الموضوع: طقم الشنبر

ده رأيي وعن تجربتي
http://www.nilemotors.net/Nile/176465-2001.html
لو ليك اي استفاس انا تحت امرك

بالنسبة للتكلفة عندك في حالة انه طقم شنبر (ده بتتأكد منه بعد فتح الماتور لانه عامل زي البطيخة)
200-250 الميكانيكي
170 الشنبر
صبابات كانت عندي في الريو 250 (تعتبر غالية عندي بالنسبة للكوري) وممكن متحتاجهاش الخراط هو اللي بيقرر بك لما يفك وش الماتور وعامة انت بتغير جلد الصبابات بالمرة في حدود 30

طقم جوانات في حدود 200-250 وراعى ان يكون جوان وش السلندر حديد مش الكرتون المقوى تعبان جدا (على فكرة في عربيتي دخت على ما لاقيته اكيد في النوبيرا متوفر)

وبالمرة غير سير الكاتية وشوف البلية إيه أخبارها

الموضوع كله بسيط بس محتاج حد شاطر وثقة وكله بياخد من يوم ليوم ونص

شكرا علي ردك..و فعلا الميكانيكي قاللي نفس كلامك انها فعلا زي البطيخة المقفولة
انا هروح يوم الاتنين الصبح و ابدأ الشغل و ربنا يسهل ..انا قريت تجربتك و هي فعلا مفيدة بس اللي اعرفه ان طقم الشنبر بيفوق الموتور من جديد و بيحسن الاداء مش مجرد مسكن بس

المشاركة الأصلية كتبت بواسطة mgelgel

شكرا علي ردك..و فعلا الميكانيكي قاللي نفس كلامك انها فعلا زي البطيخة المقفولة
انا هروح يوم الاتنين الصبح و ابدأ الشغل و ربنا يسهل ..انا قريت تجربتك و هي فعلا مفيدة بس اللي اعرفه ان طقم الشنبر بيفوق الموتور من جديد و بيحسن الاداء مش مجرد مسكن بس

بص ياباشا
انت اول 500 ما تزودش السرعة عن 80 وعينك على عداد الحرارة
(بصراحة ما استحملتش اكمل ال 500 بعد 250 طلعت على الصحرواي وفتحت على 150 كم\الساعة عارف انه غلط بس ما قدرتش امسك نفسي)
بعد كده هتغير بوجيهات وزيت وعيش حياتك يا معلم

لو عايز اي مساعدة في اي حاجة كلمني

بص يا باشا-----فى ظل وجود مواتير استعمال خارج للنوبيرا يبقى حرام تعملها عمرة اشترى موتور استعمال على التجربة وقيس كبسة فى اى مركز صيانة لو طلع الكبس كويس خلية راكب ولو وحش بدلة وعلى فكرة لو معاك ميكانيكى شاطر هيعرف قبل ماتركب حالتة اية وفى الحالة دى هتستفيد من قطع الغيار الاضافية فى الموتور القديم كقطع غيار للطوارىء (مارش--دينامو--وخلافة)---لكن اى ميكانيكى او خراط عمرة ماهيرجع شغل الفابريكة تانى-----وبعدين هتجيب منين الشنبر الاصلى والجوانات والصبابات الاصلية لو احتجت---------------فكر فى الموضوع

بص يا ملك لو الشمايز هتخرط اكتر من 010 يبقى تغيرالنص السفلى فقط ده مش هيكلفك كتير حوالى 1500جنيه ولو هتعمل خراطه هتكلفك تقريبا 1200جنيه الموضوعين الاثنين قريبين من بعض وعلى فكره الاداء والتقفيل وخلافه هيبقى برضه واحد الراحه فى متورك انك مش هتعوز تغير ورق وتسجيل وفحص ورخصه جديده والميزه فى الاستيراد نك مش هتلين لكن موضوع انك تغير طقم شنبر بس ده صعب انت ماشى كام كم مع انه مش مقياس بس بيكون الى حدا ما دلاله على حالة المحرك
بس بالامانه نصيحه منى ليك بلاش تغير المتور فى اخ فاضل قالك المتور بطيخه صدقه انا هقولك على نكته لسه سامعها النهارده واحد اشترى متور فيرنا استيراد وسقطه وقفل ظهر تهريب زيت من غطاء وش السلندر الميكانيكى شك انه عايز يتربط حاول يربطه لقاه مربوط فك الغطاء لم يجد جوان ايه رائيك حلوه صح

المشاركة الأصلية كتبت بواسطة mely

نكته لسه سامعها النهارده واحد اشترى متور فيرنا استيراد وسقطه وقفل ظهر تهريب زيت من غطاء وش السلندر الميكانيكى شك انه عايز يتربط حاول يربطه لقاه مربوط فك الغطاء لم يجد جوان ايه رائيك حلوه صح

هي فعلا نكتة ومصيبة في نفس الوقت
معنى كده ان الماتور ده ملعوب فيه قبل كده