سؤال بنسبة للستروين ax

**sary005** · 12-06-2010 01:56 PM

انا اول مشاركة لية هنا فى منتدى الستروين لسبب انى قدامى واحدة موديل 1996 و المتور 1400 سى سى و ازاز كهرباء

طبعا انا معاية 128 بس انا نويت اغير و العربية اللى قدامى الستروين AX و عاملة 18500 جنية العربية فابريكة دواخل با الكامل و حلتها كويسة اوى من العفشة و الماتور و التكيف يعنى استعمال راقى مع دكتورة فى الجامعة المهم علاشان مطولش عاليكو دلوقتى انا سمعت ان كهرباء العربية دية ضعيفة اوى

يعنى ينفع اركب فيها 4 سمعات كينود و 2 صب و 2 جى ام ولا مينفعش ياريت حد يرد علية بسرعة علاشان المفروض انى هشتريها اليومين دول ان شاء الله و اسف للاطالة

**rotanamasoud** · 16-06-2010 12:37 AM

ايه علاقه ضعف الكهربه بالقصه دى
انت حتجيب كبلات مخصوص توصلها دايركت من البطاريه للجى امات والكاسيتات والبوازيك الخ
المهم البطاريه تبقى سليمه والدينمو بيشحن بس
وانا معايا اختها1994 ومركب جى ام وتمام

**sary005** · 16-06-2010 01:46 PM

شكرا ياباشا كدة الصورة اتوضحت اكتر

طيب هى سعرها كويس ولا اية النظام ؟

**rotanamasoud** · 17-06-2010 01:17 AM

المشاركة الأصلية كتبت بواسطة sary005

شكرا ياباشا كدة الصورة اتوضحت اكتر

طيب هى سعرها كويس ولا اية النظام ؟

انا شارى عربيتى ب15
اساسيات سليمه مكنه عفشه
بس ناقصها شويه بويه وتكييف برومه فى اربع زوايا عند العجل
انا صرفت2000 على التكييف والف تظبيط يعنى واقففه عليا ب18 وفاضل البويه
يعنى بحسبه تانيه لو العربيه اللى حتشتريها سليمه جدا تسواهم
انا كان معايا 127 وغيرت بيها من قريب شهر تقريبا
احساس تانى وتحس انك نضفت ومستحيل تعرف تركب 127-128 لادا والعك ده
بس حتقابلك شويه مشاكل فى الاول مطلوب صبر لحد لما تفهم العربيه والصنايعيه الصح لللى ممكن توديها ليهم ودى عايزه خبره ووقت
تخيل انا ركبت كابل السرعه بمصنعيه70 جنيه ومكنش كهربائى رادى يركبه وكله بيهرب من العربيه والله بعد كده انا اللى بفك التبلوه بنفسى وركبته لانى الاول كنت خايف منها ودلوقت اتجرات عليها(اناكنت بعمل كل الحجات دى فى ال27 وانا حاطط رجل على رجل)
مش شرط انك تعرف تعمل زىى ده مزاج اولا واخيرا
المهم تفهم تودى العربيه لصنيعيه صح

**waelelgazawey** · 24-06-2010 05:05 PM

المشاركة الأصلية كتبت بواسطة rotanamasoud

ابعد كده انا اللى بفك التبلوه بنفسى وركبته لانى الاول كنت خايف منها ودلوقت اتجرات عليها

سلام عليكم انا شدتني اوي الحته اللي بتقول انك بتفك التابلوة فيها دي
انا معايا ايه اكس من سنة وكنت عايز اظبط شوية حاجات في التابلوة لو الموضوع سهل يا ريت تشرح ازاي بتفكه وهل اثر على حاجة وله لا
والف شكر

**speed demon666** · 24-06-2010 07:25 PM

يا باشا اتوكل على الله العربية حلوة مش وحشة

**rotanamasoud** · 24-06-2010 09:55 PM

المشاركة الأصلية كتبت بواسطة waelelgazawey

سلام عليكم انا شدتني اوي الحته اللي بتقول انك بتفك التابلوة فيها دي
انا معايا ايه اكس من سنة وكنت عايز اظبط شوية حاجات في التابلوة لو الموضوع سهل يا ريت تشرح ازاي بتفكه وهل اثر على حاجة وله لا
والف شكر

لازم تكون بتحب الحجات دى عشان متبوظش حاجه(على مسؤليتك)شخصيا انا بحب المغامره وفاهم انا بعمل ايه
انا اشتريت طقم مفاتيح نجمه ب18جنيه وبعدين بتفك اول حاجه الطاره بمفتاح عجل العربيه
وتبدء تفك علبه الدراعات
وبعدين مسامير ربط العدادات
وتبدء تخلع عداداتك ونفكها من الضفيره(فيش)
وتشوف عندك لمض محروقه تغيرها وتنضف العدادات لو كابل السرعه عايز يتغير غيره بيركب فى العداد من وره والجزء التانى فى الفتيس ممكن تظبط اضائه تلجى او ازرق ودى شرايط ليدات ملونه بتتباع عند بتوع الاكسسوارات
انما فك التابلوه بالكامل معملتوش
لو عندك اى اسئله انا فى الخدمه

**ranovech** · 05-07-2010 12:34 PM

يا جماعة انا طالب في كلية هندسة العاشر من رمضان و ساكن في الهرم و عايز اشتري عربية في حدود 20000 جنية فكرت في ax , ZX بس الناس كولها بتئولي ان قطع غيار غلية و مش هتلئيها ارجو المساعدة و اية احسن عربية ممكن اجبها ب 20000