يا سلام عليك .. مقارنة في الجون
انا معايا ميجان 2005 و بافكر اضيف لها فلونس تخاويها علي أول السنة ( بس الاقي مستعمل كويس ) و المقارنة دي فادتني جدا
بس كانت ناقصة الفتيس و الموتور
رقم العضوية : 30705
تاريخ التسجيل : 21Jan2009
المشاركات : 3,050
النوع : ذكر
الاقامة : Alexandria-Egypt
السيارة: Clio 1400cc
السيارة[2]: FLUENCE II-2014
الحالة :
وحوش الرينو...مبروك عودة المنتدى مرة أخرى....
عايز أشاركم بمقارنة دقيقة بين الرينو فلوانس و الميجان II فئة الديناميك ما تم إضافته و ما تم حذفه...بس فعلا حاجات مستخبية....
-أولا ما تم إضافته فى الفلوانس و لم يكن موجود فى الميجان II:
1-بلوتوث فى الكاسيت علشان التليفون أو نقل الأغانى من أى جهاز سمعى + 2 مدخل RCA.
2-Keyless entry مع ضم المرايات عند الغلق و الإبتعاد عن العربية.
3-إشارات ضوئية فى الإشارات.
4-مخرج خلفى للتكييف.
5-مساند رأس مطورة رباعية التعديل و لكن أعتقد أضيفت فى الميجان II فى أواخر إنتاجها.
6-كاسيت CD MP3 و ليس أوديو فقط.
7-إمكانية إضاءة الكشافات الأمامية من الكارت.
8-خاصية FOLLOW ME HOME يمكن تعديل وقتها من 30 ثانية إلى 2 دقيقة.
9-عدد 2 فوج لايت خلفى و ليس واحد.
10-مخرج 12 فولت فى الكونسول الأوسط.
11-خاصية تشغيل أنوار الإنتظار أتوماتيكا عند الفرامل الفوجائية (كانت توجد فى عدد قليل من الميجان II ).
12-حلية نيكل عند مخرج الشكمان (لاحظ شكمان الميجان مكنش ظاهر من الخلف).
13-نواكل فى الشبكة الأمامية و الفوجات الأمامية.
14-بادج رينو أكبر و مدفون.
15-إكصدامات أمامية و خلفية بلون السيارة.
ما تم حذفه من الفلوانس و كان موجود فى الميجان II :
1-عدد 4 إيرباج جانبى و خلفى تم حذفهم.
2-عدد 2 زجاج خلفى كهربى ONE TOUCH ... الفلوانس يوجد بها الONE TOUCH فى ال2 الأمامى فقط.
3-تم حذف 2 نور عتب باب خلفى...يوجد فى الأبواب الأمامية فقط.
4-تم حذف خاصية الEASY FILL لتانك البنزين و هو عدم وجود غطاء يمسك باليد و لكن يوجد بدلا منه غطاء بسوستة يغلق أتوماتيكيا بعد إزالة خرطوم التموين.
5-تم حذف غطاء المسند الأوسط الخلفى فأصبح عبارة عن حامل أكواب و ليس مسند.
6-أربع ماكينات رفع زجاج تعمل مع الكارت لغلق العربية بكبسة زر مرتين متتاليتين.
7-أربع أماكن تخزين تم حذفهم...2 تحت الأرجل فى الكراسى الأمامية لإخفاء المقتنيات المهمة و إتنين فى الأبواب الأمامية بغطاء.
8-غطاء موتور بلاستيك.
9-غطاء كبوت أمامى داخلى.
10-مساعد زيت خلفى 2 لفتح الشنطة.
- عجبنى مرونة الSEAT BELT جدا فى الفلوانس (سحبه و ترجيعه فى منتهى النعومة) و لكن معجبنيش خالص فكرة إنى لازم أنزل دراع المساحة كل مرة أركن العربية علشان السايس ميبوظش الكبوت لو جه يرفع المساحات..ده غير تأثير هذه الحركة على الزجاج و العمر الإفتراضى لكاوتشة المساحة لأن أول تحذير عن المساحات إتعلمناه هو عدم تشغيلها على الناشف.
- العربية أعرض و أطول من الميجان و ده أكيد هيعلى الثبات بتاعها أكتر على الطريق.
- الشنطة أكبر و مدخل الشنطة أكبر من الميجان.
العربية تقريبا مفهاش مشاكل تذكر الحمد لله....يعنى مفيش مشكلة متكررة فى عدد معين من العربيات زى الميجان 2005 مثلا.
