الموضوع: ممكن كام استفسار من خبراء اللادا

بسم الله الرحمن الرحيم

مشكله بجد ان الادا علي العموم منخفضه فعلا
الاكثر من ذالك انه عند ركوب اشخاص بالخلف تنخفض اكثر

علشان كدة انصحنك عند الشراء برفع العفشه للاطارات الخلفيه فقط
وذالك لضمان الثبات علي الطريق في السرعات العاليه

وكذالك عند رفع رفع العفشه لا ينصح اطلاقا بزيادة السرعه فوق 120

لان رفع العفشه علي العموم يوثر علي ثبات السيارة في السرعات العاليه
.........................خطر في السرعات العاليه عند رفع العفشه ....اكررها للاهميه
........
بالنسبه للس سي
المتور يستحمل الادا وكل حاجه بس دة ملهوش علاقه بيستحمل او ميستحملش
السي سي له علاقه بقوه السيارة
يعني اليه القرق بين1200 و 1600 سي سي

قوة العربيه اقوي في المطالع مثلا
كذالك 1600 استهلاك بنزين عالي بخلاف 1200سيسي استهلاك منخفض للبنزين مقارنه ب1600

وكمان 1300 سي سي حلوة للسفر عادي في سيارت 800سي سيو 900 سيسي
وبتسافر كويس


بالنسبه للموديلات احن من موديلات الله اعلم
ولا اعلم اماكن للكشف خلاف مكان الصيانه بتاع التوكيل بتاع لادا في الدراسه
خلف قريب من اتحاد الشرطه الرياضي

اللادا عموما بتسافر كويس من غير مشاكل ان شاء الله - وحتي الموتور ال1200 سي سي اللي في اللادا 2105 هو موتور معقول قوي و بتسحب حلو و استهلاك البنزين فيها معقول قوي
بالنسبة لل2105 الاضمن ليك تاخدها لغاية سنة 94 لان موديل 95 كان فيه منها تركي و فعلا كنا نعرف اللادا التركي بان سقاطة الباب كانت بتبقي عريضة و فرش الارضية كان بيبقي قطيفة.... بس الكلام ده كان ايام ما كانت زيرو اكيد دلوقتي الناس اتناصحت و بيغيروا كل الاختلافات دي علشان ما يبانش انها تركي !!
المهم انك تلاقي عربية حالتها كويسة ودواخلها سليمة يعني لازم تكون فابريقة جوه و خلي بالك من البارومة خصوصا تحت الاستبن في ارضية الشنطة ....
وربنا يوفقك

اخى العزيز .. اللادا مش واطية قوى يعنى بل و افضل من عربيات كتير الايام اللى بتوطى كمان زيادة لزيادة الامان و الثبات و لا انصحك برفع العفشة ممكن تزود فى الكماليات فقط ..

اللادا مش عربية معقدة خاصة العربيات القديمة كاربراتير و لا تحتاج للصيانة اوالكشف بالتوكيل و اى ميكانيكى شاطر فى منطقة سكنك ممكن يتعامل معاها..

الموديلات القديمة حتى اوائل التسعينات كانت اكتر متانة و قوة من الجديدة لكن الجدبدة فيها باور يرحم من مشكلة الدريكسيون الناشف اكبر عيوب اللادا

طبعا كل ما حجم الموتور يزيد استهلاك البنزين يزيد و ان كانت اللادا عموما عربية اقتصادية فمش حتفرق كتير ... 1500 c.c مثلا سعة معقولة .

العربيات اللادا ال2105 و ال2107 اقتصادية في البنزين ......
اما العربيات ال1500 سي سي و ال1600 سي سي القديمة ( ام فوانيس مدورة ) ابعد عنها لانها غولة بنزين!!

المشاركة الأصلية كتبت بواسطة thegoodhacker

العربيات اللادا ال2105 و ال2107 اقتصادية في البنزين ......
اما العربيات ال1500 سي سي و ال1600 سي سي القديمة ( ام فوانيس مدورة ) ابعد عنها لانها غولة بنزين!!

اول مرة اسمع حكاية الغولة ده !!.. بدل ما تقولها يا غولة عينك حمرة شوف ممكن تكون محتاجة تظبيط و استهلاك البنزين يقل ..و فى حاجات كتير ممكن تزود الاستهلاك او تقلله غير موتور العربية زى طريقة السواقة و حمولة العربية او المشى كتير فى المناطق الزحمة ..على العموم مهما كانت اللادا فاستهلاكها ارحم بكتير من عربيات تانية كتير جدا مالية البلد و اخيرا طبعا من غير كلام 1500 و 1600 اكيد تستهلك شوية زيادة بس ليها فوايد فى المقابل ..