سيفيك 92 وللا بي إم e30 موديل 90 ؟

**tsaid** · 23-09-2012 07:59 PM

السلام عليكم يا رجالة الهوندا
أخيرا و بعد أكتر من 6 شهور علي سرقة عربيتي (سيفيك 90 ex) عملت جمعية و هقبضها خلال أيام إن شاء الله
هيبقي معايا في حدود 45000 جنيه إن شاء الله و محتار اجيب سيفيك 92 ex أوتوماتيك (أنا مش عارف المبلغ ده ممكن يجيب si و للا لأ) وللا أجيب بي إم 316 موديل 90 أوتوماتيك
الإثنين سواء سيفيك 92 ex أو si و البي إم e30 فيهم كل الأوبشنز من زجاج كهرباء و باور و أوتوماتيك و فتحة سقف و stability رهيب و سرعة و إعتمادية و نعومة
أنا أكتر حاجة تهمني في العربية الثبات و قلة الأعطال
و فيه ميزة نسبية للهوندا إني عارف الميكانيكية بتوعها و عارف بتوع قطع الغيار إنما بالنسبة للبي إم فطبعا معرفش عنها حاجة
و طبعا عايز أعرف رأيكوا بكل حيادية و ياريت اللي يقول راي يقول الأسباب كمان يعني يقول ليه هوندا أو ليه البي إم و أكيد طبعا رأي سمسم يهمني جدا
أنا برده هطرح الموضوع ده علي البيمرز و أشوف رأيهم ايه بس يا ريت تكون الردود موضوعية يعني لو كل الهونداوية يقولوا هوندا و كل البيمرز يقولوا بي إم كده هحتار أكتر
و جزاكم الله خيرا كثيرا

**SAMEH_FOUAD** · 23-09-2012 10:09 PM

اولا ربنا يعوض عليك ان شاء الله

ثانيا : المبلغ دة يجيب SI بس هتبقى محتاجة مصاريف شوية بتاع 3000 جنية ادخل معاهم ال service العادية

بالنسبة بقى للفرق مابين العربيتين فهتبقى المقارنة كدة :

المحرك : الهوندا طبعا بكل جدارة

الثبات : الاتنين واحد

النعومة : الهوندا

السرعة القصوى : الهوندا

المساحة : الهوندا بجدارة

الشكل الاتنين استوك : الهوندا

الارتفاع : الهوندا

الاوبشن : الهوندا

استهلاك البنزين : الهوندا

التكييف : الهوندا

الراحة فى المطبات : الهوندا

الاعتمادية وقلة الاعطال : الاتنين مستواهم عالى جد فى النقطة دية

توافر قطع الغيار : الهوندا وغالبا اسعراهم متقاربة بس فية حاجات فى البى ام ارخص من الهوندا بكتير

دية عن تجربة للسياراتين وبدون تحيز

بس خلى بالك المفروض ان ال civic 93 تتقارن بال e36 مش بال e30 واعتقد السعر بقى متقارب جدا مابينهم يعنى فرق بسيط جدا لا يتعدى ال 4000 الاف جنية

**SAMEH_FOUAD** · 24-09-2012 02:08 AM

المشاركة الأصلية كتبت بواسطة tsaid

أولا أنا ليا الشرف إن أول واحد يرد عليا يكون سمسم

ثانيا أنا برده كنت مايل لنفس رأيك أكتر إن ال si هتكون أحسن كتير من ال e30 بس المشكلة لو ملقتش si نضيفة بالسعر ده و اضطريت إني أدور علي ex(أصل ال 45000 دول أخري خالص و مش هينفع أزودهم خالص) فهل برده نفس المقارنة هتبقي في صالح ال ex ؟
ثالثا ال ex النضيفة تعملها في حدود كام فلوس ؟
و ألف ألف شكر علي الرد الموضوعي المفصل و ده مش جديد علي سمسم

ياباشا ربنا يخليك احنا اخوات ماتقولش كدة

والله ال si زى ماقولتلك هتبقى محتاجة مصاريف شوية , بس طبعا افضل من ال ex فى كل حاجة

وال ex لو نظيفة اوى هتعمل 42 الف جنية

بس طالما وصلت لمبلغ ال si يبقى حطها فى اختيارك

عايزك تجرب متعة الانجيكشن