- الأربع كاوتشات GOODYEAR صناعة تركى مقاس 205/60 R16 والإستبن ميشلان مقاس 15 و حديد مش جنط و معاه كيس مسامير للإستبدال وقت التركيب.
-أحسن ألوانها فى رأى الشخصى طبعا هو الرمادى الغامق جدا B66 و الأسود طبعا مع طول العربية و سحبتها بيدو برستيج عالى و بتبان أعلى من فئتها خالص.
-معدل إستهلاك البنزين فى الفلوانس أعلى حاجة بسيطة عنه فى الميجان يعنى تقريبا 0.5 لتر لكل 100 كيلو.
-مش عارف ليه النظام الصوتى فى الفلوانس مكنش بجودة الميجان...طبعا ده إحساس أولى و ليس نهائى...لازم أجرب مرات أخرى علشان الحكم النهائى.
-الBLIND SPOTS فى الفلوانس هتكون أقل من الميجان و ذلك لكبر حجم الزجاج الأمامى و رفع القوائم الجانبية مقارنة بالميجان.
دى كانت مقارنة تفصيلية سريعة للوحوش اللى عايزين يعملوا UPGRADE للميجان و يشتروا الفلوانس علشان كل حاجة تبقى واضحة قدامهم.....طبعا لو فيه أى تعديل أنا أرحب بيه جدا.....
المقارنة تمت على فئة الديناميك بالذات لأنها أكثر فئة موزونة من الحيث السعر مع الكماليات.....
فيه إضافة من العقيد خالد إن حامل الإكصدام فى الميجان معدن و لكن فى الفلوانس فبر مقوى...
كمان فيه عضو عزيز فكرنى إن رافع الكرسى فى الفلوانس بكرة و لكن فى الميجان كان دراع رفع.....
طبعا أرحب بأى إضافات لفائدة الأعضاء...مبروك عودة المنتدى مرة أخرى......
رقم العضوية : 39787
تاريخ التسجيل : 07May2009
المشاركات : 3,598
النوع : ذكر
الاقامة : 6 أكتوبر
السيارة: Eclipse-Fluence -Corolla
السيارة[2]: Civic.felecia.megan.tigo
دراجة بخارية: no
الحالة :
يا سلام عليك .. مقارنة في الجون
انا معايا ميجان 2005 و بافكر اضيف لها فلونس تخاويها علي أول السنة ( بس الاقي مستعمل كويس ) و المقارنة دي فادتني جدا
بس كانت ناقصة الفتيس و الموتور
To Get The Best In Life
You Have To Start With Yourself
And Do Your .. BEST
رقم العضوية : 30705
تاريخ التسجيل : 21Jan2009
المشاركات : 3,050
النوع : ذكر
الاقامة : Alexandria-Egypt
السيارة: Clio 1400cc
السيارة[2]: FLUENCE II-2014
الحالة :
أهلا بوحوش الرينو الجامدين....
الله يخليك يا باشا....
أنا نفسى أعمل test drive قبل الشراء علشان أكتب ملاحظاتى و مقارناتى بالنسبة للثبات و العفشة و الموتور و الفتيس مقارنة مع الميجان ii.
لكن أحب أطمنك إن الfeddback عنها فى الخارج خرافى و تقريبا منعدمة الأعطال المتكررة...يعنى ظبطوها صح......
رقم العضوية : 15462
تاريخ التسجيل : 30Jul2008
المشاركات : 900
النوع : ذكر
الاقامة : Tanta & Alexandria
السيارة: Renault Megane II 2006
السيارة[2]: Renault Megane I 1999
دراجة بخارية: ---
الحالة :
مقارنة رائعة جدا وميحسش بيها غير اللي متعود على الميجان 2.. اكثر حاجة مستفزاني في الفلونس موضوع رفع الزجاج مش عارف هل فيه اي طريقة او اضافة تخلي الموضوع يشتغل في الفلونس , برده الإيرباج , مش عارف اذا كانت الفلونس واخده كام نجمة في الأمان بس اعتقد انها لا تقل عن 5 , بس هل النسخة اللي ب 2 ايرباج برده 5 نجوم .
