ثرموستات 2107 اشيلها و لا

**aboadham** · 22-03-2008 10:37 PM

السلام عليكم
ارجو النصيحة بخصوص الثرموستات اشيلها و لا لأ 2107 injection

**medo1442002** · 23-03-2008 01:25 PM

السلام عليكم أبو أدهم
أناعندي2105 شايل الترموستات هو كويس في فصل الصسف لكن في الشتاء العربية بتحتاج تسخين كتير فنصيحة خلية واهتم بمتابعة الحرارة و اذا احتج الامر تغيير الراديتير غيره

**aboadham** · 23-03-2008 09:53 PM

السلام عليكم
الردياتير عندى الومنيوم. هل يحتاج التغيير باخر نحاس.

**فادى** · 24-03-2008 02:45 AM

أنت طبعا تقصد ثرموستات الكوع.
هشرحلك باختصار مهمة ثرموستات الكوع.
وظيفته انو يقفل دورة المياه و يقطع المياه من الرادياتير الى المحرك لما الحرارة تكون أقل من درجة معينة الى هى درجة الحرارة الطبيعية للمحرك. و ده شىء مهم جدا خاصة فى البلاد الباردة للأسباب الأتية :
- لما بندور العربية الصبح, فرق الحرارة بين المياه و المحرك كبير, لأن المحرك حرارته أعلى من المياه كثيرا لما يدور(احتراق داخلى), و ده بيتسبب فى ضغط على المحرك بيسببه فرق درجات الحرارة (Thermal Stress) أو ضغط حرارى, الضغط ده بيضر المحرك بشكل كبير, عشان كده ثرموستات الحرارة بيقطع تدفق المياه لحد ما تسخن المياه الى داخل المحرك (فى دائرة مغلقة) ثم يفتح الدائرة مرة أخرى عشان تخرج المياه تسخن بقية المياه الى فى الرادياتير و هكذا دواليك و بالطريقة دى بنقلل الضغط الحرارى على المحرك.
- لو الحرارة باردة جدا, و العربية ماشية بسرعة كبيرة, ممكن حرارة المحرك تقل عن الحرارة المثالية, و ده بيتسبب فى انخفاض الكفاءة, فيقوم ثرموستات الكوع بغلق دورة المياه الى أن يعود المحرك الى حرارته الأصلية و هكذا.
- طبعا بيساعد على سرعة تسخين السيارة خاصة فى الشتاء.

طيب ايه مشكلة ثرموستات الكوع.
المشكلة الأساسية الى بتحصل انو مع استخدام المياه العادية (مياه الصنبور) بيبوظ الثرموستات لأنه بيصدى, و بالتالى ممكن يسخن العربية, و فى الحالة دى بيفضل الميكانيكية الاستغناء عنه لأن مهمته مش بتبان أوى فى بلادنا الحارة.
يعنى من الأخر ثرموستات الكوع بيحسن أداء السيارة و بيحافظ على المحرك فمادام سليم يستحسن متغيروش, أما لو عمل مشكلة فممكن الاستغناء عنه أو ابداله.
و ينصح باستخدام مياه مخصصة للتبريد (مياه خضرا) عشان يعمل بكفاءة.