الموضوع: نادي المكئوبين لذوي النظرة السوداوية

اتكلم بصراحه ولا اتكلم بما يمليه عليا مستوي عالي من التحضر و الزيف

ياه ربنا معاكم ده الدنيا قرف و الحياه صعبه و الاصحاب و القرايب و الازواج و الزوجات بيخونو بعض و الاولاد بيعقو ابائهم و مفيش حاجه عدله في الدنيا الواحد يعيشلها!!!!!!!

اتكلم بصراحه

suck it up and keep moving

و يحضرني سطر من اغنيه لمايكل

dont let no one get you down keep moving on higer ground
keep flying until you are the king of the hill
no force of nature can break your self motivate

فالي مش عايز يكون صقر في السما و مبسوط انه فار علي الارض ميشتكيش بقي لما هوام الارض يخوفوه و يخلوه يموت في جلده سواء من خوف او رعب او حزن

و ديننا نفسه بيحث علي التفأؤل و بينهي عن التشائم ده غير باقي التوجيهات فيما يحث علي الاقبال علي الحياه و التمتع بيها

انا ده رأئي بصراحه شديده

مش كل ما شوكه تيجي في طريقنا نصرخ و نوطي و نموت من الالم و الحزن

ده لو خنجر في ضهرنا من اعز الناس مش واجب علينا ننهار و نموت في وحده

الحياه غاليه قوي قوي ولا ينكر غلاوتها الا جاهل او احمق و ان كانت الدنيا ساعات بتيجي علينا اوقات طالت او قصرت

لازم يكون جوانا مخزون من الذكريات الحلوه نستعملها لحد ما الاوقات الوحشه تعدي

و في الاول و الاخر كلنا بنتولد و ناكل و نشرب و ننام و نصحي و نموت

مش هتفرق مع الدنيا كلها حاجه لو انت تعيس و شقي

و مش هتفرق لو انت اكتر واحد سعيد في الدنيا دي كلها

فليه تختار الشقاء و التعاسه مدام قدامك الفرح و السرور

الحزن و الالم ساعات بيكونو من اختيارنا

زي بالظبط ما الواحد ساعات بيختار بأراده صلبه و عقل مستنير انه يكون مبسوط

و قالو زمان اضحك الدنيا تضحك وياك

و اللي بيحترف البحث عن الاحزان و الالم و المرض بيلاقي في النهايه مبتغاه او بيموت علي الطريق ده

و ربنا سبحانه و تعالي لما بيلاقي عبد حزين و مصمم علي الحزن بيزيده من التعاسه و الشقاء مدام ركن اليهم في الاول و محاولش يخرج من الدايره دي

و العلم الحديث لاقو بيه ان الواحد لما يكون سعيد داخليا و في حاله من الراحه النفسيه و الصفاء الداخلي بيجتذب اليه كل شيء طيب في الدنيا و العكس صحيح

و ممكن بشويه بحث تلاقو مواد كتير بتأكد الكلام ده و عدم تعارضه مع تعاليم ديننا يجعله كلام مقبول بالنسبالنا

و تطبيقه سهل و بسيط

تخلي عن الحزن و الالم و التعاسه و الشقاء و الخنوع لانهيار الذات

استخدم مشاعر الالم كلها كدفعه قويه ليك ناحيه الفرح و السرور

لا تحزن علي حالك و نفسك

اسيبكم مع الكليب ده اللي للاسف باللغه الانجليزيه بس اللي مش بيعرف انجليزي يبقي يوقف الشاشه كل شويه و بأي وسيله يحاول يترجم الكلام

بجد كليب هيفتح فيكم كلكم مشاعر حلوه

[youtube]http://www.youtube.com/watch?v=Zs444ShwrAE[/youtube]