مناقشة منطقية عن البوجيهات و تعدد شعلاتها و علاقة ذلك بأستهلاك البنزين

**smsm_nabawy** · 09-10-2010 02:13 AM

بسم الله الرحمن الرحيم

السلام عليكم ورحمة الله وبركاته

عاملين أيه يا جماعة ،،
الموضوع ده الغرض مه مناقشة منطقية و دعوة مفتوحة للأراء مش أكتر ،،

كلنا بنسمع عن البوجيهات الواحد و اتننين و تلاتة و أربعة شعلة كمان ،،

و دايماً تلاقي ناس بتقول ،، ال 3 شعلة بتستهلك بنزين أكتر من ال 2 و هكذا ، كل متزيد الشعلة ،، يزيد معدل أستهلاك البنزين ،،

طيب خلينا نشوف ببساطة كده ،، هو أولاً البوجيهات ،، ملهاش أي صلة بنسب البنزين بخليط الأحتراق ،، "معلش هنا كلامي عن الأنجيكشان، لن عربيتي أنجيكشان مش كاربراتير" لكن اللي اعرفه أن نفس الموال ده في الكاربراتير بيرده ..

طيب معنى كده أن خليط الأحتراق اللي داخل يحتوي على نسبة ثابته من البنزين و الهوا ،، لا تختلف بأختلاف البوجيه ،و أنما بظروف أخرى و مش موضوعنا حالياً ، طيب هو أيه فايدة تعدد الشعلات ،،...
تعدد الشعلات عامةً الغرض منه التأكد من الحصول على أتمم أحتراقق لخليط الأحتراق داخل الأسطوانة !!

يعني بيأكد على أحتراق أكبر كمية ممكنة من البنزين و الهوا اللي داخلين للسليندر ،، .. و بالتالي كمية البنزين اللي داخله ثابته ،، و الأحتراق بتاعهم بقى أحسن و ده لزيادة العزم الناتج من موتور السيارة و أدائها من حيث التسارع ...

طيب يبقى فين الزيادة في أستهلاك البنزين هنا ،، يا سلام خاصةً لو واحد حط سبليت فاير و سلوكها ،، طيب مهي نفس الكمية واحدة في خليط الحرق ،لكن تلاقي اللي يقولك ،، لالالا عربيتك حتاكل بنزين

، لكنك فقط حطيت بوجيهات لتأكيد عملية حرق الخليط كامل ،، ....

يعني بمعنى أصحح ،، بتحافظ على فلوسك أكتر ،، بدل ميطلع حبة بنزين متحرقوش

مش كده برده ولا أيه يا رجالة المنتدى ؟!!!

يا ريت المناقشة تكبر ،، و نشوف أرائكم و تفسيراتكم المنطقية لهذا الموضوع لأنه شاغل دماغي أوي

....

و شكراً

**mohamed_e36** · 09-10-2010 02:43 AM

فعلا انا معاك في كل اللي بتقوله وياريت لو حد شايف ان البوجيهات ال3 شمعه بتزود استهلاك البنزين ياريت يشرحلنا ازاي

**Memo_Lancer** · 09-10-2010 06:40 AM

انا اعرف انها بتقلل مش بتزود والله اعلم

**MMamdouh** · 09-10-2010 02:47 PM

حقائق علمية:

البوجية بتطلع منة شرارة واحدة مهما كان عدد الالكترودات السالبة

البوجية مش حيفرق فى اداء العربية لان فى النهاية انت بتحرق نفس كمية خليط الهوا و البنزين الموجودة فى غرفة الاحتراق

زيادة استهلاك البنزين اللى بيحس بيها البعض بتبقى نتيجة القرص على العربية نتيجة شعورة بزيادة قدرة العربية

الشعور بزيادة قدرة العربية موضوع نسبى بحت و بيحصل لمجرد انك ركبت بوجيهات جديدة بدلا من القديمة... لو كنت ركبت بوجيهات عادية مكان القديمة كنت حتحس بنفس التحسن... او بمعنى اخر لو ركبت بوجيهات "رياضية" مكن بوجيهات عادية جديدة نوفى مش حتحس باى فرق

ميزة البوجيهات المتعددة الشمعات هى العمر الافتراضى الاطول... يمكن يكون السبليت فاير له ميزة عن الباقى و هى ان شكل الالكترود السالب فيها بيسمح لموجة الاشتعال بالانتشار بشكل افضل فى غرفة الحريق و دة ممكن يزود استجابة الموتور حاجة بسيطة... اكتر من كدة مفيش فرق اداء لان فرق الاداء بيجى من قدرتك على حرق وقود اكتر

MMamdouh

**Memo_Lancer** · 09-10-2010 03:15 PM

مفيش كلام بعدكلام الكبير
شكرا يا رياسه

**MMamdouh** · 09-10-2010 04:08 PM

الله يخلليك

MMamdouh

**MMamdouh** · 09-10-2010 04:08 PM

الله يخلليك

MMamdouh

**smsm_nabawy** · 09-10-2010 07:24 PM

شكراً للجميع على الرد ،، انا فعلاً الحمد لله عارف أن الشعلة بتطلع واحدة ، و أنها بتختار أي طريق من التلاتة ، و بتقعد و قت أطول من الأحادي الشعلة ،، واللي وضحلي كده موضوع هنا في المنتدى مفيد جداً فهمني حاجات كتير عن البوجيهات ،، و طبعاً مشكورين كلكم ،، و بدون تخصيص ،، لأهتمامكم و ردكم العلمي و مشاركتكم ،،...

و بكده سيداتي آنساتي سادتي ،، و صلنا لنهاية حلقتنا في المناقشة المنطقية النهارده ،، و هي أن البوجيهات ملهاش دعوة فعلاً بأستهلاك البنزين ،، والحمد لله ،، منطقي صح و عقلي بيفكر سليم :))) ،،،

وأثبتلي كده المناقشة مع ناس أكتر مني علم و تجربة ،،،... و اأمل لكم دوام الصحة و العافية و العقل و المنطق و العلم و كل حاجة ... و دمتم سالمين ،،

حتى نلتقي في مناقشة منطقية أخرى من مناقشاتي ،،

:))