الموضوع: نادي المكئوبين لذوي النظرة السوداوية

التعليق بيتكرر

أهلا أهلا
قابلوا بقى أقدم عضو فى نادي المكتئبين...9 سنين أكتئاب. فعلا أخطر حاجة انك مش بتعرف تكتشفه. و مكتشفتش الموضوع الا بالصدفة. كنت خاطب و كان ساعتها الموضوع اتطور معايا و بدأت أشك أنى فعلا مريض لما قريت بالصدفة أن مبارك بيعالجوه من الأكتئاب فى الجرايد و الكلمة رنت فى ودنى...فتحت النت و عملت سيرش .. ساعتها قلت زي محمد صبحى فى لعبة الست (ايه ده كله ايه ده كله) دول بيتكلموا عليا و لا ايه :)) و عرفت انى محتاج طبيب.
طبعا خلال السنين اللى فاتت كنت قريت كتب. لا تحزن (كتاب تحفة على فكرة) و غيره و عملت حاجات تانية كتير بس الحالة كانت مستعصية

بالمناسبة دي..أهديكم شعر كنت كتبته و أنا فى عز أكتئابى..من كتر الأكتئاب جبت القافية من غير ما أبوظ المعنى الكئيب للقصيدة :))

Taste of Despair

Clouds covered the sky. It's no longer plain
The storm is attacking with fury untamed,
chasing hopeless tree leafs without constrain.
like bitter tears I can taste the heavy rain.
Birds abandoned the sky..animals left the terrain
All are running, trying to hide, mostly in vain.
But here I'm, standing in my place
feeling nothing of this epic space.
Busy with the wounds of my heart.
Don't care about any thing else.
let it hurt...let it pain.
I already have my own pain
let it torture...I'll not complain.
I've had enough before..more than I could sustain.
My body is like dead, my soul is drained.
My hopes have broken...My dreams were slain.
I'm not worried about a life I can hardly maintain.
Here inside me, happiness is an ancient remains.
Misery is chasing me everywhere...even in my lain.
Depression became a part of me, running in my veins.
For now...I'm staying in the prison of agony...
Bitterness is my food...

loneliness is my chain.

اليومين دول الحمد لله أحسن شويه من الأسبوعين اللى فاتوا لما كنت بقرب من الأنهيار العصبي...صباحكم عسل خالى من الأكتئاب D:

المشاركة الأصلية كتبت بواسطة icehearted girl

العسل دا اسود ولا ابيض؟؟

ايه ده ؟ أنا كتبت عسل؟ أنا قصدي (معسل)..عشان يعدل المزاج p:
ممم واضح ان حالتك جامدة برضه. مفيهاش حاجة لو تروحى لطبيب نفسي طالما أستنفذتى كل الحلول.
أنا لسه رايح من كام يوم لما أكتشفت الموضوع..تقريبا زي حالتك. الدكتور قاللى ان فى مادة فى المخ مش عارف اسمها كده (مجال تخصصك ده يا دكتورة P: ) بتقل شويه مسببة الأحساس الدايم بالحزن. عموما هو قالى العلاج محتاج على الأقل أسبوعين عشان يبان تأثيره.
ربنا يستر

لو هتلاقوا حل سجلوني معاكم
لو مفيش سيبوا الواحد فاللي هوه فيه

انا حسب تجربتي مع الإكتئاب وكمان مع ناس جالهم إكتئاب بمراحل مختلفة

مشكلة الشخص المريض بالإكتئاب إنه المريض الوحيد الذي لا يسعى إلى العلاج

يعني لو واحد رجليه وجعاه بيطلب من حد يسنده ويروح يتعالج
لو واحد عنيه أو أي جزء في جسمه تعبان بيعمل المستحيل علشان يخف

لكن مريض الإكتئاب في البداية بيكون بيحن للحياة السعيدة ونفسه يطلع من طور الضيق والهم
لكن لو وصل لدرجة الإكتئاب المزمن أو المرضي فلازم اللي حواليه يدفعوه إلى العلاج

