"لولا" عربيتى اللانوس الأصيلة:)

مبيحصلهوش حاجة. لو الشارع فيه ميه بتبطأ على الأخر بحيث العجل ما "يطرطش" على الفلتر مياه, وعلشان لو خدت المياه بسرعة العربية هتخيش:).

ولو بقعة مياه بس, بتحاول تاخدها بالعجلة الشمال, وتبعد المياه عن العجلة اليمين اللى الفلتر راكب عندها.

وأنا مرة غسلت العربية فى البنزينة الراجل غرق الفلتر مياه ربنا يسامحه, أستنيت شوية, وخدتها ومشيت, كانت بتنتش بس لما الفلتر نشف, صاروخ.

ده غير أن الفلتر المفروض يتغسل على الأقل مرة كل شهر علشان ميكتمش العربية, شوية مياه أو صابون وخلاص (وممكن يتحط عليه زيت علشان التراب ميعديش من الفلتر)

وكده الفلتر عالى, أنا غيرت المواسير ودلوقتى بقى عند الفوجات أو تحتها بشوية.

وحاجة أخيرة, الفلتر لو جه عليه مياه بسيطة, عديت على بقعة مياه بسرعة مثلا مبيحصلش حاجة أكثر من أن نسيج الفلتر بيتبل, لكن علشان الفلتر يعدى منه مياه أنت محتاج ضغط عالى من خرطوم مثلا, أو أنك تمشى فى بحيرة والفلتر غرقان فيها.

أنما أكبر حاجة هتحصل من القيادة اليومية أن الفلتر بيتوسخ فقط لا أكثر.