هو دة الشغل السليم يا اوبلاوية

**cayman69300** · 09-10-2010 11:13 AM

طبعا الكلام اللى هقوله دة محدش يعرف بيه غيرنا احنا
لاننا شبعنا اشتغالات و افتكاسات
لو بصينا على نيمو اللى راح توكيل مقار و جاب الشيت اللى فية اعطال العربية
و بعدين اشترى الحاجات من برة و راح عند عبد الله اوبل ركبها فى ساعه و نص
السؤال : هنا ( بالرغم من انى اتعاملت مع عبد الله و عارفة ان الصنايعية عنده كويسيين )
هل لو نيمو راح بالعربية عند عبد الله كان عمل كل الموجود فى الشيت بتاع الاعطال من غير ما يفوت و لا حاجة ؟؟؟؟؟؟؟؟؟؟؟؟
الاجابة : اعتقد انه هيكون صعب جدا
و دة لان الفحص بيعمل سكان على العربية كلها و بيطلع اى عيب و خصوصا فى الحساسات و كفاءة الموتور و كدة
و بعدين يشترى قطعه الغيار و يروح عند اى حد يركبها حتى لو كان نجار لان قعطة الغيار فى العربية الالمانى لا يمكن انها تركب مقلوبة او مش فى مكانها
و بكدة وفر كتير جدا لانة كان فى حكاية التنتيشة دى يدفع دم قلبة و فى الاخر يطلع العيب حاجة تانية خاااااااااااااالص
الله ينور عليك يا نيمو
http://www.nilemotors.net/Nile/185886-2005.html

**فادى محمد** · 09-10-2010 11:35 AM

تمام يا دكتور...اصعب شيء في الميكانيكا هو تشخيص الاعطال وده بيتم عند الصنايعيه بطريقتين اما المحاوله والخطا للتعرف علي السبب او بالخبره عن طريق ماتكون من معلومات نتيجه المحاوله والخطا برده ...انما كل اللي بعد كده سهل جدا ,تركيب -تنظيف..

**mexmarine** · 09-10-2010 02:14 PM

يا جماعه هو ده انسب حل و ده اللى انا عملته اول ما اشتريت عربيتى و كان فيها حساس اير ماس فلو .. روحت لميكانيكى قعد يشيل فى ايديل و يغير فى بوجيهات و غيرنا الفلاتر و انا ساكت علشان كده كده كنت هغير كل الفلاتر و البوجيهات و لما ليقته بدأ يخترع قلت له بس كده.. روحت التوكيل و كشف و قال ايرماس فلو و سألنى أشتغل؟؟ قلت له كام ؟؟ قال لى 2500 بدون مصنعيه !! قلت له ستوب و اشتريته من بره بـ 1250 و ركبته ب 10 جنيهات .. بس كده