مش عارف أنام بسبب مشكلة جامدة جداً

**falak** · 03-12-2010 06:41 PM

المشاركة الأصلية كتبت بواسطة m_elkhishin

بالنسبة لموضوع اذا ضاع الملف، انا حصل مع والدي موقف زي كده بس زمان قوي قبل الرخص الكمبيوتر، كانت السيارة مرفوعة ومسلمين النمر ومعانا وصل التسليم. ولما حبينا نرخصها تاني (وكنا حننقلها من مرور لمرور) وجدنا ان الملف ضاع. وكان الحل انهم ادونا شهادة بيانات للسيارة مكتوب فيها انها من واقع السجل بسبب فقد الملف. وبالتالي اتفتح ملف جديد في المرور التاني، وكان يحتوي على ورقة واحده هي شهادة البيانات فقط.

ربنا يطمن قلبك
ويجيب العواقب سليمة

**falak** · 03-12-2010 06:44 PM

المشاركة الأصلية كتبت بواسطة MASERATI

السلام عليكم و رحمة الله و بركاته

ان شاء الله يكون الكلام ده صحيح و تطلع ترخيص عالطول من غير ماتضطر أنك تطلع تصاريح تانى .

أصل فعلا , موضوع التصاريح ده مقرف , كفاية أنى كنت بضطر أروح مرور الدقهلية عندنا هنا فى المنصورة كل 6 شهور .

المفروض يخلوا الفحص و التجديد كل 20 سنة , هما مفكرين الناس بتحب تروح المرور , هما مايبصوش لنفسهم فى المراية و لا ايه !!!!

ان شاء الله , ربنا ييسر الأمور و المشكلة تتحل يوم السبت الساعة 8 الصبح و ربنا قادر على كل شئ .

مازيراتى كواتروبورتيه

يا رب يكون فعلا الكلام صحيح
مرة أخرى باشكرك يا أخي العزيز على مشاركاتك واهتمامك
ربنا ما يغلـّبك في مرور

**falak** · 04-12-2010 09:53 PM

الحمد لله رب العالمين

ذهبت اليوم لمرور حلوان
ودخلت لرئيس الوحدة
نقيب شاب ربنا يحميه لشبابه
أصدر لموظفه عنده إنها تطلع لي شهادة بيانات بعد أن أطلع على الورقة اللي جبتها من مرور الدقي تفيد بأن الملف تم إرساله لمرور حلوان منذ أكثر من سنة
طبعا الموظفة قامت وهي متأففة إنها هاتخلص وتحل مشكلة لدى أحد المواطنين
وقالت لي وهي متنرفزة جدا : تعالى بكرة .. النهاردة مافيش عساكر يدوروا على ملفات
قلت لها أنا مش متنقل من هنا غير لما المشكلة تتحل والملف ده يطلع من تحت الأرض
وهددتها إني هادخل تاني لرئيس الوحدة وأقول له إن سيادتها مش عايزة تتحرك
المهم قالتلي خلاص اتصرف مع العسكري الوحيد اللي موجود
قلت لها : وماله
ورحت للعسكري خليته يدور ويقلب الدنيا على الملف ،، وبرضه مالقيتوش
قلت له طب طلع لي ملف الوارد بتاع سنة 2009
راح مطلعه وقعدنا ندور مع بعض لغاية ما لقيناه والحمد لله متقيد في دفاترهم
رحت لها وقلت لها الملف أهوه متسجل عندكوا .. ممكن بقى تطلعي لي شهادة بيانات
قالتلي لأ .. لما أشوف الملف بعيني
رحت داخل لرئيس الوحدة تاني ،، ومعايا الدفتر كله
راح ناده لها وقالها طلعي له شهادة بيانات وابقوا دوروا على الملف براحتكوا ،، ومشيه النهاردة
راحت ماشية معايا زي الـ ...... وبعدين لقيت تلكيكة تانية وقالت لي : طب أنا دلوقتي ماعرفش عربيتك دي محلي ولا مستوردة
قلت لها الجولييت كله مستوردة .. قالت لي : لأ .. لازم أشوف الكلام ده بنفسي
قلت لها ( بزعيق ) : يا ستي خلصيني بقى .. الكلام ده لو أنا باقول لك إنها محلي عشان أهرب من قيمة تسجيلها العالية .. لكن أنا باقول لك إنها مستوردة .. خلصي بقى
راحوا زمايلها قالوا لها فعلا الجولييت كلها مستوردة ، وبعدين أنتٍ مش هاتنضري في حاجة
راحت مخلصهالي ،، وقالت لي روح خدها من على الكمبيوتر ،، وتقريباً كده وصت الست بتاعة الكمبيوتر ترخم عليا هي كمان ..
راحت راكناني جنبها شوية هي كمان
وفي الآخر خلصت والحمد لله
وخدت الشهادة بعد عطلة حوالي أربع ساعات ولسان حالي يقول : ده كله وانا جاي من طرف رئيس الوحدة ، أومال لو كنت جيت من على الشباك كان حصل إيه ؟؟
المهم .. الحمد لله خلصت شهادة البيانات ،، وإن شاء الله هاروح أعمل للراجل اللي بعت له العربية بكرة ولا بعده
وبكده يبقى نص مشاكلي خلصت فاضل بقى مشكلتي مع العربية اللي اشترتها ( مش اللي بعتها )
واللي هاحكيلكوا عليها لاحقاً .. عشان ما تزهقوش مني ( ده لو لسه ما زهقتوش

)

سلام مؤقتاً

**moroattar** · 04-12-2010 10:16 PM

الف مبروك والحمد لله ان نص المشكله خلص ...عقبال النص التانى ان شاء الله .......

**SHLD** · 05-12-2010 11:15 AM

مبروككككككككككككككككككككك ككككككككككككككككككككككككك ككككككككككككككككككككككككك ككك

**falak** · 05-12-2010 02:16 PM

المشاركة الأصلية كتبت بواسطة moroattar

الف مبروك والحمد لله ان نص المشكله خلص ...عقبال النص التانى ان شاء الله .......

الله يبارك فيك يا باشا
ويسمع من بقك ربنا وباقي المشكلة تخلص

**falak** · 05-12-2010 02:17 PM

المشاركة الأصلية كتبت بواسطة shld

مبروككككككككككككككككككككك ككككككككككككككككككككككككك ككككككككككككككككككككككككك ككك

الله يبارك فيك يا باشا

**د.محمود صلاح** · 05-12-2010 04:46 PM

حصلت معايا زمااااان نفس تفاصيل ابقصة السابقة وبعهد اكثر من سنة تصاريح كل 3 شهور

ولكن الملف اتحرق في حريق تبع المرور اللي شاري منه العربية .. ومدير المرور أعطاني تصريح بترخيص العربية في المرور بتاعي وذلك لتلف الملف في حريق ,, ورخصت من جديد