الموضوع: يا مستخدمى الأندرويد

معلش مش عارف اعمل اقتباس للعايز ارد عليهم فا هاكتب اساميهم
------------------------
@
abdelaziz-waleed

موضوع هايل
طب وايه اخبار البرامج ال GPS المجانية على الاندرويد اللي بتشتغل Offline من غير انترنت
وهل كفائتها زي كفاءة Ovi Maps

فيه برامج كتير نافيجيشن اوفلاين
منهم
IGO
NDRIVE
SYGIC
COPILOT
وفيه غيرهم
وكفائتهم زى الاوفى اى , بس نفس المناطق اللى مش متغطيه فى او فى اى مش متغطيه برضه هناك زى دمياط والمنصورة كده
بس يمكن فى الاندرويد متغطى الاماكن التانيه اكبر بشويه تابع للبرنامج
-----------------------
@
yoko

تمام ونزله جيلبريك لكن unlock لأ

نزله انلوك يا يوكو اقرأ الخبر دة
الخبر
------------------------
@
Ralliart

يعني يا ريت حد يكون اتعامل مع سامبيان واندرويد يحددلي مين الاسهل في التعامل معاه واجيب ايه غير الجالاكسي لان كاميرته مش عجباني

هو الاندرويد بشكل عام سهل التعامل جدا وهاتتعود عليه لما تستخدمه اكتر
وعلى فكره انا اغلبيه التليفونات اللى بتنزل بجربها وفى النهايه اشتريت الجالاكسى
بس على فكره موضوع ان كاميرا الجالاكسى مش عجباك فا انا اشك ان لو انت شفت الكاميرا مع حد تبقى كانت بايظه بقى
لأن الكاميرا جميله جدا خصوصا فى الفيديوهات
-------------------------
@
M.Zaher

كان نفسي الاندرويد يشتغل على جهازي التتش برو 2
بس للاسف مابيشتغل كنظام تشغيل مستقل بينزل على السيم كارد و مابيشغلش سعات البلوتوث و ممكن الواي فاي

انا ماعرفش اذا كان بينفع يشتغل على التاتش برو ولا لأ بس المواضيع بتاعه تشغيلها على تليفونات تانيه بيكون دائما فيه حاجات مش متوافقه وبيحاولوا يصلحوا كل شويه لغايه لما تتوافق مع التليفون بتاعك
الاحسن لو تجيب حاجة فيها اندرويد من الشركه المصنعه نفسها وهايعجبك جامد جدا
---------------------------
@
M7amD_7amDy

الراجل ده FLASH_SMILE بصراحة من أول يوم جبت فيه الموبايل وهو مظبتنى أحلى تظبيط وعرفنى على حاجات كتييييير جدااا وكان بيساعدنى فى أى مشكلة بتقابلنى

الحقيقة راجل محترم جدااا وجدع وخدوم وبوجهله أحلى تحية واجبة منى وألف شكرر ليك يا أحمد باشا :))

ربنا يخلييك لينا يا محمد باشا والله انت اللى راجل كلك ذوووق
وشكرا على البرامج الجامده جداا
اكلمك بكره ع الميل بقى علشان لقيت حاجة ممكن تعجبك
--------------------------
@
BomBom

في استفسار بسيط بخصوص الاندرويد ، هو الاندرويد بيدعم اللغة العربية زي السمبيان ، يعني مثلا phonebook ممكن يبقى في اسامي بالعربي و برضه المتصفح ممكن يتصفح مواقع عربية .. علشان لو ماكنش بيدعم اللغة العربية ، يبقى و لا ليه اي لزمة ( بالنسبة لي على الاقل ) ؟!

الاندرويد فيه عربى على موديلات معينه وتقدر تعربه بسهوله جدا لو مش عندك عربى حتى لو دخلت على الماركت هتلاقى التعريب فى برنامج بتسطبه وينتهى الموضوع
السامسونج نازل عربى رسمى فى كل موديلاته اللى بتنزل الشرق الاوسط
وفيه بعض الاجهزة من اتش تى سى فيها عربى برضه
والعربى تمام جدا فى المتصفح ودعم الفلاش بتاعه 10.1
والفون بوك عربى وبحث عربى كمان
-------------------------
@
Sharky

حلو الموضوع دا

اصل انا لسه اندرويد جديد و البركة فى يوكو باشا :)

الف الف مبروك على دخولك عالم الاندرويد وعلى موبايلك
---------------------------
@
brown-eyes

