الموضوع: يا مستخدمى الأندرويد

@
kamalsalem

يا جماعة انا عيد ميلادي يوم 15 الجاي وكنت قايل لمراتي عايز بلاكبيري بولد 9700... ودلوقتي محتار بينه وبين الxperia x10 بس انا بخاف من اعتمادية السوني اريكسون عشان انا معايا السايبر شوت اهه تليفون ابن تييييت... كل حاجة فيه قشرت.. مع ان والله الناس دي بتعمل سوفتوير هايل...

ف ايه بقى... انا مش نافع اعدي حاجز السعر ده عشان اجيب سامسونج جالاكسي... ف قولولي بقى اعمل ايه... ال x10 حلو؟ انا عارف انه مدام اندرويد يبقى من جوه الحكاية مش فارقة كتير... هو بروسيسور 1 جيجا برضه وكاميرا 8 ميجا... بصراحة ع الورق يمسح البلاكبيري بأستيكة... بس عايز حد يقولي بصراحة كده ايه المفيد

كمان نقطة عشان محدش يقول عليا اهبل... انا من الناس القليلة اللي فعلاً عندي استعمال اللبلاكبيري مش عشان شكله وخلاص

اولا كل سنه وانت طيب ماتنساش تعزم المنتدى بقى
ثانيا مبروك الموبايل مقدما
موضوع اختيارك للموبايل بتحدده احتياجاتك انت
يعنى انت مثلا لما اخترت السايبر شوت اكيد كنت مختاره علشان الكاميرا وعلشان كده انت جبته
والبلاك بيرى انت عايز تجيبه علشان الايميلز والبرامج بتاعته
والاندرويد عايز تجيبه علشان نظام حلو
هو على العموم نصيحتى بلاش x10 مع انه موبايل كويس بس هو فيه عيب انه مش بيدعم المالتى تاتش + معالج الجرافيك بتاعه ضعيف
ثانيا لو على الاميلز والبرامج فا الاندرويد مليان وتقدر تبعت وتستقبل ايميلز من عليه لاكتر من حساب
بس انت بتستخدم برامج ايه على البلاك بيرى وانا اقولك موجوده ولا لأ؟
ثالثا الجالاكسى موجود منه نسخه 8 جيجا ب 3750 موجوده عند سيليكت يعنى فى ميزانيتك
ولو عايز حاجة اقل فيه اختيارات تانيه برضه من موتورلا بس اقل فى الهارد وير وسعرها اقل
-------------------------------------
@
ahmadyusuf

السلام عليكم و رحمه الله و بركاته

فعلا الموضوع ده جميل و متميز خصوصا مع الزياده الكبيره فى اعداد مستخدمى الـ Android

انا ليا طلب, انا معايا موبايل سامسونج جالاكسى اسى , و كنت نزلتله برنامج iGo لانى متعود عليه و مشغله على الـ GPS بتاعى اللى فى العربيه , بس البرنامج بيشتغل على ثلث الشاشه بس علشان تقريبا هو معمول على Resolution معين , فياريت لو حد عنده الموبايل ده و مشغل عليه البرنامج ده يبعتلى اللينك بتاعه

اتفضل دة اللينك بتاع الريزليوشن الاعلى
البرنامج
ولو عايز النسخه اللى معاها ملفات الاس دى قووول وانا اجيبلك لينك ليها
---------------------------------------
@
shery103

هجربهم يا فندم ، و هجرب applanet كمان ، شكرااااا

العفو , وان شااء الله يعجبوكى , ولو حبيتى لينك ال applanet قوليلى وانا احطه هنا
---------------------------------------
@
أحمد كمال

بالظبط

1.59.00 ده نازل على 4.0 و 4.0.1 بس .... 4.2.1 عليه 3.10.01

اوكى , شكرا للتوضيح
---------------------------------------
@
yoko

الbb ديه قديمة جدا ومعظم ال4 شغال على bb احدث بكتير وكده كده بتاعي unlocked رسمي بس يجي

ايوة بس اللى ماكنوش حدثوا ال bb هاتكون القديمه على الايفون 4 , وطبعا بتاعك كان هاييجى احدث نسخه انا كنت نسيت معلش
وبعدين ما بتاعك انلوكد محتاج الانلوك بقى ليه
وماتقلقش هو جايلك فى الطريق تلاقيه بس واقف فى اشاره
--------------------------------------
@
abd_el_7amid

والله فى اعتقادى كده ان افضل جهاز اندرويد هو جالكسى اس لحد دلوقتى
وبما ان معظم المنتدى جابه و ان شاء الله انا كمان قريبا
يبقى انا كده لما اشوف حد شايل الموبايل ده .... على طول هاعرف انه من نايل موتورز

بس اول ماجيبه ان شاء الله عايز حد يظبطنى فى البرامح و الالعاب
وياريت لو فى توبيك للموضوع دا بس

اولا مبروك عليك الموبايل مقدما
ثانيا بما انك بتقول عايز حد يزبطنى فى البرامج والالعاب يبقى انت اكيد ماستخدمتش الاندرويد قبل كده
انت مش محتاج تدور على النت ولا فى مكان غير موبايلك
هايكون معاك الماركت ودة كل حاجة فيه ببلاش علشان مش مشغلين اللى بفلوس فى الدول العربيه
وهايكون معاك البلاك ماركت ودة فيه البرامج والالعاب اللى ببلاش وبفلوس بس اللى بفلوس هناك ببلاش
والالعاب والبرامج مقسمه تبعا للاكشن والكلاسيك ,,,,, وهكذا
وانت لو دخلت عليهم صدقنى لو قعدت شهر مش هاتقدر تنزلهم كلهم
وعموما ان شااء الله انتظر منى انى ابقى انزل توبيك برضه فيه بعض البرامج المهمه والالعاب كمان
----------------------------------
@
mido_soliman

+11111
الجهاز حاليا مش موجود فى التوكيل ولا فى اى موبيل شوب اللى يعرف مكان بيتباع فية حاليا من وقت قريب جدا ياريت يقول مكانة ورقمة
تحياتى للجميع

هو اخر مرة شفته كان فى 3 اماكن , عند الشناوى ب 3900 بالضمان وعند سيلكت كان ب 3900 ال16 غلاه وبقى ب 3999 وبرضه بالضمان وعند التوكيل 4 , عموما هابقى احاول اسالك عليه لو نزلت ان شااء الله
-----------------------------------
مجموعه من الفيديوهات للجالاكسى
فيديو واحد شارى الجهاز وبيفتح العلبه وبيستخدم الجهاز
http://www.youtube.com/watch?v=Wfa1z3iuyf4

فيديو للميوزك بلاير (مشغل الموسيقى)
http://www.youtube.com/watch?v=8mz4YSv7-xU

فيديو بيعرض الجالارى (الاستديو)
http://www.youtube.com/watch?v=ilNGuBg_MR0

فيديو للعبه nova
http://www.youtube.com/watch?v=0C-xyISvnQ4

كان فيه فيديو لضرب النار من مسدس على الشاشه وكانت مش بتتاثر بس لاقيه حاليا
------------
اللى عايز يشوف مقارنه بينه وبين اى موبايل يكتب فى اليو تيوب
samsung galaxy s vs .......1
مكان ال .......1 يكتب نوع التليفون مارضتش اجيب انا علشان الناس مايقولوش عليه متحيز فا شوفوا انتوا