كنت بفكر فى جين 2 لكن بعد مشاهدتى القسم بدأت اشيلها من دماغى وافكر ف جوليت !!

**mxz911** · 21-03-2012 12:42 PM

السلام عليكم

ببساطه انا كنت بعمل مقارنه هنا

http://www.nilemotors.net/Nile/27737...-2-2007-a.html

بين جوليت 2005 فابريكه كلها وجين 2 . 2007 فابريكه كلها .. وتقدروا تشوفوا الموضوع وتقولولى اختار ايه لانى فى حيره فظيعه ومعرفش ان الجين 2 ليها مشاكل اوى كده

**saint2011** · 21-03-2012 01:30 PM

الجين2 عربية ليها كاريزما خاصة جدا والناس بتحبها رغم الظروف المحيطة بها من خلال التوكيل او مشكلات قطع الغيار ولكن موضوع التوكيل عادى لو حضرتك دخلت صفحات كيا - هيونداى- ميتسوبيشى هتلاقى كل الناس بتشتكى من التوكيل موووت لسه فلسفة خدمة ما بعد البيع ضعيفة فى مصر ثانيا موضوع قطع الغيار الناس ملاك جين2 مشكورة بتلاقى بدائل وبتوفق قطع غيار بديلة والتوكيل فى تحسن مستمر ولكن الشىء الملفت للنظر أن ملاك جين2 اوعموما بروتون ناس محترمة جدااا ومتعاونون لأقصى درجة فيما بينهم وربنا يوفقك وأعتذر للأطالة

**yousefsemsem** · 21-03-2012 01:37 PM

مشاكل ايه ياباشا اللي حضرتك قصدك عليا كل المشاكل اللي بتتقال علي المنتدي بيبقي من كل واحد بيقول المشكله اللي بتقابله في عربيته حضرتك حسيت ان كل تجميع المشاكل كلها هتيجي في عربيه واحد ده معلشي مش هتبقي عربيه تبقي خرده
لكن لو بتقارن مافيش اساسا وجه مقارنه بين العربيتين لان الجين تو طبعا وباكتساح تنيم الجوليت علي جنبعا لا مؤاخذه يعني
عمرك شوفت عربيه فانوسها ب60 جنيه الجوليت ديه فانوسها بالثمن ده ياراجل د128 اغلي منه ولا الاسبرانزا ب265 جنيه
وعربيه واخده في اختار الامان نجمه واحده

**S O P H O S** · 21-03-2012 03:17 PM

لو مش عاوز تصرف كتير وصيانة سهل يبقي الجوليت
اما الجين دي برده عاوزه انسان بيحبها جدا ومقتنع بيها جدا جدا
علشان يصرف عليها ويحسس عليها زي بنته علشان هي حساسة شوية وبتحب تبقي عشرة مع صاحبها
وربنا يفوقك للخير والاحسن
تحياتي

**lanos2004** · 21-03-2012 03:56 PM

ملاك الانوس هيقولوا اشترى لانوس وملاك الجين هيقولوا هات جين انا هقولك -العربيه هيه محفظتك شوف مين الى مش هيتعب جيبك اكتر واشتريه من غير ما تحتار--الانوس اصيله والله --ليست فى ثبات الجين واقل قى السرعه-بس مش داخلين سباق-ولو غاوى سباق هات وش نوبيرا اتنين كامه وركبه وما فيش جين تو ولا فور هتحصلك-ومش هتجرى الا مع مرسيدس او بى ام-

**a7mad_mo7amad6** · 21-03-2012 07:13 PM

انا لسه شاري برسونا 2009
الصراحة من اول دوسة بنزين عشقت العربيه ده
ملحوظة :انا كنت عايش في الكويت والعربيات الركبتها قبل ده
كريزلر
بجيرو
ليبرتي

وبدون مبالغه العربية تحفة

**mxz911** · 22-03-2012 12:19 PM

المشاركة الأصلية كتبت بواسطة saint2011

الجين2 عربية ليها كاريزما خاصة جدا والناس بتحبها رغم الظروف المحيطة بها من خلال التوكيل او مشكلات قطع الغيار ولكن موضوع التوكيل عادى لو حضرتك دخلت صفحات كيا - هيونداى- ميتسوبيشى هتلاقى كل الناس بتشتكى من التوكيل موووت لسه فلسفة خدمة ما بعد البيع ضعيفة فى مصر ثانيا موضوع قطع الغيار الناس ملاك جين2 مشكورة بتلاقى بدائل وبتوفق قطع غيار بديلة والتوكيل فى تحسن مستمر ولكن الشىء الملفت للنظر أن ملاك جين2 اوعموما بروتون ناس محترمة جدااا ومتعاونون لأقصى درجة فيما بينهم وربنا يوفقك وأعتذر للأطالة

