سؤال لأصحاب الفيرنا .. بخصوص التكيف بارد و وسخن ؟

**د.محمود صلاح** · 03-12-2010 08:12 AM

استفسار لأصحاب الفيرنا بخصوص المكيف ..

هل فيه بارد وسخن ؟

هل فيه دفاية في الشتاء تعمل بطريقة تدوير ماء الريداتير ؟

شكرا مقدما

**د.محمود صلاح** · 03-12-2010 01:44 PM

المشاركة الأصلية كتبت بواسطة mhassan9

طبعا فيه بارد وساخن بس مش عارف يعني إيه دفاية بتدوير ماء الردياتير اللي بتقول عليها دي
بس اللي أقدر أقولهولك أنك كفاية تجيبه علي السخن وتشغله مروحه من غير كمبرسور بيجيب هواء سخن كويس جدا لدرجة انك شوية وهتفله عشان متتحرش :)

أقصد بالدفاية اللي بتشتغل بطريقة ان الماء الساخن من الريداتير يمر أسفل المكيف في مواسير خاصة والمروحة تدفع الهواء من خلاله وبالتالي يطلع هواء سخن

زماااان كانت الدفاية في السيارة بتشتغل بكويل حراري ...

شكراً للمعلومة دي أنا كنت خايف من عدم وجود الدفاية دي لأنها في الشتاء بتعمل شغل جامد .

**M.Osman** · 03-12-2010 01:51 PM

يوجد سخن و بارد :)
المشكلة انك في الشتاء المفروض تستخدم وضع سحب الهواء من خارج العربية و بما ان التكييف بينزل من غير فلتر ... فيفضل تشتري فلتر تكييف للحفاظ عليه (فلتر تكييف الفيرنا فيفا)

**د.محمود صلاح** · 03-12-2010 04:57 PM

مش لازم وضع سحب الهواء على فكرة .. ممكن تشغله والبوابة مغلقة

تحويل المكيف للدفاية يتم مع غلق الكمبريسور وتحويل ذراع توجيه الهواء ليخرج من الفتحات اللي في آخر التابلوه لمنع تكون بخار ماء على الزجاج وليخرج من عند الأرجل لتدفئة القدمين .. لأنه لو طلع الهواء في وجهك هيكون مش مناسب ويضايق .

**M.Osman** · 03-12-2010 06:33 PM

المشاركة الأصلية كتبت بواسطة د.محمود صلاح

مش لازم وضع سحب الهواء على فكرة .. ممكن تشغله والبوابة مغلقة

تحويل المكيف للدفاية يتم مع غلق الكمبريسور وتحويل ذراع توجيه الهواء ليخرج من الفتحات اللي في آخر التابلوه لمنع تكون بخار ماء على الزجاج وليخرج من عند الأرجل لتدفئة القدمين .. لأنه لو طلع الهواء في وجهك هيكون مش مناسب ويضايق .

بس كدا يا دكتور الهواء داخل العربية هيكون جاف .. و الوضع ده لا ينصح بيه (ساخن + من الداخل) و هتلاقي مكتوب كدا على بكر التحكم

**د.محمود صلاح** · 03-12-2010 07:48 PM

المشاركة الأصلية كتبت بواسطة m.osman

بس كدا يا دكتور الهواء داخل العربية هيكون جاف .. و الوضع ده لا ينصح بيه (ساخن + من الداخل) و هتلاقي مكتوب كدا على بكر التحكم

صحيح .. بالبحث في الكتيب لدي - الفيرنا فيفا - وجدت تلك التوصية

شكرا جزيلا للمعلومة

**M.Osman** · 03-12-2010 09:33 PM

المشاركة الأصلية كتبت بواسطة د.محمود صلاح

صحيح .. بالبحث في الكتيب لدي - الفيرنا فيفا - وجدت تلك التوصية

شكرا جزيلا للمعلومة

العفو يا دكتور

اللي يغيظ ان فيه عيب رخم جداً و هو طالماً انت مختار فتحات التهوية على وضع defrost او للأقدام لاااااااااااازم الـA/c يشتغل ... حتى لو كنت انت فاصله من الزرار ... لازم يشتغل على الوضعين دول... مش عارف لية
هما مش فاهمين اني ممكن اعمل وضع التهوية ده مع مروحة فقط و لا عايزيني احرق الكمبريسور كل ما اجي افتح المروحة

**د.محمود صلاح** · 04-12-2010 09:17 PM

اممممممممممم

بالرجوع للكتالوج فعلا قالوا ان لازم لإزالة الضباب من الزجاج الامامي من الداخل الكمبريسور يشتغل مع وضع بكرة التهوية على فتحة الزجاج آخر التابلوه اوتوماتيكيا .. ( اول مرة اشوفها في اي عربية )

بالفعل الهواء البارد بيزيل الضباب عن الهواء الساخن بدليل الماء البارد في الفريزر لا يتشبر الا لو خرج من الفريزر ..

ووجدت خاصية ظريفة وهي الوضع المزدوج للمكيف
هواء بارد من الامام ودافي من اسفل القدمين ..