الحمد لله تمت بنجاح صيانة الاف للساجا

**mosho1985** · 09-10-2010 01:32 AM

اولا السلام عليكم جميعا

امبارح الحمد لله عملت صيانة الالف للساجا المانيوال وكنت تانى عربيه تقريبا........ الحمد لله الامور مشيت تمام العربيه دخلت الساعه 9.30 والناس كانوا مدينى ميعاد الساعه 12 بس الصراحه هم خلصوها وسلموهالى الساعه 11.15 وكان ختامه مسك بانى قابلت ايمن باشا بس يخساره كنت خلاص ماشى وملحقتش اقعد معاه شويه ..........بصراحه الناس هناك محترمين ومشفتش منهم حاجه وحشه ....... العربيه عندى كان فيها حبة حاجات كده

1- العربيه كانت مخنوقه والناس نضفوا البوابات والسحب بقى فل الفل

2- كان فى صوت خبطه فى العجاله الشما ل اللى ادام لما اجى امشى بسرعه واضرب فرامل مره واحده وبرده الحمد لله الموضوع ده اتربطله عفشه واتشحمت

3- الفتيس كان تقيل شويه واتظبط برده الحمد لله

اخيرا بقى النهارده وانا ماشى ظهر حاجه جديده بس لسه حتاكد منها اليومين الجايين وهى انه بيحصل صوت تزييق فى الناحيه اليمين لما اجى اضرب فرامل وخصوصا لو كنت ماشى سلانسيه على مهلى لو فى حته زحمه مثلا يتوقف وتمشى على العموم حتاكد من الموضوع ده اليومين الجايين لو حد عنده فكره ده ممكن يبقى ايه ياريت يقولى.......سلام مؤقت لحد صيانة الخمس تلاف ان شاء الله

**jisso82** · 09-10-2010 01:35 AM

1000 مبروك و عقبال صيانة المليون إن شاء الله و التوكيل زى ما قابلت الناس فيه وحش و فيه حلو و يا رب فى تحسن مستمر إن شاء الله و الناس كلها ترجع مبسوطة زيك كده

**Donzi** · 09-10-2010 01:37 AM

الف مبروك على العربية و على الصيانة و ربنا يباركلك فيها

**mosho1985** · 09-10-2010 01:44 AM

المشاركة الأصلية كتبت بواسطة donzi

الف مبروك على العربية و على الصيانة و ربنا يباركلك فيها

الله يبارك فيك ياباشا

المشاركة الأصلية كتبت بواسطة jisso82

1000 مبروك و عقبال صيانة المليون إن شاء الله و التوكيل زى ما قابلت الناس فيه وحش و فيه حلو و يا رب فى تحسن مستمر إن شاء الله و الناس كلها ترجع مبسوطة زيك كده

الله يبارك فيك ياباشا ............ اكيد طبعا كل مكان فى الحلو وفيه الوحش ويارب يطلع نصيب الناس مع الحلو لحد ما الوحش هو كمان يبقى حلو

**mosho1985** · 09-10-2010 01:51 AM

المشاركة الأصلية كتبت بواسطة spiderloking

الف الف مبروك علي الصيانه و يا رب دايما تفضل راضي عن العربيه و التوكيل و الحمد لله التوكيل في تحسن كتير بالنسبه لصوت التزييق اللي جاي من اليمين قدام ده ممكن يكون صوت تيل فرامل بس عادي مش تقلق هيروح لوحدوا و ممكن كمان تسمع الصوت ده لو انت غاسل العربيه او العربيه وانت ماشي نزلت بالعجل في مياه و كدا ممكن تسمع الصوت ده و هيروح اول ما العربيه تنشف لوحدوا مش تقلق لو فضل الصوت موجود روحلهم تاني التوكيل و ان شاء الله خير

الله يبارك فيك ياباشا ومستنين منك الصور بتاعت الشغل اللى عامله فى الساجا متتاخرش علينا

**spiderloking** · 09-10-2010 01:55 AM

اكيد حاضر ان شاء الله انا خلاص قربت فاضلي بس كام حاجه معزبني والله بس ان شاء الله الاقيهم و هرفعلكم الصور كلها بأذن الله

**Mohtofy** · 09-10-2010 03:08 PM

ألف مبروك على صيانة الألف وعقبال صيانة الــ 100000 و ربنا يديك خيرها ويكفيك شرها

**ykdl** · 09-10-2010 04:11 PM

الف مبروووووووووووك يا باشا على صيانة الالف وعقبال صيانة المليوووووووووووووووون ان شاء الله

انا كمان عملت صيانة الالف للساجا مانيول قريب فى مركز الغد فى المنصورة
بصراحة ناس زوق قوى برضه خلصوا كل حاجة فى ساعة الا تلت تقريبا

وكنت برضه باحس ان العربية مخنوقة والفتيس تقيل شوية

وخليته مكانيكى هناك يجربهالى وواحد ساق الساجا قبل كده قالولى سحبها طبيعى جدا

قلت يمكن عشان انا كنت باسوق قبلها 2000 سى سى قالولى طبعا لازم تحس ان العربية سحبها مش حلو

وقلتلهم كمان ع الفتيس قالولى بينعم مع الاستخدام وفعلا هو بدأ ينعم و الواحد اخد عليه

ربنا يباركلك ويباركلنا كلنا فيها ان شاء الله

**medo_tourkey** · 09-10-2010 07:48 PM

الف مليوووووووووووووووووووووو ووون مبروك على 1000 وعقبال
1000000000000000000000000000000000 ممكن اعرف كلفتك كام؟؟؟؟؟؟؟؟؟؟؟؟

-

الموضوع: الحمد لله تمت بنجاح صيانة الاف للساجا

LinkBack

أدوات الموضوع

عرض

-

-

-

-

-

المواضيع المتشابهه

الحمد لله تم تغيير الدنجل بنجاح ... ولكن .....

تقرير صيانة الاف للساجا

صيانة الاف للانترا - الحمد لله -

تم حل المشكلة بنجاح الحمد لله

مركز صيانة محترم لأوبل ( عبدالله اوبل ) مجرب بنجاح

الكلمات الدلالية لهذا الموضوع

المفضلات

المفضلات

ضوابط المشاركة