ياريت السادة أعضاء المنتدى يفيدونا في موضوع تغيير الكاوتش من خلال الخبرات الشخصية أو التوصيات النموذجيه
عرض للطباعة
ياريت السادة أعضاء المنتدى يفيدونا في موضوع تغيير الكاوتش من خلال الخبرات الشخصية أو التوصيات النموذجيه
كل لما الكاوتش يتلحس .. (انت عارف بقي لزوم الامريكاني و السفر و الكاوتش متعدد الاستخدامات بتاعنا هههههه)
فى البولو كنت بغير الكاوتش كل 60 الف
كنت بستعمل ال Dunlop و ال GT radial
يعنى مش لغاية ما يجيب اخرة و مش و هوة جديد يعنى فى المعقول و استخدامنا تقريبا كلة داخل البلد فا الموضوع مش خطر اوى بس برضة بنهتم بية و بنستخدم ميشلان او بريدجستون
و طبعا انا مش بفرك ولا بعمل اى حاجة لأن العربية بتصعب عليا لأنها 1000 سى سى مش بتاعت شد و حرق و كدة و انا بحبها و بحافظ عليها جدا فا الكاوتش بيعيش
تصدق عمري ما فكرت في الموضوع ده
عمري ما حسبت الكاوتش قعد معايا قد ايه
كل اربعين الف حتى لو شكله جديد .. زى كل السفارات
هين قرشك .. ولا تهين نفسك
أنا بغيره كل 50000 كم او اكتر يعنى ممكن 52000 كم
والانواع اللى بفضلها ماكسيس وهانكوك وكومهـو
لما ما ينفعش يتصلح بيسموه لما يتيل يعني السلك بتاعه يطلع من الكاوتش
انا مره غيرت الكاوتش في اونو علي 80 الف كان كاوتش الفابريقة بس للاسف كانت مصارينة طالعة بره و قشر
استعمال رياضى كل 50 الف
استعمال هادى كل 90 الف
بعد ال 90 الف لازم متابعة مستمرة و ملاحظة اى تغيير فى الفرد كلها
انواع ممتازة و اصلية فقط
لا الكلام المعتمد اما علي 40 الف او 60 الف مش فاكر انه فيهم بالضبط
على حسب الحاله
يعنى فى الانوس اتغير بعد 60 الف اما الفيرنا لسه متغيرش وعامل 77 الف بس هيغير قريبا علشان الجو الحر ده ممكن يسبب كارثه
الفيرنا نازله بكاوتش نسر علية لعنة الله صوتة وحش و خشن و كل شوية عايز ترصيص و مش بيتاكل و لسة مغير 3 بلوف ل 3 عجلات ضربوا كلهم في خلال اسبوع كل دا و عامل بية 15 الف بس
lama selko yetla3 lool
مش كل انواع الكاوتش
ما تجيبش كاوتش اندونيسي زي تركي زي صيني زي مصري
ما ينفعش كل النقشات زي بعض
عموما
في الاكسيل ركب دانلوب اندونيسي قعد اكتر من 50 الف وكان لسه رائع والنشات سليمةة والاربعة تيوبلس
في الكرولا اول ما جبتها شلت التويو الياباني الاصلي لانه بيعمل دوشة عالية وبيعوم العربية
وجبت بريجستون سوبر سايلانت ياباني من توكيل بريدجستون
التوكيل قاللي لو شغل قاسي جدا يبقي 60 الف
لو عادي يبقي 80 الف
وقاللي في ناس قعدت ال 100 الف كاملين بس في اقل من 5 سنين
--------
اخر نصيحة بقي
لما تيجي تشتري كاوتش لو قدرت تشتري من التوكيل ولو اغلى ب 10%
لييييييييييه
يوم ما رحت اجيب لقيت عند اشرفكو ارخص ب 40 جنية في الفردة
سالت التوكيل قاللي ده خصم الموزع وقاللي لو بتفهم ماتخدش من عندة قولتلة ليه
دخلني المخزن
لقيت كل 5 فرد فوق بعض في عامود واحد في درجة حرارة معينة ما بتزدش وكمان الرطوبة
وبيتغير اوضاعم كل من 10 ايام لاسبوعين عشان ما يتعوجش
قاللي برة عمرك ما هاتلاقي الكلام ده ولو شوفت ظروف تخززين الكاوتش هاتحزن
