اقتباس المشاركة الأصلية كتبت بواسطة dodger111 مشاهدة المشاركة
لالا مش زعلان انا عارف ان حظى نحس وانها واخدة عين انا اول ما جبتها 3 كاوتشات دخل فيهم مسامير وحجات زى كدا المهم لو مظهرش مشكلة يبقى لازم يكون فى مشكلة بديلة....المهم بقى عرفت منين انها واخدة خابطة والتوكيل ادهالك كدا؟؟ وعملت اية؟
كويس انك عارف انها واخده عين ...احمد ربنا على كل حال انا اول سفريه بالعريه دخلت فى كلب ...اتكلفت 11 الف (كانت لسه بتستفتح معايا يعنى)
موضوع الخبطه عرفته عشان كان الاكصدام مكسور ...والباب و الرفرف مخبوطين روحت لسمكرى عشان اعملهم
لما فكينا الاكصدام لقينا ترييحه فى الصدر ..(مش من خبطه الكلب لان خبطه الكلب كانت فى العربيه من تحت فى الشمال) و ترييحه الصدر دى فى اليمين
السمكرى شافها قالى العربيه دى واخده خبطه
جبت واحد بتاع عربيات حوادث شافها قالى واخده خبطه جامده فى وشها
روحت التوكيل فى الصيانه ...وهو بيكشف كمبيوتر..لاحظت ان العربيه مسجله error انها فاتحه ايرباج !!
وقتها كانت العربيه ماشيه 30 الف كم ...مقدرش اثبت حاجه
بص
ندخل فى المفيد
متصرفش حاجه من جيبك على العربيه
انت لسه فى الضمان
ابعت شكوى للشركه الام اكتب فيها كل التفاصيل حتى بأسامى المهندسين ...
متخليش حاجه فى نفسك
اشتكى فى جهاز حمايه المستهلك واحتفظ بكل فواتبير التوكيل ...
المهم
خلى مزاجك رايق ...ومتاخدش الموضوع على اعصابك واعرف ان الى ليك نصيب فيه هتشوفه
انا عن نفسى عملت كده مع توكيل اوبل وخدت حقى الى حد ما (مش فى موضوع الخبطه ..لالا انا قصدى على مشاكل العربيه) ما عدا الجزء بتاع حمايه المستهلك ...التوكيل استسلم فى اللحظه الاخيره هههههه
انا اسف لو كلامى محبط بس معلش ...انت الى قلتلى اتكلم بقى