الموضوع: بتغير كاوتش العربيه كل كام كيلو؟

وليد بك..
انا دورت اهو علي النت..
علي الموقع الرسمي لبريدجستون الشرق الاوسط..
ملقيتش اصلا موديل تيورانزا اساسا..
http://www.bridgestone-mea.com/produ...ty_b_b700.aspx
في موديلات تانية..

المشاركة الأصلية كتبت بواسطة Ahmad Allawy

وليد بك..
انا دورت اهو علي النت..
علي الموقع الرسمي لبريدجستون الشرق الاوسط..
ملقيتش اصلا موديل تيورانزا اساسا..
http://www.bridgestone-mea.com/produ...ty_b_b700.aspx
في موديلات تانية..

صباح الفل يا استاذ احمد
الف شكر ياباشا على تعبك. انا بصيت على الرابط بتاع حضرتك.
هو فعلا المقاس موجود ولكن T انا عندي المقاس اخره H وعموما هو الفرق بس في السرعة القصوي وانا يعني مش هاجيب السرعة القصوى بتاعة ال T لما هادور على H بس هو الواحد بس بيحاول يجيب ال Standard
هو المقاس الصحيح بتاع الكاوتش عندي في منه ولكن مش في التورانزا يوجد في ال MY-01
وممكن حضرتك تبص على الرابط ده كدة
http://www.bridgestone-mea.com/produ...ay.aspx?pid=49
انا عموما هقارن بينه وبين الميشلان الفرنساوي وان شاء الله اجيب الافضل
واكيد ان شاء الله هاستناك نجيب مع بعض

هو بصراحة انا مش عارف هاجيب ميشلين فرنساوي ولا لأ..
انا سألت لقيت تايلندي.. و كان تمنه معقول.. بحوالي 280 الفردة..
يعني قريب من البريدجستون الاندونيسي جدا ف السعر..
اما الفرنساوي اللي اعرفه انه مش موجود اصلا.. و اكيد هيكون غالي قول..

معقولة الفرنساوي مش موجود
لو كدة يبقى لا بديل عن البريدجستون الياباني
اصل انا بصراحة نفسي اجيب حاجة نضيفة وانسى موضوع الكاوتش ده خالص

انا فى اللانوس غيرته يعد 50,000 و كان حلو جداا كمان بس قلت كفاية عليه عمل الواجب و زيادة P:

كان حلو جدا ازاي بس انا مش فاهم سعاتك..
(انا مش باتريق علي فكرة.. انا باسأل بجد.. يعني شكله كان كويس..؟؟)
ويا تري كان نوعه ايه و كان بقاله قد ايه راكب..؟؟

والله يا احمد كان حالته كويسه جداااااا

لانها كانت عاملة ال 50 الف دول فى 9 سنين و كلهم جوه البلد هنا يعني اخرى ماشية على 60 !


بس انا معرفش نوعه ايه و الكلام دة لان اخويا هو اللى بيظبط الحاجات دى

هو في نقطتين..
اولا كل ما المده تزيدج.. الكاوتش بينشف شوية..
فأكيد كان بدأ انه ينشف.. كويس انك غيرتيه..
وغير كده المشكلة في بلدنا الحلوة ان جوة البلد ده بيبقي كله مطبات و عين قط و بلاعات و حاجات كده من اللي قلب الكاوتش يحبها..
والحاجات دي بتقصف عمر الكاوتش من اول 20 الف كم مش 50 كمان..
عموما كويس انه صمد معاكي الوقت ده كله مش المسافة.. عشان لو ياباني المفروض انه يقعد اكتر من 50 الف طبعا..

حاجة اخيرة.. اصل انا نفس النظام.. اللي العربية ممكن تعمل معايا 50 الف في 7 او 8 سنين..
عربيتي القديمة عملت بيها حوالي 25 ال كم في 6 سنين.. بس الجديدة اللي معايا دي شكلي هاعدي النسبة دي شوية..
عامل بيها في 4 شهور حوالي 3 الاف كم..
عموما .. لما تحبي تبيعي عربية ابقي قوليلي.. :) عشان الواحد يشتري منك عربية وهو مطمن..

انت تؤمر يا احمد والله من غير فلوس خالص :)