انا معايا عربيه اسبيرانزا 2007
وعامله 30000 ك
وعندى مشكله مجننانى ومش لاقى حل ليها
سعات الاقى العربيه سحبها حلو وسعات الاقيها مكتومه
وكمان سعات برضه لما بشيل رجلى من عى دواسه البنزين فجأه بلاقى العربيه تهبط كده او تتكتم حاجه زى كده وترجع تانى والموضوع ده مش على طول بيحصل برضه وللعلم دواسه بنزين الأسبيرانزا كهربا يعنى المفروض لما اشيل رجلى محسش بأى هبوط فى العربيه خالص
الحاجه التالته بقى لما بنقل على الأول وبعدين ادوس دبرياج عشان ادى التانى مع دوسه الدبرياج دى بقى بحس برجه فى المكنه وبحس بيها كمان فى رجلى والكلام ده بيحصل وانا بدوس دبرياج مش وانا برفع رجلى والموضوع ده مش بيحصل غير لما السحب يبقى وحش لاكن لما السحب بيبقى حلو مش بحس بأى حاجه خالص والعربيه بتبقى طبيعى تمام
فأنا اعتقد ان المشاكل دى مرتبطه ببعضها وهى حاجه واحده اللى عامله كل ده بس ايه مش عارف بجد تعبت خىص
وللعلم برضه انا غيرت فلتر بنزين وقواعد المكنه يعنى الحجتين دول مفهمش حاجه
ورحت للعفشجى وقتلى دى مش مشكله عفشه دى مكنه بس المشكله محدش فاهم حاجه فى المكنه دى عشان كله كمبيوتر وفى التوكيل يقولولى تمام
ياريت نوصل لحل مع بعض