وكمان لو التخزين عوج الفردة بيداروة بالترصيص
دي معلومة شوفتها بعيني حبيت انقلها لكم عن الكاوتش
السلام عليكم
والله انا معايا عربية ماتريكس ولسة مغير الكاوتش الاصلي الهانكوك اللي فيها على 40 الف بس نضافة ،، والمهندس قاللي ممكن يعيش ويبقلى كويس اوي لحد 60 - 70 الف
ولفيت لقيت انواع كتير
في الشعبي اللي الناس كلها غالبا بتركبه زي الجي تي والماكسيس وال nexen
وده للعربيات الصغيرة يبقى تمام وزي الفل
وده اسعاره تتراوح من 200 ل 250 جنيه حسب المقاس
وفي ماركات جامدة قوي زي البريدجستون والميشلان وده فوق ال 400 الاصلي منها
وفي حاجات وسط زي الكومهو والهانكوك والمارشال ودول كوري واسعارهم من 275 - 350 حسب المقاس
وبصراحة وعن تجربة اشتري البريدجستون الياباني او المارشال الكوري (ماركة ممتازة جدا المارشال ده ) بس مش ناس كتير عرفاه وهو نفس انتاج مصنع كومهو بس نقشات رياضية
وفي ملاحظة لما تيجي تشتري في حرف جنب المقاس وكل حرف ليه دلالة
p سرعة لاتتجاوز 150
T سرعة لاتتجاوز 180
U سرعة لاتتجاوز 200
وال H وده المنتشر في مصر وهو مخصص لاقصى سرعة 240
وفي V وده بقى للعربيات الاسبور
اسف للاطالة واتمنى اكون افدت ودي اول مشاركة ليا عالمنتدى
الشركات بتنصح بالتغيير على 50000 أو 6 سنين
يا جمعاة أنا عايز أغير الكوتش بتاعي ١٦/ ٢٠٥/٥٥ بريدجستون وسألت عنه في توكيل الكتوتش واللي العجلة بتعمل ٩٨٠ جنيه مصري ودة أنا شايفو كتير جدا . ممكن لو حد عارف بيتباع بكام ولا دة السعر الطبيعي . ولازم أحط نفس النوع ولا ممكن كونتنتال مثلا
انا باغير وضعية الكاوتش كل 10000 كم باعمله كروس
و باغير الكاوتش كله على 50000 كم
و المفترض ان الواحد بيجيب افضل الانواع موش باسترخص يعنى
و باغير الاربعة مع بعض
و ربنا يستر طريقنا و طريقكم
شوف ياسيدي
البريدجستون اسعاره عالية كده في النقشات الرياضية وتقريبا هو ده اللي انت سألت عليه
لكن في بديل
الماركة :كومهمو والموديل: Ecsta Mx
ودي نقشة رياضية وممتازة جدا وسعر الفردة مقاس 16 ب 430 جنيه
وهحاول انزلك الصورة
كل 40 الف ودى عمر الفترضى للكاوتش
ولو مش عايز الكوري وعايز تركب ياباني او اوروبي
هاتلك بريدجستون او ميشلان او كونتينتال بس نقشات عادية
مش Rotation
ودي
ولو مش عايز الكوري وعايز تركب ياباني او اوروبي
هاتلك بريدجستون او ميشلان او كونتينتال بس نقشات عادية
مش Rotation
ودي اسعارها في مقاس 16 من 450- 550
وده كل اللي اعرفه
ايام الشاهين كنت بغيره كل 70 الف وبيبقى طالع كويس وممكن يمشى كمان عشره الاف زياده وكنت بجيب نوع اسمه gt اندونيسى او كومهو والاتنين احلى من بعض
بريدجستون يابانى يعيش 80 مع التدوير كل 8-10
كومهو كان فى ال127 عامل 45 و مسح خالص
جى تى ممكن يكمل ال100 بس ناشف قوى
القاعدة العامة لتغيير الكاوتش هى عمق النقشة لا يقل عن 1.6 مم و عمر الكاوتش لا يزيد عن 6 سنين
بالاضافة لأن اى اصابه فى الجوانب غير قابلة للأصلاح
طول ما القواعد دى متحققة يبقى الكاوتش لا يحتاج للتغيير عتى لو مشى 200 ألف
انا الكلام اللي سمعته من اكتر من بتاع كاوتش..
