أكتر (5 نجوم في ال euro ncap و السيرون 4 نجوم)
- ebd
- زرار ال city
- نظام ال eco
في المختصر السيريون اعتمادية وعملية, الايفو رفاهية.
وكل واحد واحتياجه.
علامة استفهام.
السيريون احسن موفرة فالبنزين وسع معقول موتور قوى ويابانى
انا اسف يا جماعة انا كنت بسال اذا كانت الايفو ممكن تبقى اعطلها كتير مكنتش بقول يعنى انا اسف
موافق علي كلامك بس عايز أوضح نقطة مهمة بخصوص الوسع...هي فعلا السيريون قعدتها تدي احساس بالوسع بس ده راجع لارتفاع سقفها حوالي 5 سم عن الايفو لكن غير كده الاايفو أطول ب 43 سم و أعرض ب 2 سم من السيريون...طبعا 40 سم يعتبر فرق كبير قوي في الطول بين عربيتين هاتشباك بس الطول الزيادة في الايفو معظمه في الكبوت و مش مستغل في الكابينة بس شنطة الايفو اكبر شوية من السيريون
في رأي, السيريون عرفت مفهوم جديد لاستغلال المساحة الداخليه.
بس للحياديه:
الوسع الداخلي جاي على حساب الشنطة. البونتو شنطتها اوسع فعلا مفيش كلام.
بس برده السيريون ممكن تتني الكنبة اللي ورا علشان تديك مساحة متقلش عن 600 لتر. والسقف العالي هيبقى عامل برده لو بتنقل حاجات.
+111111111
فعلا امبارح بصيت علي سيريون راكنة في الشارع جنب عربيتي عشان اشوف ازاي واسعة رغم فرق الطول الكبير بينها و بين البونتو ايفو و فعلا العربية مصممة بحيث انها تكون كلها كابينة واضح جدا ان اللي عملها قاصد انها تكون واسعة جدا من جوه.... و كبوتها صغير قوي... مش عارف كبوت البونتو الطويل قوي ده جواه ايه؟؟ هم كلهم 77 حصان
ههههههههههه والله ضحكتني :)
بس خلي بالك إن لما ينزل منها المالتلي اير ولا التربو هيركبو تحت نفس الكبوت, فـممكن تبقى ديه نظرتهم.
يا ابو مارتين عيب عليك اذا كان انتا لما شوفتها معايه فى الدقى قولت احسن من السيريون فى كل حاجه عادا الماتور و الزجاج الكهربا الخلفى الى معرفش مصيرى معاك بس انا بقول ان السيريون فئه و البونتو ايفو فئه تانيه السيريون مهما كانت فئه الابونتو كلاسيك هيا طبعا رائعه و انا بحبها جدا وانت حببتنى فيها جدا يا مارتين و احسن من البونتو كلاسيك بس برده انك تبقى ماشى بعربيه فئه منها ب 65 الى هيا وان فاعتقد ان البونتو احسن بس لو ليك فى الشد و عربيه جميله برده يبقى السيريون بس برده اوتوماتيك و ديولوجيك فرق تكنولوجيا رهيب كفايه الاوبشن و الخامات و الفيتيس و البلو اند مى و حاجات كتييييييييييييييييييييييي يير
إنت هتقولني كلام يا عمورة...
أنا عمري ماقولت إن الايفو أحسن من السيريون! ولا عمرها هتطلع من بوقي كلمة زي ديه.
كلاسيك إيه ياعمورة اللي فئة السيريون؟ صباح الفل. الكلاسيك فئة البيكانتو - سلاريو - i10 . الايفو فئة السيريون - جتز - i20 .
حوار بقى الدوال لوجيك والأوتوماتيك العادي ,مش هقولك غير كلمة واحدة, شوف ده جت منه شكاوي اد إيه, وده اد إيه.
