بتغير كاوتش العربيه كل كام كيلو؟

**Amr_Moh** · 11-03-2009 12:31 AM

50,000 km .

**marwanmarna** · 14-03-2009 01:54 AM

فى الغالب بغير الكاوتش كل من 65:60الف كيلو فى سياره كيا ريو وشيفورليه اوبتراوالانواع الجيده وغير مرتفعه الثمن Gt & كومهو

**Dr_Smart** · 20-03-2009 11:49 PM

انا ملاحظ ان اكتر الاصوات بتغير الكاوتش لما يجيب اخره

يعني هو لما يجيب اخره ده مش خطر ؟؟؟

هو ايه اللي بيحصل لو العمر الافتراضي لفردة الكاوتش خلص ؟ يعني هل هتفرقع ولا هتنام ؟

**powerofhelll** · 21-03-2009 03:28 AM

المفروض كل 40 الف بس مفيش فرده بتعمر في البلد دي

**bishoy02010** · 21-03-2009 09:18 PM

المشاركة الأصلية كتبت بواسطة powerofhelll

المفروض كل 40 الف بس مفيش فرده بتعمر في البلد دي

+11111111111

**DAHB115** · 04-04-2009 05:01 PM

سؤال مهم ويا ريت حد يجاوبني انا اشتريت عربيتي لسه من شهر ومش عارفه اى حاجه عن الكاوتش السؤال هنا امتي اغير كاوتش العربيه واعرف منين انه بقي غير صالح للاستخدام واني لازم اغيره

**karimone** · 04-04-2009 05:07 PM

المشاركة الأصلية كتبت بواسطة DAHB115

سؤال مهم ويا ريت حد يجاوبني انا اشتريت عربيتي لسه من شهر ومش عارفه اى حاجه عن الكاوتش السؤال هنا امتي اغير كاوتش العربيه واعرف منين انه بقي غير صالح للاستخدام واني لازم اغيره

ممكن حضرتك تروحي تكشفي عليها في بريدجستون اللي في عباس العقاد و هما يقدروا يقوللك حالة الكاوتش ايه...

**michohat** · 10-09-2009 10:10 PM

السلام عليكم ورحمه الله وبركاته
انا لسه مش غيرت الكاوتش بس فى الاغلب مش بغير الا لما الكاوتش يجيب يتعب و يبقى فيه عيوب ومدام هو شغال كويس وحالته كويسة بستعمله وده نظرا لان مش ليا فى الجرى
اللى فاكره ان اخر مره غيرنا فيها كاوتش العربية على ما اظن كان سنه 2002 او 2003 ايام والدى الله يرحمه وركب كاوتش اسمه ملينيوم وكان جابه من واحد صاحبه فاتح محل كاوتش ووصاه بيه

**Samir_Adel** · 11-09-2009 02:01 AM

هو السيفتي كل 30 ألف.. بس لو الكاوتش دة فابريكة بتاع العربية و جاية من برة, يبقي شغال 40 ألف فقط و غيرة.
ملحوظة كلبوظة: 90% من الكاوتش اللي بينزل مصر بيكون درجة تالتة و 10% بيكون درجة تانية حتي لو بريدجستون, ميشلان, بيريلي أو حتي جود يير! مفيش درجة أولي بينزل مصر نهائي! بس دة ميمنعش ان في ماركات كويسة جدا زي المنتشر اوي الماكسيس أو الكومهو.