قدامى ستروين موديل 98 اشتري وللا لأ؟

**friend4allmo** · 09-10-2010 12:27 PM

سلام عليكم اولا
انا عايز اشتري عربية كدا تقضيلى مصالحى و اروح الشغل و اجى من الشغل بدل بهدلت المواصلات
نزلت سوق اليارات كمنت ناوى اشترى لادا بس لقيت السوق سعره رفع جدا عن اسبوعين اتعقدت
المهم قلت طيب اشوف إيه اسعارة لغاية 25 ألف
لقيت فيه سكودا موديل 95 25 ألف بس مش حلوة اوى
رينو اوبتيما موديل 98 25 ألف
ستروين موديل 98 ب 18 ألف
ستروين موديل 98 ب 18ز5 و فيها تكيف و زجاجا كهرابء و سنتر

فالناس بتقول ابعد عن الرينو دى
و الستروين من ناحية الصيانة و قطع الغيار و الكلام ده
المهم لقيت كلامكم هنا علىا لمننتدى مشجع انى اطنش كلاما لناس و اقدم علىا لسيارة

بس هيا فيها مشكلة
ان الراجل بيقول الكاربيراتير بتاعها عايز تصليح فكان معايا صاحبى قاله يعنى عايز تغيير بواحد جديد قالوا لأ عايز تصليح لانه كان شغال تماما و بعدين فيه ميكانيكى افتى فيها فمظبطوش

فليا استسارات دلوقتى
1- اتوكل على الله و اشوف الستروين و هيا انا شايف ان فيها اوبشن كتير حلوة ده غير انها موديل 98 يعنى احدث من كل اللى شفته غيره و غير ان سعرها قليل و هيا فعلا تتحمل ( انا مشوارى للشغل رايح جاى كل يوم 110 كيلو)

2- مشكلة الكاربيراتير دى (هل ممكن الاقى كاربيرتير جديد بسهولة وللا ده من ضمن قطع الغيار اللى صعب الاقيها و هوا ثمن الجديد كام)

و جزاكم الله كل الخير يارب

**tejani** · 09-10-2010 04:19 PM

حلوة ال ax بس دور على واحدة حالتها كويسه عشان متبتديش عند الميكانيكي فتكرهها

**friend4allmo** · 09-10-2010 04:43 PM

هيا المفروض كل حاجة فيها مظبوطة ما عدا مشكلة الكاربيراتير دى
فهل تغييره ده سهل و بكام

**fepsceasar** · 10-10-2010 11:48 AM

هى ax ولا zx عموما الستروين ممتازة بس انا رايي تكشف عليها كويس وتعرف ايه اللى هيتعمل بالظبط وهيتكلف كام

**friend4allmo** · 10-10-2010 01:54 PM

شكرا لردودكم و اهتمامكم

طيب اي جماعة موضوع الكشف على العربية ده إزاى
يعنى اقصد انا فى ميكانيكى ممكن يشوفهالى اعرفه و فيه اتنين تجار واحد صاحب مكتب و كل يوم بيع و شراء و إيجار و شغال علطول فى الموضوع فهل اى حد منهم ينفع و للا الستروين عايزة لازم ميكانيكى متخصلل فيها ؟
و لو لازم حد متخصص فيها فياريت حد يدينى عنوان حد كويس ممكن يكشف عليها و يقولى ياخد كام بردو فى موضوع الكشف

انا اسف على الإطالة فى ا لسؤال بس انا لسه زيرو فىا لعربيات معرفش حاجة خالص لسه حتى بتعلم السواقة

جزاكم الله خيرا

**fepsceasar** · 10-10-2010 02:25 PM

متهيالى بلاش التاجر ده ممكن يفطسها علشان تجيب حاجة من عنده (انا بقول ممكن كل واحد ونيته) متهيالى zx ,ax مش شرط متخصص قوى ، أنا اعرف اتنين واحد فى المعادى ده كان مهندس فى المصانع الحربية لما كانوا بيجمعوا العربية دى وواحد تانى صنايعي بس بسفهم كويس هو فى القصر العينى ابقى ابعتلى على الخاص لو محتاج اى تفاصيل عن حد منهم، بلاش اقولك عليهم هنا علشان ما يتحذفش اسماؤهم