رقم العضوية : 46495
تاريخ التسجيل : 08Sep2009
المشاركات : 308
النوع : ذكر
الاقامة : Maadi
السيارة: E90 ISA
السيارة[2]: MEG
دراجة بخارية: no
الحالة :
أولاً الف شكر على المقارنة الجميلة والمفيدة جداً
باقي كلام حضرتك تمام ومضبوط 100% والله ينور
وبعد اذنك في شوية حاجات لاحظتها برده
بالنسبة للموتور انا قرأت كتير وفي الآخر لاقيت ان الموتور تقريباً واحد k4m بس في شوية تحسينات فيه للأفضل
الفتيس يعتبر اصدار جديد من نفس الفتيس السابق ويعتبر في تحسينات للأفضل ايضاً لكن لا الموتور ولا الفتيس مختلفين اختلاف جوهري عن الميجان
[mtohg=undefined]http://img102.herosh.com/2011/03/06/842899358.jpg[/mtohg]
رقم العضوية : 30705
تاريخ التسجيل : 21Jan2009
المشاركات : 3,050
النوع : ذكر
الاقامة : Alexandria-Egypt
السيارة: Clio 1400cc
السيارة[2]: FLUENCE II-2014
الحالة :
يا باشا....يعنى بقالى معاكم فى المنتدى سنتين....و لسه دلوقتى بتقولى إن تشغيل الإنتظار مع الفرامل ممكن تتactive ....
دة أنا هموت على الخاصية دى لأنى بعملها على طول manual و كنت هبقى سعيد جدا لو كانت شغالة.....دلوقتى بس أعرف إنى ممكن أشغلها.....أنا كلمت التوكيل النهارده و نازل عليهم علشان أشغلها إن شاء الله......هى جت متأخرة لكن الله ينور عليك....همه دول الوحوش المقطعين......
فعلا أنا إتأكدت من مخارج الهواء تحت الكراسى و كمان من خاصية الfollow me home و طلعت فعلا يمكن ضبط وقتها.......
يا سابقة عصرك و أوانك يا meggie ربنا يخليك لينا.......
رقم العضوية : 26957
تاريخ التسجيل : 06Dec2008
المشاركات : 125
النوع : ذكر
الاقامة : giza
السيارة: فلوانس
السيارة[2]: ميجان 2
الحالة :
والله يا جماعه الواحد مش عارف يقول لكم ايه انتم بجد تستاهلوا لقب وحوش انا لسه شاري ميجان 2006 من 3 شهور وفيه حاجات كتير ما كنتش اعرفها عن العربيه دي عرفتها من خلالكم ربنا يبارك لكم بجد انتم ناس محترمين جدا انا كنت ها اتجنن ان الموقع مش شغال الفتره دي حمد الله على سلامة الموقع. بالنسبه بقى لموضوع خاصية الانتظار دي لازم اروح التوكيل ولا ممكن اعملها في صقر قريش مثلا وممكن لو ربنا يبارك لكم تدلوني على طريق حد يوكن ثقه علشان اروح له يكشف لي ع العربيه ويظبطها لي لاني من ساعة ماا شتريتها ما روحتش بيه لاي مركز صيانه ولو يكون حد من صقر قريش يكون افضل او فيصل لاني ساكن ع المريوطيه ولكم جزيل الشكر
رقم العضوية : 241
تاريخ التسجيل : 26Apr2007
المشاركات : 4,325
النوع : ذكر
الاقامة : المقطم
السيارة: SPARK LITE
السيارة[2]: Tiggo FL
دراجة بخارية: NA
الحالة :
كويس انك نقلت الموضوع دا بعد backup المنتدى لأنه موضوع مهم جدا
لا حول ولا قوة إلا بالله..متى سيموت الإهمال في مصر
رقم العضوية : 30705
تاريخ التسجيل : 21Jan2009
المشاركات : 3,050
النوع : ذكر
الاقامة : Alexandria-Egypt
السيارة: Clio 1400cc
السيارة[2]: FLUENCE II-2014
الحالة :
رقم العضوية : 26957
تاريخ التسجيل : 06Dec2008
المشاركات : 125
النوع : ذكر
الاقامة : giza
السيارة: فلوانس
السيارة[2]: ميجان 2
الحالة :
شكرا على ردك هو فعلا مشكلة ان الواحد يروح لاي حد يفتي من غير ما يكون عارف ويلخبط الدنيا حاجات زي كده التوكيل اضمن انما هل برضه لو حبيت اضيف مثبت ومحدد السرعه لازم برضه التوكيل ولا ممكن بره في صقر قريش مثلا
المفضلات