تقطيع وتنتيش وسحب مفيش .... يبقي اية ؟

**mmd3** · 02-12-2010 05:06 PM

العربية كانت ماشية زي الفل وكنت مبسوط ان بقالها حوالي شهرين معطلتش
بس يا فرحة ما تمت من يومين كدة بدأت تنتش وانا ماشي عادي ولما اكبس بنزين تقطع وتترعش ومش عاوزة تجري خاااااالص

طبعا اشتريت سلوك بوجيهات جديدة وبصيت علي البوبينة والبوجيهات وغريت فلتر البنزين وبالمرة اشتريت منظف رشاشات اسبراي ورشيتة في البوابة وفكيت بلف الايدل ونظفتة بال wd40 وكل دة ولا كأني عملتلها حاجة

انا شاكك ان العيب ممكن يكون من طلمبة البنزين عشان صوتها بقي خفيف عن الاول وشاكك ان ممكن يكون ضخ البنزين بقي اضعف عشان كدة العربية مش عاوزة تجري

حد حصلة حاجة شبة دي قبل كدة وكمان العربية الصبح بتبقي مش عاوزة تدور من اول مرة زي طبيعتها وبتاخد وقت علي ما تدور وممكن تبطل لوحدها كمان لو لسة مش سخنة

ها اية رايكو ؟

**yassin_samir** · 02-12-2010 05:28 PM

ممكن يكون العيب من الرشاشات و الله اعلم استنى برضة راى الاعضاء

**M.Zaher** · 02-12-2010 05:39 PM

غير البوجيهات
وبعدين نشوف موضوع الطلمبه

وممكن تكون رشاشات حط منظف رشاشات مع التفويله و احرق 20 لتر على الطريق السريع

**hon** · 03-12-2010 02:23 PM

حضرتك الاعراض الى بتحكى عنها دى حاجة من 2
1-طرمبة البنزين بتبتدى تودع ودا لو التقطيع أبتدا فجأة يعنى من غير مبررات
2-طقم دبرياج(دسك /أسطوانة/بلية) ودا أكيد كان لية تمهيدات يعنى كان فيه تنتيع على الغيار الاول أو كانت بتتعبك فى مطالع الكبارى شوية وانت محمل
دا غير حاجات تانية ممكن تكون فى الحسبان زى
(بنزبن مغشوش-موبينة-بوجيهات)
وان شاء الله تنحل وتحياتى ليك

**mmd3** · 03-12-2010 06:29 PM

انا فعلا شاكك في الرشاشات لانها الصبح بقت بتاخد وقت علي ما تدور
وواحد قالي ممكن تكون الطلمبة مش بتوصل البنزين بالضغط المطلوب لتشغيل العربية
حكاية طقم الدبرياج مسبعدة شوية لأن العربية معملتش الحركات دي

انا نزلت اشتريت منظف رشاشات امريكي ب 20 جنية ووضعتة علي نصف التانك ودي صورتة

Uploaded with ImageShack.us

Uploaded with ImageShack.us

وبعد كدة طلعت علي طريق السخنة وفضيت البنزين كلة ورجعت تاني
كانت النتيجة ان سحب العربية بقي اعلي من الاول علي السرعات العالية انما من 10 الي 50 بتتخنق جامد لو كبست بنزين