مش عارفة ازاى اتعامل مع الناس دى...

**shiko85** · 10-10-2010 07:05 AM

المشاركة الأصلية كتبت بواسطة al_manara

يا راجل

**ams** · 10-10-2010 08:35 AM

المشاركة الأصلية كتبت بواسطة Soma_Sooma

خصوصا مع واحدة زيى كدة خلقها ضيق

هاتى واحد مقاسك

اقصد خليكى صبورة شوية
و لما تواجهى حد منهم ابقى راسية و هادية

**shaddadfalcon1** · 10-10-2010 08:50 AM

زي ماالناس قالت
يااما متتعمليش معاهم خالص
يااما تاخديهم علي قد عقلهم وتاخدي في عين الأعتبار برده ان في منهم ببقي مقتنع بحاجه بس ده بسبب جهل بيها يعني لو شرحتيهاله كويس ممكن يفهم

انا لما خطبت ومراتي طبعا منتقبه وكل البلد راحت معايا الخطوبه كان كله مضايق وعمال يقولي ليه كده ولازم تخليها تقلعه والكلام ده موضوع السلام لما كنت افتحه كان يفتو ويقولو ده الشيخ فلان بيسلم والكلام ده كله

دلوقتي نص حريم البلد منتقبات والناس كلها عارفه ان السلام علي الستات حرام يعني في الاخر كانو فاهمين غلط عشان ده اللي اتربو عليه طول عمرهم

**زينة الله** · 10-10-2010 09:26 AM

رأيى صواب يحتمل الخطأ و رأى الأخرين خطأ يحتمل الصواب
و الأختلاف فى الرأى لايفسد للود قضية ،و لو إن بعض الناس يفسد عندها كل القضايا ....
.... فالحياد فى هذه الحال هو الحل

**Soma_Sooma** · 10-10-2010 09:47 AM

المشاركة الأصلية كتبت بواسطة shiko85

من غير زعل يا سوما, مش ممكن يكون فيكى نفس الشئ يعنى بمعنى ان ممكن يكونوا هم صح و انت اللى غلط و انت علشان مقتنعه انك صح عايزاهم يقتنعوا بكلامك و هم شايفين انهم صح و مش مقتنعين بكلامك

لالالا الحمد لله معنديش الصفة دى بشهادة ناس كتير انا من الشخصيات اللى ممكن تقتنع بسهولة جدا مع الصح و بالطريقة الحلوة
ولما بلاقى حدبيتناقش بغباء فعشان خلقى ديق بقفل الموضوع اريح وفى ناس مش بتناقش اصلا معاهم عشان عارفة ان طريقهم سد ...

**Soma_Sooma** · 10-10-2010 09:51 AM

المشاركة الأصلية كتبت بواسطة ams

هاتى واحد مقاسك

اقصد خليكى صبورة شوية
و لما تواجهى حد منهم ابقى راسية و هادية

هههههههههههههههه انا بكون صبورةوهاديةمع الهادى لكن فى ناس بعيدعنك كدة مستفزة ساعتها خلقى بيضيق بقى وبحتاج اوسعة شوية

**Soma_Sooma** · 10-10-2010 09:55 AM

المشاركة الأصلية كتبت بواسطة M.almaghraby

فكرتيني بواحد صحبي دماغه شمااااااال والله , بيشرب علبة او 2 فاليوم .

مقتنع ان السجاير دي مش حرام و مش مضرة و انه لو عايز يبطلها حيبطلها فأي وقت

وانه بيعمل كدا بمزاجه و ان والده ملوش الحق انه يمنعه يشربها اساسا !!

كل ما حد ييجي يتكلم معاه فأي حاجة يحسس الكل انه فاهم و الباقي بلاص

لالالا دةحلتة صعبة قوى فكك منة خالص

المشاركة الأصلية كتبت بواسطة mr_vampire

والله معايا نفس الحوارات ده بس انا عكسك بقي لان ليا تكتيك جهنمي مع الاشكال والاصناف ده وبتعامل معاهم بمبدء ( اربط الحمار مطرح مايحب صاحبه ). بمعني واحد يقولي انا ذكي وهو مكتوب علي جبينه اصلا غبي اريحاله واقول علي فكرة انتا اذكي انسان شوفته في حياتي. واحد ينتقدني ويقولي انتا عيبك كذا اريحاله برده واقوله علي فكرة انتا لماح ماشاء الله عليك طول عمري عارف ان ده عيبي وبحاول اصلحه.
فخلي مبدء فالحياة ( اربط الحمار مطرح مايحب صاحبه هترتاح وهتريح الحمار وهنعيش كلنا سعداء ). انما هنعد نجادل الحمار هيعد ينهأ ومش هنخلص.
جربي التكتيك ده وهتدعيلي والله بس عرفيني بالنتيجة.

عارف انا مش هعرف اعمل كدة مبعرفش اقول حاجةمش جوايا يعنى لو مش مقتنعة بقول انى مش مقتنعة و اقفل الموضوع وخلاص لكن فى ناس مينفعش معاهم الكلام دة والا هيخنقو عليك

**a_samy** · 10-10-2010 10:11 AM

حاولى تتفاهمى معاهم بالهدوء وبالإقناع وإن مقتنعوش إنهم غلط ريحى نفسك وسيبك منهم والدنيا هتعرفهم أنهم غلط.

**Soma_Sooma** · 10-10-2010 10:21 AM

المشكلة يااحمد ان صاحب الشغل من النوعية دى اللى مش ممكن تطلع غلطانة ابدا

يقولك يمين تروح يمين يروح قايلك مروحتش شمال لية ساعتها تبقى هتتجنن

وبطبق طريقةmr.vampire اربط الحمار مطرح ما يقولك صاحبة

بس دة بعد ما يكون جالى شلل رباعى وسكر وضغط

**a_samy** · 10-10-2010 10:27 AM

يا أهلا بالحبايب....هو من النوعيه دى؟

مش هقدر أقولك غير أن ربنا معاكى ويعينك عليه
أصل أنا مديرى كده والمصيبه بقى أنه هندى....آه هندى
تخيلى بقى أن يكون مديرك هندى وكمان مجنون

الموضوع: مش عارفة ازاى اتعامل مع الناس دى...

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

مش عارفة انقل العربية ازاى

اتعامل ازاى مع الدراجات النارية فى الطريق

الناس مش عارفة فيات

ازاى اتعامل مع اللى راكب عربيته وبيعاكس

الكلمات الدلالية لهذا الموضوع

المفضلات

المفضلات

ضوابط المشاركة