حرامي حاول يسرق الام 11 بتاعتي

**teha** · 01-12-2010 10:08 PM

من كام يوم كدة كنت سهران شوية و حوالي على الساعة 1ونص كدة سمعت فجاه صوت الكلكس بتاع العربية بتاعتي بيضرب ورا بعض (للعلم الانذار هوه الكلكس) و الصوت ده كان بيطلع ساعات لو فتحت الشنطة من الريموت و كان الانذار شغال .
المهم طبعا انا اتخضيت و طلعت اجري على البلكونة بصيت لقيت في حد طالع يجري من العربية بتاعتي وشايل شوية جاجات وحضها كدة و بيجري طبعا انا قعدت اقول حرامي و قمت نازل طبعا جري على العربية.
طبعا ملقتش الحرامي و بصيت لقيت الازاز بتاعي مكسور و درج التبلوه مفتوح و متاخد كل اللي فيه و الدرج اللي في نص ده اللي فوق الكاسيت مفتوح و متاخد منه الفلاشة و الكابل بتاعها .
حاولت انظف الكرسي من الازاز و اطلع بالعربية اجري ورا الحرامي لقيت ايدي هتتعور و لازم انظف بالراحة المهم نظفت العربية و رحت القسم وطبعا ياريتني ما رحت عديت على كذا واحد لحد ما وصلت للظابط و في الاخر الظابط قالي مفيش حد موجود عشان تعمل محضر و قالي تعالى بكرة و رحت بكرة برده كان الشخص المجهول لسة مجاش عشان المحضر فنفضت و قلت الحق اروح اصلح الازاز.
كلمت كذا مركز ضيانة عشان اسال على الازاز فطلع مفيش الا في ابو رواش قمت اخد بعضي و طالع على هناك و الحمدلله الازاز اتعمل سعره 76 جنيه و تركيبه 90 جنيه مش عارف ازاي بس الحمدلله انها على قد كدة.
الحرامي سرق دفتر الصيانة و ضمان الكاسيت و البطارية و الفواتير بتاعت الصيانة و الفلاشة والكابل بتاعها و بتاع الموببايل و علبة مناديل تقولي حرامي ايه ده مش عارف.
قالولي الحل بتاع دفتر الضمان اني اروح لمركز الصيانة اللي بعمل في الصيانات الدورية واطلب منهم يطلعولي صور من الفواتير بتاعت الصيانات الدورية و الفواتير تبقى بدل الدقتر.

بس بصراحة الانذار ده انا كنت بقول ايه الفضيحة كل مقفل العربية تزعق بس لله الحمد طلع فضيحة لاي حرامي.

اللهم لك الحمد و قدر الله و ماشاء فعل و اللهم اجرني في مصيبتي و اخلفني خير منها

**osman66** · 01-12-2010 10:31 PM

ده حرامى متخلف الحمد لله

**shaddadfalcon1** · 01-12-2010 10:51 PM

الحاله مخليه الناس تاخد اي حاجه

من شهر بالظبط شقتي اتسرقت واتاخد فلوس ودهب مراتي وكاميرا
الحرامي مسبش حتي شوية اربع وانصص بتوع العيال

**teha** · 01-12-2010 11:06 PM

لا حول و لا قوة الا بالله و ده محدش كان في الشقة و لا مسافرين و لا ايه

**ecybrarian** · 01-12-2010 11:20 PM

اجاركم الله..وعوضكم خيرا..السرقة حصلت فين؟ وانهي قسم دا إللي مارضيش يعمل لك محضر؟؟

**teha** · 01-12-2010 11:29 PM

التجمع الثالث - القطامية

هوه الراجل مشكورا اخد رقمي و قالي هنتصل بيك اول ما نجيب الحرامي و متقلقش هنجبلك حقك.

**TAMERHASSAN** · 01-12-2010 11:50 PM

الحمد لله

**MoHaMed HaMeD** · 01-12-2010 11:56 PM

الحمد لله ع كل شىء وانا جارك ف التجمع الخامس واهلا بيك
وقدر الله وماشاء فعل

**teha** · 02-12-2010 12:20 AM

اهلا بيك يا جاري العزيز على فكرة واحد صاحبي حصل معاه نفس الموقف عند جامع الحمد اللي عند مترو في التجمع .
داخل يصلي الظهر طلع لقي الازاز مكسور و سارفين كيسة صغيرة كان فيها سندوتشات مراته عملهاله .
والعربية اللي جنبه اتسرقت برده بس ديه كان فيها 3000 جنيه .
انا بقولك عشان برده تاخد بالك .

وربنا يهدي المسلمين جمعيا و يصرف عنا السوء.

**nour_nrc** · 02-12-2010 12:34 AM

سبحانك اللهم وبحمدك ، أشهد أن لا إله إلا أنت أستغفرك وأتوب إليك

الموضوع: حرامي حاول يسرق الام 11 بتاعتي

LinkBack

أدوات الموضوع

عرض

-

-

-

المواضيع المتشابهه

حرامي كسر شراعة العربية بس معرفش يسرق العربية

عين وصابت الام بتاعتي

الحقوا يا شباب ارتوك بداء يسرق

غبور يسرق فكرة إعلان بيجو rcz

الكلمات الدلالية لهذا الموضوع

المفضلات

المفضلات

ضوابط المشاركة