عيب عليك على فكرة, بس لما أشوفك..:)
الراجل ماقلش انها وحشة :Oc_sun1[1]:
هو قال ان السيريون افضل في
قوة الموتور (معاه حق طبعا خصوصا اننا بنتكلم عن سيريون 1500)
- الواسع الداخلي (مايختلفش عليها اتنين...السيريون عبارة عن كابينة كبيرة و طالعلها كبوت و 4 عجلات صغيرين)
- التوكيل (خدمة مابعد البيع) (ماسمعتش شكاوي من توكيل دايهاتسو...و ربنا يسهل و اوماترا يتحسن)
- قطع غيار ارخص (غالبا ارخص)
- اعتمادية أعلى (هي دي النقطة اللي ممكن نختلف معاه فيها....بس غالبا سليم شيكا صح برده :B4_611:)
- 4 إزاز كهربة (طبعا هو عارف الايفو كويس و منشن علي عيوبها...ماشي يا عم سليم)
- فتح تنك البنزين من الداخل (نفس الكلام)
و حكاية انهم مش من نفس الفئة لا يمنع اننا نقارن بينهم و نقول مميزات كل واحدة
يعني انا ممكن اقول الايفو احسن من الفيرنا...و غالبا كل الناس هتوافق بس ما ينفعش حد يقولي لا الفيرنا سيدان و فئة اعلي من اليفو
هم نفس الفئة على فكرة small hatchback مينفعش بقى نقارن عربياتنا بالجولف أو الليون مثلا.
زي مامينفعش نقارن بين الابـيزا والشيروكو. وكله في الآخر هتشباك.
هي الفكرة إن الايفو نازلة بامكانيات الكبار. وعامتا أنا مش شايف إن فيه عربية أحسن من التانية ككل. وكل واحد يشتري اللي يناسبه بنائا على اولوياته.
ممكن بس اضيف حاجة...
هى السيريون لو هتتفوق اعتمادية, يبقى علشان اقل كتير فى التكنولوجى
يعنى تكنولوجيا بسيطة = مشاكل قليلة
لكن ده مايمنعش خالص ان الأيفو تكنولوجيا اعلى و اعتمادية برده اعلى
وموضوع التوكيل واسعار قطع الغيار...بصوا لسعر العربية هتلاقوه مناسب (الى حد ما)
وفعلا السيريون فئة (ال mini وقد تكون من الأكبر فيها..!!!) و الأيفو فئة تانى Super-mini
أوبشنز الإيفو أكتر بكتيييييييييييييير
فرق الموتور لصالح السيريون
والباقي يا تفوق الإيفو يا زي بعض ماعدا قطع الغيار
بس عايز الفت نظر الناس للموضوع ده http://www.nilemotors.net/Nile/190330-2.html
طيب على افتراض إن كلامك صح
Supermini - Wikipedia, the free encyclopedia
أنا عارف إن الايفو وهمية وجميلة وكل الكلام الحلو ده.
نفس الفئة.
برده علشان ماحدش يفتكر إني عايز اخلي السيريون نفس الفئة وخلاص.
Fiat Grande Punto - Wikipedia, the free encyclopedia
Daihatsu Sirion - Wikipedia, the free encyclopedia
Fiat Grande Punto Car Comparisons
وللمرة الاخيرة, لإللي عايز يشتري, أي اختيار إن شاء الله موفق, مفيش عربية أحسن من التانية في وجهة نظري, كل عربية ليها مميزاتها.
مفيش تناقض ولا حاجة
التكنولوجيا لازم تقترن باعتمادية (بتبقى فى جودة الصنع و التجربة واختيار المكونات بعناية) ويبقى اعطالها قليلة
يعنى اللى مالوش فى حاجة ما يعملهاش...زى كده الشركات اليابانية ملهاش فى Steptronic واما تويوتا عملته كانت اعتماديته ضعيفة..!!!!
نرجع لكلامنا ان البونتو top seller super-mini فى العالم وشركات كبيرة جدا (اوروبية وعندها تكنولوجيا برده) بتحاول معاها فى الفئة دى: 207, كليو, بولو, ابيزا,...
ماينفعش تقارنها بعربية اقل فى كل حاجة (شركة-امان-فتيس-شكل-اوبشنز-وكمان سعر!!!) يمكن بس الموتور اقوى علشان التوكيل بيستهبل
ومش كل عربية شالت جواها موتور كبير هتعرف تجرى بيه.....ولا أيه
تكنولوجيتهم فى توفير البنزين... خفف جسم العربية!!! طب فين الحساسات و cam-profile ونسب علبة التروس و...و..مفيش
واوماترا مش سىء اوى كده زى ما حضرتك بتقول...؟؟؟!!
