مين احسن فلوانس ولا ميجان؟؟

**meganelover** · 17-12-2010 03:51 AM

السلام عليكم يا وحوش المنتدي.
سؤال شاغلني جدا ... انا معايا ميجان 2008 وبصراحه عربيه تحفه بس لما شفت الفلونس عقلي طار من شكلها الحلو وفكرت اغير للفلوانس .ناس قالتلي ان الميجان امتن واقوي من الفلونس وناس قالت ان الفلونس احسن من الميجان.
الحقيقه انا جربت الفلونس بس فتره قصيره مش ممكن تحكم بيها علي عربيه ولاحظت الاختلافات الاتيه:
1- فلونس مافيهاش مساعدين لرفع الشنطه زي الميجان
2- التسارع في الميجان احسن من الفلونس (انا حاسس بكده)
3-شوفت فلونس مخبوطه من ورا والاكصدام الخلفي مدلدل من الجناب زي العربيات الياباني لما تتخبط الاكصدام الفبر يسقط علشان مش مدعم. بينما الميجان بتتخبط من ورا جامد جدا ومفيش اي حاجه بتحصل
4-الفلونس مافيهاش مكن رفع للزجاج زي الميجان
5- الثبات في السرعات العاليه احسن في الميجان من الفلونس وده كلام واحد صاحبي عنده الاثنين و بيسافر كتير بيهم
انا بقي مش عارف ابيع الميجان واجيب فلونس ولا حارجع اندم واقول ياريتني ما بعتها....؟؟

**wawoo** · 17-12-2010 06:01 PM

المشاركة الأصلية كتبت بواسطة meganelover

السلام عليكم يا وحوش المنتدي.
سؤال شاغلني جدا ... انا معايا ميجان 2008 وبصراحه عربيه تحفه بس لما شفت الفلونس عقلي طار من شكلها الحلو وفكرت اغير للفلوانس .ناس قالتلي ان الميجان امتن واقوي من الفلونس وناس قالت ان الفلونس احسن من الميجان.
الحقيقه انا جربت الفلونس بس فتره قصيره مش ممكن تحكم بيها علي عربيه ولاحظت الاختلافات الاتيه:
1- فلونس مافيهاش مساعدين لرفع الشنطه زي الميجان

الميجان الهاتش باك الجديدة فيها المساعدين فى الشنطة و فى الكبوت كمان
2- التسارع في الميجان احسن من الفلونس (انا حاسس بكده)

كما دة ممكن يكون حقيقى لان الميجان 2 ممكن تكون اخف شوية من الفلونس ..بس بعد فترة من الاستعامل و تعود كمبيوتر الفلوينس على اسلوب قيادتك الاحساس دة حيقل كتير ..

3-شوفت فلونس مخبوطه من ورا والاكصدام الخلفي مدلدل من الجناب زي العربيات الياباني لما تتخبط الاكصدام الفبر يسقط علشان مش مدعم. بينما الميجان بتتخبط من ورا جامد جدا ومفيش اي حاجه بتحصل .

طبعا مع الشكل الجديد فى شوية حاجات تصميمية مختلفة و ممكن يكون فى شوية توفير فى بعض الاماكن لكن هيكل الفولينس اكيد تصميم احسن وامتن فى مجملة .
4-الفلونس مافيهاش مكن رفع للزجاج زي الميجان

مش عارف التفصيلة دى
5- الثبات في السرعات العاليه احسن في الميجان من الفلونس وده كلام واحد صاحبي عنده الاثنين و بيسافر كتير بيهم

الفلوينس قاعدة العجلات بتاعتها اكبر و طبعا فى تحسنينات تمت على ثبات و اتزان السيارة..معنى كلامك ان رينو بترجع لورا مش بتتقدم للامام .بالنظر ان الفرق بين الموديلين عدة سنين ..
انا بقي مش عارف ابيع الميجان واجيب فلونس ولا حارجع اندم واقول ياريتني ما بعتها....؟؟

لو انت مرتاح مع الميجان و مافيش ما يدعوك للتغير يبقى خليك على سيارتك لحد ما يتنزل موديل جديد احدث من الفلوينس او تنزل تعديلات جديدة عليها ..يمكن وقتها تكون اكثر جازبية للتغير ليك ..

عموما عشان يكون قرارك مبنى على خبرة عملية ..ممكن تروح تتفرج على العربية و تعمل تست دريف ليها و تشوف بنفسك هل فى فرق جوهرى يدعوك للتغير او لاء..و ممكن وقتها توصل لقرار صائب بدل ما تحير نفسك او تندم على اى قرار ..