بتغير كاوتش العربيه كل كام كيلو؟

**CryptonX** · 31-03-2008 12:38 PM

توصيات فيات الايطالية :

- كشف عام كل 10.000 علي مستوى الكاوتش و مدى صلاحيته .
- تغيير الكاوتش مهما كانت حالته كل 50.000 كم
- يفضل عند التغيير استعمال نفس نوع الكاوتش المستبدل من حيث المقاس و السرعة .
- ان استبدلت الماركة يجب التأكد من تطابق المواصفات .

فيات تنصح باطارات " Pirelli " وهي اصلا الاطارات التي بتنزل في سيارات فيات كلها .
وكل عادة اغلي اطار ! :)

**sindbadffff** · 31-03-2008 03:08 PM

المشاركة الأصلية كتبت بواسطة karim_monir

مش كل انواع الكاوتش
ما تجيبش كاوتش اندونيسي زي تركي زي صيني زي مصري
ما ينفعش كل النقشات زي بعض
عموما
في الاكسيل ركب دانلوب اندونيسي قعد اكتر من 50 الف وكان لسه رائع والنشات سليمةة والاربعة تيوبلس
في الكرولا اول ما جبتها شلت التويو الياباني الاصلي لانه بيعمل دوشة عالية وبيعوم العربية
وجبت بريجستون سوبر سايلانت ياباني من توكيل بريدجستون
التوكيل قاللي لو شغل قاسي جدا يبقي 60 الف
لو عادي يبقي 80 الف
وقاللي في ناس قعدت ال 100 الف كاملين بس في اقل من 5 سنين
--------
اخر نصيحة بقي
لما تيجي تشتري كاوتش لو قدرت تشتري من التوكيل ولو اغلى ب 10%
لييييييييييه
يوم ما رحت اجيب لقيت عند اشرفكو ارخص ب 40 جنية في الفردة
سالت التوكيل قاللي ده خصم الموزع وقاللي لو بتفهم ماتخدش من عندة قولتلة ليه
دخلني المخزن
لقيت كل 5 فرد فوق بعض في عامود واحد في درجة حرارة معينة ما بتزدش وكمان الرطوبة
وبيتغير اوضاعم كل من 10 ايام لاسبوعين عشان ما يتعوجش
قاللي برة عمرك ما هاتلاقي الكلام ده ولو شوفت ظروف تخززين الكاوتش هاتحزن
وكمان لو التخزين عوج الفردة بيداروة بالترصيص
دي معلومة شوفتها بعيني حبيت انقلها لكم عن الكاوتش

يعنى ايه فرده تتعوج انا شفت عربية زيرو و العربية بتحدف كالوا من فترة تخزينها بالميناء و يتر العيب ده ترصيص و لا الافضل تتغير بجديد

و شكرا

**sindbadffff** · 31-03-2008 03:16 PM

المشاركة الأصلية كتبت بواسطة درش

كل 40 الف ودى عمر الفترضى للكاوتش

بقول لحضرتك ايه يا درش

اما تكون عربية زيرو و العربية بتحدف يمين و بعد يطلع الهواء تمام و الزويا تمام ثم تبدل العجلتين الاماميتين تحدف شمال

و شكرا

**محمد المشد** · 31-03-2008 03:24 PM

المهم الاستعمال العادى بدون تفحيط او اكروبات بالسيارة او حركات صبيانية وخلافة ولابد من شىء هام لمن يرغب فى شراء كاوتش جديد لابد من النظر الى تاريخ الانتاج ومكتوب خارج الكاوتش والانتهاء تقريبا خلال ثلاث سنوات

**Karim_Monir** · 31-03-2008 03:37 PM

المشاركة الأصلية كتبت بواسطة sharky

هين قرشك و لا تهين نفسك يا كيمو :D

و ماتنساش إن التخزين عند الموزعين مش كويس دا غير الشوارع الهباب إللى عندنا

على العموم بعد الظروف الحلوة اليومين دول حابقى أزودها 20.000 كم على رأيك

مانت عارفني يا شاركي عمري ما هاسمح لنفسي ان اقعد في الارض واغير عجلة الا في اسوأ الظروف
لكن الصح اللي يتعمل انك تجيب من التوكيل
عشان كدة لما كنت بشتري من بريدجستون وشوفت التخزين عندهم ال 8 في عتمود وبيتبدل كل اسبوعين
غير اللي عند اشرفكو والفرد مرمية على الارض وشوية حر وشية برد
وبريجستون بتراعي الرطوبة وترايخ التصنيع وبيتديلك ضمان 3 سنين على الكاوتش
قوللي مين في مصر بيعمل كدة
وهما اللي قالولي الحد الادني 60 الف ويوصل ل 80 الف كم

**ASD peugeot** · 31-03-2008 09:19 PM

الكاوتشات مظلومه في البلد دي

**nav man** · 05-04-2008 02:51 PM

كافية علية اوي 50000 مع الطرق بتاعتنا

**Ahmad Allawy** · 24-04-2008 12:11 PM

علي فكرة يا كريم..
انا من كام يوم كنت عند بريدجستون اللي في كالتكس عباس العقاد..
و سألت الراجل المدير علي الضمان..
قاللي ان الضمان 4 سنين مش 3 بس..
ضد عيوب الصناعه..

-

مشاهدة نتائج الإستطلاع: بتغير كاوتش العربيه كل كام كيلو؟

الموضوع: بتغير كاوتش العربيه كل كام كيلو؟

LinkBack

أدوات الموضوع

عرض

-

-

-

المواضيع المتشابهه

4 فرد كاوتش جوديير مستعملين 18.000 كيلو فقط مقاس 13/175/70

ليه عربيات الفورميلا بتغير كاوتش فى السباق اكتر من مره؟؟

4 فرد كاوتش جوديير مستعملين 18.000 كيلو فقط مقاس 13/175/70

بتغير زيت محرك لينيا موبيل 1 كل كام كيلو؟؟؟؟؟؟؟؟

كاوتش سيارتى 120الف كيلو

الكلمات الدلالية لهذا الموضوع

المفضلات

المفضلات

ضوابط المشاركة