ان الكوري ولا الاندونيسي المفروض يتغير كل حوالي من 40 الي 45 الف كيلو..
واللي سمعته برضه ان الياباني يتغير علي 60 او اكتر شوية..
لكن بيتهيألي ان كلام كريم باشا منير بيوضح الامور جدا وان الكلام اللي قاله علي لسان مهندس ف التوكيل..
وكده يبقي اللي يركب ياباني او اوروبي نضيف يعيش معاه لحد 80 لو استعماله حنين..
شكرا جدا يا مستر كريم..
بغير كل 40.000 الف كم
و ما بجبش غير برجيستون أو ميشيلان
ميشلان وبيردجستون على 40 الف بس يا شاركي
والله حرام عليك
دول يقعدو اكتر من 60 الف واسئل فيها التوكيل بتاعهم
توصيات فيات الايطالية :
- كشف عام كل 10.000 علي مستوى الكاوتش و مدى صلاحيته .
- تغيير الكاوتش مهما كانت حالته كل 50.000 كم
- يفضل عند التغيير استعمال نفس نوع الكاوتش المستبدل من حيث المقاس و السرعة .
- ان استبدلت الماركة يجب التأكد من تطابق المواصفات .
فيات تنصح باطارات " Pirelli " وهي اصلا الاطارات التي بتنزل في سيارات فيات كلها .
وكل عادة اغلي اطار ! :)
المهم الاستعمال العادى بدون تفحيط او اكروبات بالسيارة او حركات صبيانية وخلافة ولابد من شىء هام لمن يرغب فى شراء كاوتش جديد لابد من النظر الى تاريخ الانتاج ومكتوب خارج الكاوتش والانتهاء تقريبا خلال ثلاث سنوات
مانت عارفني يا شاركي عمري ما هاسمح لنفسي ان اقعد في الارض واغير عجلة الا في اسوأ الظروف
لكن الصح اللي يتعمل انك تجيب من التوكيل
عشان كدة لما كنت بشتري من بريدجستون وشوفت التخزين عندهم ال 8 في عتمود وبيتبدل كل اسبوعين
غير اللي عند اشرفكو والفرد مرمية على الارض وشوية حر وشية برد
وبريجستون بتراعي الرطوبة وترايخ التصنيع وبيتديلك ضمان 3 سنين على الكاوتش
قوللي مين في مصر بيعمل كدة
وهما اللي قالولي الحد الادني 60 الف ويوصل ل 80 الف كم
what about Contenatel ??is it a good one??
i asked about Michlan and it cost 730 L.E
and it's H, contenatel less than michlan.
الكاوتشات مظلومه في البلد دي
كافية علية اوي 50000 مع الطرق بتاعتنا
علي فكرة يا كريم..
انا من كام يوم كنت عند بريدجستون اللي في كالتكس عباس العقاد..
و سألت الراجل المدير علي الضمان..
قاللي ان الضمان 4 سنين مش 3 بس..
ضد عيوب الصناعه..