الموضوع: تم تعديل الكليبرات فى الواجا

والله تعبت كتير جدا قمت بتعديل حسب اقتراح وتجربة كتير من الماليزيين وبعد تعب ومجهود مضنى لشرح الفكرة لتجار والبحث فى الحرفين ربنا هدانى لواحد يعمل فقط فى السيارات استيراد ميتسوبيشى EVO3,4
الرياضية
واخدت من عنده جنب امامى دشم او كليبرات امامية بالطنابير لان الصرة لم تركب
فركبت الطنابير السكاكين + الدشمه 2 بيستم
بستخدم الكليبر ده نفس مقاس التيل بتاع الباجيرو

وكله تمام اخد وقت بس فى التطبيع

واخدت بالمره اربع مساعدين عالى و واطى يابانى خالو السيارة على الارض

والحمد لله التجربة نجحت واثبت ان الخواجه مبيفهمش لان المفروض كان يستخدم قطع احسن من كده فى اداوات الجر

المرحله القادمه ان شاء الله احضار جهاز E-mange او 8SMT
مع طقم اكزوست كامل ثلاث قطع لزيادة قدرة السيارة 30 حصان دفعة واحده

ولكن انتظر طقم ultra racing لانه متاخر فى البحر

ملحوظة اكتشفت اثناء التركيبات ان سبب الضعف ان طلمبة السيرفو فى الواجا ليست غير كفؤ وذلك بشهادة الماليزيين

رغم انها نفس طلمبة الفولفو S40 ولكنها ضعيفة

والسؤال طبعا انا ليه بعمل ده كله لانى بحب الامان فى السيارة يعنى ده مش كماليات وبحب المتعة فى القيادة ولانى لا استطيع شراء بى ام دبليو فبحاول ارفع قدرة سيارتى المتواضعة لكى تكون قادرة على اعطاء متعة القيادة بدون خوف
وربنا يستر طريقنا جميعا

السلام عليكم ورحمة الله وبركاته

اسف جدا على تاخيرى فى الرد عليكم اخوتى بس شوية ضغوط فى العمل

المشاركة الأصلية كتبت بواسطة mido_soliman

مبروك يا محمد باشا طيب مفيش صور للكليبرات والطنابير والاسعار ؟؟
والاهم من دة كلة احساس الفرامل زاد بنسبة اد اية والمشوار لسة طويل ولا ؟؟؟
انت غيرت السيرفو ؟؟؟
تحياتى يباشا

البركه فيك

الفرامل زادت جدا بالاخص فى المفاجىء والان بقرقب فى الغرز جدا من السيارة الامامى بدون قلق على السرعات العاليه

السيرفو حطيت طلمبه تقوية بس انا مازلت اعتقد ان الطلمبه الاساسية ليست كفائة وللعلم الرقم بتعها هو هو الفولفو اس40

المشاركة الأصلية كتبت بواسطة eslamkasem

انا بجد بحب فيك انك عاوز تعمل من الواجا تحفه وتزود أدئها وتحسن الفرامل والحاجات نفسي اعمل الكلام دا لان بردو انا معيا الوجا وهي بالامانه عربية ممتازه بس فعلا ثبتها في الملفات مش زي الجين خالص علي فكره ودا بسبب ان العربيه عاليه علو مبالغ فيه هو اه حلو للي بيركب ناس كتير ورا مستحيل تخبط في اي مطب بس بردوا في ناس بتحب تجري شوية وفعلا عامل الامان في النقطه دي ضعيف ياريت بس الاسعار بتاعة الشغل الي عملته دا

كلامك ده صح وانا كنت فاكر الاول انه عيب مساعدين ولكن العيب عيب شاسيه نصيحة استخدم sturt bar
بيوصل البطاحتين الامامين وكمان حرف H بيوصل المقاصات وفيه بار خلفى كمان

لو الطقم كامل سوف يكون فى حدود 4000 جنيه ULTRA RACING

وممكن لو مبتحملش ناس كتير اوزان تركب مساعدين عالى وواطى زى الكونى

انا ركبتهم والعربية ثابته جدا فى الملفات على السرعة بس اطريت افكهم لانها ناشفه والمطبات كتير جدا مع وزن الركاب واكتفيت بالبارات

المشاركة الأصلية كتبت بواسطة Eng. Rafy Samy

برافو عليك بجد ... كل تقدير واحترام ليك ولمجودك في تعديل العربية
شغل عالي جداُ ومحترف - ارجو انك تفيدنا بشوية معلومات عن الاسعار والمركات والتكلفة الكلية وتعملنا تقرير عن الفرق قبل التعديل وبعد التعديل ... ربنا يباركلك في العربية ويكفيك شر الطريق

اشكرك اخى على التشجيع ولك منى كل الاحترام

استخدمت قطع غيار استيراد من الحرفين بالحجز لانها رياضية انتظرت شهر حتى وصلت بس ممكن تلقى فى بورسعيد

استخدمت كليبرات دشم 2 بيستم لسيارة ليفلوشن 1996 بالطنابير الاسبور امامى بالتيل بتاعهم مقاس الباجيرو

السعر 800 جنيه وكان الاتفاق على 600جنيه بس التاجر طمع

العفشه اربع مساعدين واطى وعالى سعرهم 1000 جنيه



ممكن مساعدة من فضلك
انا حغير تيل الفرام والبوجيهات وكن عاوز اعرف افضل تيل في السوق (سعرة معقول) ويكون مشقوق من النصف ورياضي..
وكمان ايه الكود بتاع البوجهات بتاعتنا وايه افضل بديل ليه ...؟

تقبل تحياتي اخي الفاضل

اخى المهندس رفيق بخصوص التيل روح زيارة لشارع دمشق محل المدينه ممكن تلقى عنده تيل واجا بس مش عارف الثمن بس الراجل طيب ومحترم

واعتقد تيل التوكيل اصبح سعره مناسب الان اما الشق سهل بالصاروخ

بخصوص رقم البوجيه الارديوم واجا بمحرك ميتسوبيشى BKR6EIX-11 )4G18

واجا بمحرك كامبرو TR6IX

المشاركة الأصلية كتبت بواسطة felix

حمد الله على السلامة يا محمد باشا
بجد التعديل ده جامد اوي ولو اني كنت بفكر اعملو بس في جين2 وياريت صور والاسعار

مشكور حبيب قلبى ربنا يوفقك لو عاوز اى حاجه اخوك موجود

الصور فى اقرب وقت الميكانيكى يفكها اصورها

المشاكل الا قبلتنى لم استطيع تغير الصرة لان ميتسوبيشى 1996 لايتوافق مع الواجا البومه متوافقة فى التركيب

التعديل بس الا بيدقنى ان فى حاجات بشتريها وتفشل وارجع اشيلها تانى بس اعمل ايه ماهو مفيش تجارب سابقة