سواء العلاج النفسي بجلسات النقاش عند دكتور نفسي
أو العلاج الكيميائي لو وصل لدرجة الإنفصال عن المجتمع أو محاولة الإنتحار

وساعات بيوصل الإكتئاب لدرجة الإنفصام وقد يصاب بالخيال المريض أو تعظيم الذات وادعاء أمور تشعره بأهميته في المجتمع وده لأن الإنسان بيطلع من الدنيا التي فشل فيها إلى قناعات أخرى توفر له مستوى معين من قبول الحياة

والمرحلة دي بيحتاج فيها للأسف علاج كيميائي وكمان جلسات كهرباء

وخلوا بالكم فيه مرض منتشر عند بعض المصريين وبيصابوا فيه خصوصا في حالة الفشل العاطفي وهي حالة بيسموها ( جلد الذات ) حيث إن الواحد بيحاول يدافع عن شعوره بالفشل بتحميل نفسه ذنب العملية بالكامل وهو نوع من عقاب النفس ويعتبر من طرق الدفاع عنها في نفس الوقت لأن الإنسان بيوصل لحالة بيرفض فيها فكرة تحميل الشريك الآخر مسئوليته عن فشل العلاقة العاطفية وكمان من كثرة الهم والضيق مش بيقدر يحدد الأسباب الحقيقية واللي ممكن تكون خارجه عن إرداته سواء أسباب مادية او جمالية او سلوك قهري متربي عليه منذ الصغر أو نوع من الصفات المرتبطة ببيئته المختلفة عن بيئة الطرف الآخر والتي هي مقبولة تماما من جميع الأشخاص الذين في نفس بيئته الإجتماعية
فيبدأ مرحلة جلد الذات وتحقيرها ويحمل نفسه كل شئ

أنا مش دكتور لكن كنت مرافق لناس وصلوا للمراحل المختلفة دي

لكن أعتقد ان المشكلة عند كل اللي بيعلقوا في الموضوع ده هي مشكلة اكتئاب عابر وان كان بيتكرر لفترات متقاربة

وكل واحد عنده القدرة في المرحلة دي - قبل الإكتئاب المزمن أو المرضي - إنه يعالج نفسه بإرادته الشخصية أو انه يروح بنفسه لدكتور نفسي

وتغيير الظروف سواء من الفشل للنجاح او إكتشاف الذات والأعتزاز بها أو حتى تغيير المكان والأشخاص وإيجاد البدائل بطريقة صحيحة وبسرعة ولكن بدون إندفاع قد يؤدي لفشل جديد
كل هذا ممكن يساعد على علاج الإكتئاب

وكمان محاولة الإهتمام بمشروع قومي أو ديني أو وطني ذي قيمة عالية

كمان من الأشياء المهمة اللي للأسف مش منترة بين المصريين هي الهوايات الخاصة
من الجميل إن يكون لكل واحد هواية خاصة بينه وبين نفسه يقدر الإستغناء بيها عن المجتمع المحيط به لوقت معين بحيث يقلل من تأثير المجتمع ده على مشاعره وهمومه

زي مثلا تربية الطيور والحيوانات
زي الرسم
الموسيقى الفردية
المشاركة الخفية في اعمال البر وتوزيع الصدقات والسؤال عن المحتاجين والمرضى وكبار السن
زي سواقة العربيات في أماكن بعيده او رياضة الدراجات لمدن بعيده
زي زراعة الورود او حتى بعض الخضروات في المنزل مثل النعناع والجرجير والحاجات البسيطة

والصراحة وعن تجربة ساعات بيكون الذهاب لدكتور نفسي هو اختصار للوقت والمحاولات

وأفضل دكتور نفسي هو اللي بيواجه المريض بحقائق داخله هو رافض يعلنها قدام نفسه سواء بيخجل منها أو خايف يواجهها

مش عارف أنا يمكن أخدت الموضوع جد وانتوا واخدينه هزار وفرفشة فاعذروني

وتقبلوا تحياتي