عموما شكرا لحضرتك للتوضيح
انا شايف انه لا وجه للمقارنة الايفو افضل كتير جدا جدا
حضرتك استخير ربنا و اللي تريحك هاتها
بطلت قراءه لحد كلمه اعطال الإيفو , يا جماعه اعطال ايفو ايه بس !!
طبعا الإيفو تتفوق في أهم نقطه في مقارنه أي سيارتين ببعض وهو التصميم و شكل السياره , الناس الي بتقول الايفو مش بتاعه جري و مش اعتماديه دي بتقول أي كلام وخلاص من غير أي دليل , و بالتأكيد الإيفو مش تتفوق في كل حاجه بس الناس الي بتسيب الإيفو ميعرفوهاش و لا شافوها , سمعوا كلام مضلل بس .
مش معاك فى دى بقى...هى ممكن يبقى ميزة واحدة : الموتور
وبرده مع انه 1.5 DOHC 16v بس مفروض يطلع اكتر من كده+جير اوتو....يبقى شكرا على السحب اللى الناس بتتكلم عليه؟؟؟؟؟
ولو قارنت عزمه بال Fire 1.4 8v اللى بيطلع 115 نيوتن عند 3000 rpm فقط
هتلاقيه الأيفو احسن من 132 نيوتن عند 4400 rpm بعيد... فى رأيك ايهم هيبقى افضل وامتع خصوصا مع فتيس Step و سواقة معظمها urban؟؟؟؟؟!!
-1
بس أنا ملاحظ إن الناس اللي بتدافع قوي ديه (مش عارف عن إيه) مش من ملاك العربية..
عامتا لو حد عنده سؤال إن شاء الله أرد عليه على حد علمي.
بقولك إيه يا أحمد, إنت عارف إن أنا مش متعصب ولا لعربيتي ولا لأي حاجة, أنا داخل افيد صاحب الموضوع بما يرضي الله وعن اللي أنا شايفه من وجهة نظري.
تعالي ناقشني بالعقل والدليل, في الآخر أنا مش فارق معايا مين أحسن.
قولي يا أحمد إنت مش متفق على إيه في كلامي, أنا عارف إنك هتجيب من الآخر.
من الأخر
موتور سيريون بفارق واضح (لكن مش شاسع زي ما ناس فاكرة)
الإعتماديه الإتنين زي بعض مع فارق إن تكنولجيه الإيفو أعلى فإحتمال وجود المشاكل أكبر نسبيا لكن مسمعتش عن أي مشكله تستاهل لحد دلوقتي (معادا عربيه واحده وللأسف الي كبر الموضوع صاحب العربيه فضل سايقها شهر ولمبة الموتور والفرامل منورين)
الكماليات إيفو
الأمان إيفو بس الفرق بينها وبين السيريون نجمة واحده فقط (برده فرق واضح لكن مش كبير)
التوكيل معرفش نظامة في مصر لكن عبد اللطيف جميل في السعوديه ممتاز عن تجربة توكيل فيات في تحسن وإن كان بطئ (ودلوقتي فيه عربيات ضمانها خلص بس إتعملها recall لعيب تصنيع من الشركة الأم والتوكيل بيعملها لكن الناس حتى الي بره الضمان أو ضمانهم خلصان) وده يدل إن فيه تحسن فمش هقدر أقول أنهي أحسن خصوصا إن معلوماتي عن توكيل دايهتسو ضعيفة
قطع الغيار معرفش برده السيريون ظروفها إيه بس أكيد أرخص في الأغلب لكن برده الإيفو مقارنة بفئتها في الأوروبي هي الأرخص مقارنة بالبولو والكورسا والإيبيزا
لو فيه حاجة تانيه فكروني
عامتا متفق معاك في كل اللي أنت قلته, وما عنديش اعتراض.
في حاجة بس ممكن تكون ماكانتش واضحة في كلامي, ماينفعش أصلا نحكم على عربية لسة نازلة هي اعتمادية ولا لأ, أنا قلت السيريون اعتمادية أكتر, لكن مقلتش إن الايفو مش اعتمادية. وده بحكم إن العربية نازلة 2007 ومتجربة ومفحوته.
وبجد أنا أفرح لما أسمع إن التوكيل في تحسن, خصوصا إن ده اللي قلقني من الجراند لما جيت أشتري.
صححلي كلامي, هي الجراند البونتو اللي بتنزل هنا تقفيل ايطالي زي الايفو ولا إيه؟