الموضوع: شكر واجب لمنتدى فيات خاصة, ونايل موتورز عموما

المشاركة الأصلية كتبت بواسطة M.Gamaledeen

السلام عليكم يا شباب وحمدا لله على رجوع المنتدى
الواحد كان حاسس انه مفتقد شيء كبيير جدا في حياته اليوميه

المهم
أحب أشكر كل الأخوة الفياتوية على مساعدتي في اختياري للفيات بونتو إيفو

ف من حوالي شهرين, وأول ما فكرت ابيع عربيتي البولو, كنت مصمم تماما اني اشتري البولو الجديدة ومش مقتنع اني ممكن أركب أي عربية تانية غير فولكس !

لكن بعد مالقيت السعر المبالغ فيه بالمقارنة بالإمكانيات والكماليات الموجودة بالعربية (130.000 جم وطاسات وكاسيت ب اثنين سماعة فقط!!) فقررت اصرف نظر بدأت رحلة بحث طويلة جدا
وصلت في آخرها لمنتدى فيات, وعجبتني الجراند بونتو جدا واللي ماكنتش أعرف عنها أي حاجة خاالص, غير لما قريت المواضيع الخاصة بيها على المنتدى, ولما قررت اشتريها لاقيت ان مافيش منها 2011 والجديدة هي البونتو إيفو

فقررت احجزها (برغم اني ماشفتهاش على الطبيعة, مجرد بروشور الإعلان بتاعها)
ودخلت زي باقي الأعضاء في مسلسل الإنتظار الممل جدا والكلام المتناقض من الوكيل مع, بعض الأفكار في تغيير العربية وشراء "أي حاجة بقى" ولما أرجع لمواضيع المنتدى الاقي الكل بيقول ( اصبر) ف صبرت وأخيرا
الحمد لله
استلمت عربيتي قبل العيد,
PK2 AUTO زهري, بقالها معايا دلوقت 21 يوم وعاملة حوالي 1900 كم
وماشاء الله العربية فعلا تستاهل الإنتظار والسعر

ربنا يبارك فيها, ويبارك لكل اللي اشتروها واللي عايزين (:
واللي بيفكر!!!
مش هاتلاقي عربية بنفس المواصفات دي أقل من 170.000 جم (جولف على الأقل)


بس انا عندي ملحوظة مهمة جدا جدا
الإيفو يتحطلها بنزين 95

الموضوع ده مهم جدا جدا
مكتوب في الكتالوج بتاعها في أكثر من موضوع انها تستخدم بنزين 95 وإلا هايكون في تأثير سيء على المحرك على المدى الطويل. وده لأن نسبة معدل انضغاط المحرك هي 11, وي النسبة اللي لازم معاها نستخدم بنزين 95
للأسف التوكيل قال 92 و 90 شغال, بس ده علشان يبيع
لكن فيات قالوا كلمتهم 95

حاجة تانية
كل اللى معاه إيفو يجرب يحطلها نيتروجين بدل الهواء
وهاتشوفوا الفرق

الف مبروك علي الايفو و علي فكرة انا مريت بمعظم الكلام اللي انت قلت عليه لحد ماوصلت لقرار شراء الايفو و الحمدلله مبسوط جدا....انا كمان معايا بولو 97 و كان نفسي اجيب البولو الجديد بس لما شفتها و ركبتها في معرض اوتوماك شهر 6 اللي فات حسيت ان العربية مايندفعش فيها اكتر من 100 الف جنيه و بالعافية عشان خاطر بس هي من فولكس....

بالنسبة لحكاية البنزين....انا فعلا شفت في الكتالوج انها المفروض بنزين 95 بس قلت كل الناس بتحط 92...عادي يعني...بس انا فعلا عايز اعرف 95 ضروري و هايفرق في الاداء و عمر الموتور؟ وفعلا التوكيل ممكن يقول اي حاجة عشان يبيع...يعني لو 95 ضروري و التوكيل قال الحقيقة لكل اللي جاي يشتري...نص الناس هاتغير رأيها و مش هاتجيب العريية..لازم نعرف ايه الافضل 92 ولا 95

و بالمناسبة...انا عامل موضوع عن الوان الايفو كلها لو تحب ممكن تضيف اللون الزهري للمجموعة بتاعتنا
http://www.nilemotors.net/Nile/187503-a.html