هاف انجيكشن للستروين ax

**tejani** · 01-12-2010 11:28 PM

النهارده كنت عند الميكانيكي بغير كاوتشة الكوبلن واشحمه لقيت عنده عربيه ax من جوه فيها حاجات غريبه في الموتور فسالته ايه ده رد واحد قالي ده كمبيوتر
قولتله بتاع ايه قالي بتاع الهاف انجكشن قولتله مش فاهم قالي دي حاجه احنا بنعملها عندنا بنركب كاربراتير هاف انجكشن بالموبينه والمانفولد والطرمبه والكمبيوتر عشان يحسن الاداء ويوفر بنزين قلتله بتتكلف كام قالي 700 جنيه بالمصنعيه
يا ترى حد عنده فكره عن الموضوع ده

**rotanamasoud** · 02-12-2010 08:32 PM

اعتقد الافضل الكاربراتير وبلاش تعقيد

**azkol2005** · 19-02-2011 11:27 AM

شغل فابريكة الشركة نمشي عليه اضمن وان كان بيغرمنا احيانا فما بالك بالابتكار والخروج عن شغل الفابريقه ده ممكن يكون خطر ومغامره عواقبها غير مضمونه ماديا وفني كمان وبعدين الميكانيكي مش هو صاحب العربيه يعني ممكن يالف ويغرمك ويكرهك فيها وبعد المصاريف والبهدله هتروح لميكانيكي غير طب ما تثبت على فابريقة الشركة ونعمل صيانه في حدودها ونصرف بهدف المحافظه على الفابريقه

**aymangalal510** · 20-02-2011 01:25 PM

كلام منطقى تمام

**elghrory** · 15-03-2011 12:13 PM

أنا سألت عليه لقيتة بــ 500 جنية بس متردد

**windofchange** · 15-03-2011 05:45 PM

هو الهالف انجيكشن اعتقد اوفر فالبنزين عن الكربيراتير بس المعضلة هنا ان الموتور اساسا نازل كربيراتير عايز تلعب يبقي سقط الموتور الهالف انجكشن بحاجته كلها مش هالف انجكشن علي مكنة اصلا نازلة كربيراتير وان كان الهالف انجيكشن بيوفر فالبنزين عن الكربيراتير