أرجو المساعدة من الاخوة - إيجار سيارات

**egyptiandiver** · 21-08-2011 03:40 AM

السلام عليكم أرجو المساعدة من الاخوة منتدى الميتسوبيشي الكريم في موضوع اني بفكر اشتري عربية لانسر 1300 أو 1600cc منوال أو اوتو بغرض عمل عقد مع شركة بترول أو شركة إيجار سيارات محترمة - و هل الموضوع د مفيد ماليا لي في أخر المطاف ولا ما هينوبني في أخر المشوار د إلا وجع الدماغ و عربية باظت والعربية عملت حادثة و هل سعر إعادة البيع مجزي مع عرض لبعض الأمثلة للتكاليف والعوايد لهذا المشروع علماً اني مش تاجر و عمري متجرإت و عملت هذه الفكرة و شكراً مقدماً لكم جميعاً أخوكم - أحمد سامي

**egyptiandiver** · 21-08-2011 04:04 PM

ألو يا جدعان ولا الاحسن الواحد يشتري شقة صغيرة و يأجره ؟ أنا سكن في أكتوبر و بفكر برد اشتري حاجة في أكتوبر ولا الشيخ زايد ؟ في ناس بتقول العربيات الاجر د مليانة مشاكل و بصراحة أنا مش عوز وش ..... شكراً مقدماً يا رجالة.

**egyptiandiver** · 21-08-2011 08:30 PM

ألي حاجة... أي حاجة .....

**basemsaeed** · 21-08-2011 10:44 PM

السلام عليكم

انا كنت زيك كده بفكر برده في الموضوع ده
بس لقيت فعلا ان ممكن تحصل مشاكل من الايجار ده
بس لو حتأجر,,أجر لشركة بترول مثلا او شركة سياحة,,بس المهم جدااا انك تكون تعرف الناس دول كويس و واثق فيهم,,كده اقدر اقولك أجر و انت مطمن و القصة دي على فكرة مربحة ان شاء الله

و بالنسبة لقصة الشقة,,برده فكرة كويسة ما شاء الله و العائد اللي حيطلع منها حيساعدك ان شاء الله في حياتك و مصاريفك,,بس المهم الموقع الكويس و ان يكون قريب منها مواصلات عشان تعرف تأجرها بسعر كويس و تتأجر علطول

و ربنا يوفقك للي فيه الخير ان شاء الله

**egyptiandiver** · 22-08-2011 12:14 AM

ألف شكر يا أستاذ باسم، طيب لو يا جماعة حد عرف شركة فيها ناس تخاف ربنا بتاعة إيجار سيارات يعني مثلاً تكون شركة بترول أو إتصالات و عملة عقد مع شركة إيجار سيارات ديه مثلاً يكون عربية بالسوق بتاعها و مشاوير شغل عادي ذي مثلاً توصيل مدير و عمل مشاوير عادية ليه مش إيجار للافراح و العيال تعد تخمس بلعربيات المسكينة.....

أو بالنسبة للشقة لو موضوع العربية ربنا مش ميسر لو حد يعرف حد عوز يبيع شقة في مكان يكون كويس و في نفس الوقت يكون سعرها حوالي 200,000 كاش أو ياخد المبلغ د و يقسط الباقي على ممكن سنة أو سنتين حسب الإتفاق. أنا أسف اني بصدعكم و الله يا جماعة بس عشمي فيكم والله كبير، أخوكم أحمد سامي.