الموضوع: المكملات الغذائيه

ما هو انا جسمى اصلا نحيف
معلش يمكن اكون كلامى مش مترتب بس دا لجهلى فى الموضوع

المشاركة الأصلية كتبت بواسطة ahmed_nubira

لو مش عايز فاتس ابعد عن الباودر كله

خد امينو 2222 دة بينشف ومش بيزود دهون

فعلا الامينو بيصفى الدهون تقريبا ومع التمرين المستمر العضلة بتبقى شكلها جامد
ده طلع الناس كلها هنا بتلعب حديد والله 100/100 الى الأمام نايل موتورز

[QUOTE=محمد فريد;3873119006]
ده طلع الناس كلها هنا بتلعب حديد والله 100/100 الى الأمام نايل موتورز [/QUOTE
طبعا يا باشا اومال انت فاكر اية

أنا عاوز أسأل سؤال كده هو فعلا يا جدعان الكلام ده ممكن يتخن واحد رفيع قوي يعني ويبقى جسم وعضلات أصل أنا حاسس إنه مش هيعمل حاجة أنا رفيع يا جدعان برده لحسن تفكرو قصدي حاجة

بص يا foady المكملات الغذائيه دى عالم تانى خالص ياعنى موجود فيه حاجات تفوق تفكير اى حد بجد
ياعنى مثلا انا كنت فى مرة سمعت من واحد ان فى حقنة بتتاخد تخلى العظم ذات نفسة يكبر بنسبة معينة وتضخم الجسم بشكل غير طبيعى بس طبعا اضراراها اكتر من فوايدها
هى الفكرة كلها انت عايز اية
تخين وعايز تصفى لعضل عليك وعلى الامينو والتمرين الشاق واهم حاجة السويدى والجرى
رفيع وعايز تتخن عليك على الاكل والتمرين والراحة والمكملات الغذائية
بس فى عالم المكملات الغذائية كل حاجة موجودة بس خد بالك لان الخلطة نتيجتها فى منتهى الخطورة

نصائح من جيماوي قديم - بطلها من زمن-

1- اهم حاجة السويدي .... لو واظبت على اللعب في البيت حتى مع الوقت هتلاقى النتيجة مرضية جدا.
2- حاول تشتري جوز دامبلز من 5 الى عشرة كيلو.... برضه هينفعوا معاك جدا لو في البيت
3- العب بأوزان خفيفة في البداية وزود الوزن بالتدريج ... ده هيساعدك جدا في تقسيم العضلات
4- اهم حاجة التمرينة تتعمل ببطء وتحس بالحركة وانت بتعملها... مش عداد بيجري وخلاص ....كده تستفيد من التمرينة صح
5- متشيلش اكتر من اللي تقدر عليه ... وفي الغالب مش هتلاقي حد في الناس اللي حواليك في الجيم بيتريق عليك ولا يعلق على الأوزان الخفيفة اللي انت شايلها ... كلهم بدأوا زيك بالظبط...خلي بالك عشان ممكن الوزن الزائد يتسبب في تمزق او شد عضلي أو اصابة مباشرة لا قدر الله.
6- حاول تروح مع حد من اصحابك عشان تشيلوا بعض وتشجعوا بعض في المواظبة على التمارين.
7- اهتم بالأكل في حدود المعقول ... وبلاش المكملات الغذائية لأنها برضه مكلفة ومش هتحسسك بالنتيجة السحرية اللي في دماغك... من افضل الحاجات اللي بتدي وزن الخلطة دي " لبن+ بيض ني + فاكهة اي نوع + رشة فانيليا.... اضرب في الخلاط واشربها " وادعيلي.


وعااااااااااش يا كابتن