تسلم على ردك المحاديد وفعلا انا متفق معاك تمام فى كل اللى بتقوله وانا كان قصدى ان المشاكل مثلا مع التوكيل بالنسبه للبروتون اعلى مثلا من الهيونداى .. نسبه وتناسب

المشاركة الأصلية كتبت بواسطة yousefsemsem

مشاكل ايه ياباشا اللي حضرتك قصدك عليا كل المشاكل اللي بتتقال علي المنتدي بيبقي من كل واحد بيقول المشكله اللي بتقابله في عربيته حضرتك حسيت ان كل تجميع المشاكل كلها هتيجي في عربيه واحد ده معلشي مش هتبقي عربيه تبقي خرده
لكن لو بتقارن مافيش اساسا وجه مقارنه بين العربيتين لان الجين تو طبعا وباكتساح تنيم الجوليت علي جنبعا لا مؤاخذه يعني
عمرك شوفت عربيه فانوسها ب60 جنيه الجوليت ديه فانوسها بالثمن ده ياراجل د128 اغلي منه ولا الاسبرانزا ب265 جنيه
وعربيه واخده في اختار الامان نجمه واحده

يا باشا انا مقولتش انى هشترى عربيه فيها كل المشاكل اكيد انا اللى معروضه عليا فابريكه كلها وحاله ممتازه مش عاوز مصاريف 2007 . بس انا ملاحظ ان بالنسبه لموديل عربيه حديثه الناس بتشتكى منها اكتر مثلا من عربيه حديثه موديل تانى .. وطبعا اكيد الجين 2 اعلى من لانوس وجوليت وهيونداى وده اللى خلانى اقارن من الاساس .. بس اول نقطه احنا فى مصر مش بنقارن اداء عربيات ( فقط ) .. وجه المقارنه بيبقى فى كذا نقطه مش مين اقوى .. لان الاقوى ممكن ينتهى أسرع !! واللى مش أقوى يكون بيدوم أطول !
وعلى فكره مش معنى ان فانوس الجوليت ب 60 جنيه انه وحش ..
ارجوا انك تكون فهمت النقطه ونتكلم بحياديه لانى بحب الردود تبقى محايده واشكرك للمساعده

المشاركة الأصلية كتبت بواسطة ahmed1006

لو مش عاوز تصرف كتير وصيانة سهل يبقي الجوليت
اما الجين دي برده عاوزه انسان بيحبها جدا ومقتنع بيها جدا جدا
علشان يصرف عليها ويحسس عليها زي بنته علشان هي حساسة شوية وبتحب تبقي عشرة مع صاحبها
وربنا يفوقك للخير والاحسن
تحياتي

اولا شكرا للحياديه فى الرد وده فعلا كل اللى فى دماغى دلوقتى عن الجين 2 والجوليت .. مقابل اخد اداء اعلى بس هتبهدل ف قطع الغيار والصيانه يبقى جين 2 ,, عكس انى اخد اداء اقل وصيانه مريحه وقطع غيار رخيصه يبقى جوليت

المشاركة الأصلية كتبت بواسطة lanos2004

ملاك الانوس هيقولوا اشترى لانوس وملاك الجين هيقولوا هات جين انا هقولك -العربيه هيه محفظتك شوف مين الى مش هيتعب جيبك اكتر واشتريه من غير ما تحتار--الانوس اصيله والله --ليست فى ثبات الجين واقل قى السرعه-بس مش داخلين سباق-ولو غاوى سباق هات وش نوبيرا اتنين كامه وركبه وما فيش جين تو ولا فور هتحصلك-ومش هتجرى الا مع مرسيدس او بى ام-

صح ومعاك حق وانا مش عاوز الموضوع يبقى كده بصراحه واللى بلاقيه بيعمل كده بصراحه بيخلينى احس ان العربيه التانيه هتكون احسن وده احساس شخصى يعنى مش لازم اناقشه مع حد .. وكمان انا مايل للجين 2 اكتر والله لكن ناس كتير بتحذرنى منها ومش عاوز اخد خطوه تجيب نتايج وحشه .. تسلم على ردك المحاديد وعلى فكره النوبيرا معايه دلوقتى اساسا 2004 مانيوال والحمد لله فابريكه كلها ...

المشاركة الأصلية كتبت بواسطة a7mad_mo7amad6

انا لسه شاري برسونا 2009
الصراحة من اول دوسة بنزين عشقت العربيه ده
ملحوظة :انا كنت عايش في الكويت والعربيات الركبتها قبل ده
كريزلر
بجيرو
ليبرتي

وبدون مبالغه العربية تحفة

الف مبروك يا فندم انا برضه كنت عايش بره وكان معايه بيجو 505 .2000 سى سى ,, وبعدها مرسيدس c180 موديل 2000 .. كانت معدله 2300 سى سى .. ودلوقتى فى مصر معايه نوبيرا 2004 مانيوال كامله لكن ف البيت لازم نجيب عربيه تانيه لكثره المشاوير والشغل ..

تحياتى