سؤال لخبراء اكصدامات لانسر بومة

**Ramytoyota** · 04-12-2010 12:20 PM

السلام عليكم

انتو طبعا عارفين ان اكصدامات اللانسر البومة مفيش وراها اى تسليح فبالتالى الاكصدام ضعيف جدا جدا جدا خصوصا الاكصدام الخلفى اى خبطة خفيفة تخلى الاكصدام بيفك من مكانه على طول

كنت عاوز اسال اهل الخبرة عن الاكصدامات الاوربى او الامريكى علشان بيبقى معاها التسليح بتعها (الفلين و الصدادة الحديد) الى موجدين فى اغلب العربيات تقريبا

1- ممكن القيهم عند مين فى الحرفيين
2- سعرهم كام تقريبا
3- هل اماكن تثيبتهم فى شاسية العربية جاهز و لا هتاج لتعديلات و لحمات

**ahmedtunning** · 04-12-2010 04:42 PM

متابع+111111111111

**M!SHO** · 05-12-2010 07:19 PM

هما موجودين فى الحرفين فى الأنصاص المتقطعه

بس معتقدش يرضى يدهولك لوحده

**M.Nasr** · 05-12-2010 07:30 PM

متاااااابع انا بعانى من نفس المشكلة دى الاكصدام اللى ورا بقا ضعيف جدا من كتر ماتخبط

**mohamedzian** · 06-12-2010 10:11 PM

فعلا اكصدام لا يليق بعربية لانسر داه اضعف من اكصدامات العربيات الكورى

**mohamedkhamis** · 08-12-2010 09:58 PM

السلام عليكم انا لسه شايفهم من اسبوعين فى الحرفين ب1500 جنيه الاكصدام و الصداده الحديد
بس انا ليا راى فى الموضوع ده انا العربيه لسه عمله حادثه من الخلف و طلع عينى علشان الاقى الاكصدام الخلفى العادى تصور بقا ان الى كان راكب كان الاكصدام الامريكانى ماكنتش هلاقيه و كنت هاشيل الصداده الحديد تانى
ده يا جماعه رايى و ياريت نسمع رأى الزملاء الاعضاء

**mgasser** · 04-01-2011 01:47 PM

ليه واحد صاحبي لسه عامل الموضوع ده ... هاسأله عمله فين و بكام و اجيبلكم التفاصيل. بس انا برده معايه لانسر , و رأيي انه مالهوش لازمه, خاصة ان الحل للحالات ديه هو تغيير الاكصدام.

**johnson** · 09-01-2011 12:56 AM

الاكصدامات دى حلو جدا للعربية احسن 100 مرة من الراكبين انا مركبهم فى عربيتى بجد فرق كبييير هاتلاقيهم فى الحرفين من 1200 ل 1500 كاملين بالشاسيه و الحديدة و مش بتحتاج تعدل اى حاجه فى الشاسيه ليهم اماكن يركب فيها