المنافسة دلوقتي بقت قوية جدا بين الاندرويد و ios
بس لغاية دلوقتي ال ios يكسب

الاندرويد فى خلال وقت قليل بقى المركز التانى
وقبل نص سنه 2011شوف هايبقى عامل ازاى لما ينزل فيرجن 3 , ودة اغلبيه الموبايلات اللى نازله دلوقت هاتحدث ليه سواء رسمى او مش رسمى
+
ان اغلبيه الشركات بقت تتوجه ليه دلوقت وكل الالعاب والبرامج اللى بتنزل على ios بقت اغلبها بينزل على الاندرويد
فى النهايه الموضوع اذواق+ المطورين والناس بقت بتكره سياسه ابل + اغلبيه الناس بتوع الايفون بقوا يتوجهوا للاندرويد
-----------------------------
@
ahmedamin

طب ياريت بما انتوا كدا خبراء فى الاندرويد .
انا كنت متابع جيد لاخبار السوفت وير للموبايلات لحد ما وقعت للاسف على السامسوج الجيت ، وللاسف علشان السوفت وير بتاعه بس ... مش قد كدة خالص ... لكنى جبته لهدف واحد انه البروسيسور بتاعه 800 ميجا وعرفت انه ممكن ينزل عليه اندرويد ... فيا ترى حد ممكن يكون عنده معلومات اكيدة عن حد حول الجيت لاندرويد ... هو فى النت موقع مخصوص للجيت رويد ... بس انا عاوز حد عنده خبرة مجربة بالفعل حتى لو لحد يعرفه من بعيد.

هو انا شفته فى كذا منتدى والموضوع ناجح بس ببعض المشاكل يعنى هايشغل اندرويد بس فيه حاجات معينه مش هاتشتغل بس مش فاكر هى ايه بس الديفولبر بيحدثوا الحاجات الل مش بتشتغل بشكل دورى مش متابع صراحه وصلوا لايه!
-----------------------------
@
lightspeed

طيب بالنسبه للBada
حد عنده معلومات عنه؟
وهل هو احسن ولا الاندرويد؟

كبدايه نظام فا البادا جميل جدا ونظام سلس يعيبه انه مملوك لشركه سامسونج وعدم دعمه للفو اي بى اللى هى بتكون زى شات صوتى كده
وقله برامجه والعابه
الاندرويد الاف البرامج والالعاب + دعم من الشركه + دعم من الديفولوبر بمعنى انه لو الشركه مابقتش تنزله تحديثات هتلاقى الديفولبر بينزلوله التحديثات
-----------------------------
@
د.محمود صلاح

وندوز فون 7 قادم بقوة

معتقدش لان عيوبه اكتر من مميزاته
-----------------------------
@
shery103

لبرامج المفضلة بتاعتى و اللى لا يمكن استغنى عنها

angry birds ( ادمان بجد اللعبة دى )
astro ( و ده file manager )

dolphin browser HD
Gmote ( برنامج بتحكم فى الكمبيوتر عن طريق الموبايل )
IMDB
Mirsal
Ringdroid
robo defense
speed dial
stopwatch & timer
transdroid
Tweetdeck
winamp
iQuran

برامج كويسه ومفيده بس انصحك بحاجتين بدل من اللى انتى كتباهم
Gmote استخدمى بدل منه team viewer
robo defense استخدمى بدل منه armored defense
واستخدمى ال applanet لأنه تقريبا مش عندك وهتلاقى برامج والعاب احسن من دى كتير
وشكرا للبرامج
-----------------------------
@
mido_soliman

هوة الجالكسى مش موجود فى مصر ولا اية ؟
ناس صحابى سالوا عند الوكيل مش موجود حد جابة من هنا وسعرة كام ومنين

موجود من زمان
اول مانزل فى التوكيل نزل ب 4500 وفضل فترة كده
وانا لما اشتريته كان ب 4199
ودلوقت ب 3999
وهتلاقيه فى المحلات ارخص
ودى اسعار النسخه 16 جيجا ال 8 اقل
------------------------------
@
Moh.Abdelbaset

للعبة دي جامدة جداً
بلعبها على i phone بتاع واحد صاحبي
و خلصنا كل المستويات اللي فيها
و مش عارفين ننزل مستويات جديدة
فلو في موقع مجاني ننزل منه مستويات جديدة
يبقى ألف ألف شكر ليكو

بس اللعبة دي موجودة على الكمبيوتر ولا لأ؟

اللعبه نازل منها اصدار الكريسماس للايفون والاندرويد
وفيه كلام على طرح اصدار للبلاى استيشن لكن ما اتكلموش عن الكمبيوتر خالص
-----------------------------------
مش عارف انا نسيت حد ولا لأ

المشاركة الأصلية كتبت بواسطة أحمد كمال

مفيش انلوك لسه ل 4.2.1 على ايفون 4 ..... 3g و 3gs بس

طبقا للمكتوب فى الخبر انه بينفع للايفون 4 لو كان على baseband 01.59.00 لو كان مختلف يبقى ماينفعش
بس هو تقريبا برضه بتاعه مش هاينفع لأنه هايبقى معموله اخر ابديت الله اعلم