₪ ₪ استفسارات من اهل الخبرة بخصوص الاكسنت ₪ ₪

**VANTROY** · 05-12-2010 07:38 AM

انا ان شاء الله نويت شراء اكسنت 98 او 99 1500

وان شاء الله نويت على سوق القاهرة يوم الجمعة القادمة ... ربنا يوفق واجيب حاجة كويسة

عندى بعد اذنكم شوية استفسارات

1- هل فى فرق بين الخليجى والمصرى وبيكون فى ايه ؟

2-ايه ممكن اخد بالى منه عند الفحص ( زى اماكن بارومة محتملة فى العربية دى )

3- انا مش من القاهرة ... فهل حد يعرف مكان ارفع فيه العربية واكشف عليها جنب سوق القاهرة ( مكان موثوق طبعا )

4- ( هى الاكسنت بينزل فيها ايرباج --وكراسى تعلى وتوطى ولا لا -- دريكسيون قابل للتعديل )

5- هل فى اى حاجة تانية محتاج اعرفها قبل الذهاب

ومتشكر لحضراتكم جميعا مقدما

**VANTROY** · 06-12-2010 08:35 PM

No comments >>>>>:(

**ahmedpharma** · 09-12-2010 12:57 PM

1-هل فى فرق بين الخليجى والمصرى وبيكون فى ايه ؟

لا يوجد اكسنت 98 أو 99 خليجي

2-ايه ممكن اخد بالى منه عند الفحص ( زى اماكن بارومة محتملة فى العربية دى )

زي اي عربيه لو بتتكلم عن البارومه بص كويس على ال 4 كارتيرات و الأرضيه من تحت

و الحوض بالذات تحت البطاريه عشان ممكن تسريب مياه البطاريه يعمل بارومه في الحوض

و بالنسبه لباقي الفحص أفضل تاخد معاك سمكري عشان يقوللك العربيه دي سليمه و لا راشه و لا حالتها ايه(من ناحيه البودي و الشاسيه)

وبعد كده خلي ميكانيكي يكشف عليها

3-انا مش من القاهرة ... فهل حد يعرف مكان ارفع فيه العربية واكشف عليها جنب سوق القاهرة ( مكان موثوق طبعا )

للأسف دي ما أقدرش أفيدك فيها

4-( هى الاكسنت بينزل فيها ايرباج --وكراسى تعلى وتوطى ولا لا -- دريكسيون قابل للتعديل )

لأ ما بينزلش فيها ايرباج و لا كراسي تعلى و توطى و لا دركسيون قابل للتعديل

مواصفات الأكسنت 98 أو 99 1500 كالأتي:

موتور 1500 سي سي 90 حصان

دركسيون باور

تكييف

عداد ار بي ام

4 زجاج كهربا

5-هل فى اى حاجة تانية محتاج اعرفها قبل الذهاب

بص على الكام موضوع دول قبل ما تشتري

ازاى تشترى عربية مستعملة بمفردك...... (للمبتدئين) ‏

........ْْْْ نصائح للبائع والمشتري ْْْْْ........ ‏

....ْْْْ دعاء الاستخارة ودعاء دخول السوق ْْْْْْْْْ....

جميع إجراءات البيع و الشراء للمستعمل

**بحري** · 12-12-2010 12:27 AM

أنا معايا أكسنت ٩٩ خليجي
والدركسيون قابل للتعديل فوق وتحت عادي
ومبتنزلش غير الزجاج الأمامي فقط كهرباء

**shalaby2001** · 12-12-2010 06:31 PM

لازم تروح بنزينة كالتكس اللى فى عباس العقاد . خبره ممتازه وامانه تامهههههههههههههههههههه فحص الشاسيه ب 40 جنيه والموتور ب 40 على ما اذكر

**pirlo2000** · 13-12-2010 07:26 AM

في اكسنت 98 خليجي (اللي معايا) و بتبقي مختلفة شوية عن ال المصري من حيث ان بعض قطع الغيار بتبقي مختلفة عن المصري ابسط حاجة قابلتها كانت البربريز الامامي و الخلفي مختلف عن المصري و مش موجود بسهولة و لذلك سعرها في البيع ارخص من المصري لندرة بعض قطع غيارها

**hefzyhefzy** · 13-12-2010 10:09 AM

لوسمحتوا يا جماعة العربية دى كاربيراتير ولا أنجيكشن

**kamalsalem** · 13-12-2010 10:11 AM

العربية دي انجيكشن

ومتاخدش الاوتوماتيك بتاعها

**MohssenRashed** · 13-12-2010 10:46 AM

1300 كاريرتير و 1500 انجكشن

1300 سي سي فاضية في منها تكيف بس لكن مفيش زجاج كهرباء و باور فيها بس فتح التنك من جوه لكن الشنطة لأ

**VANTROY** · 13-12-2010 01:35 PM

استاذ ahmedpharma
بحري
shalaby2001
pirlo2000
hefzyhefzy
kamalsalem
mohssenrashed

متشكر لحضراتكم جميعا ... وربنا يجازيكم خير

انا ما رحتش القاهرة الجمعة اللى فاتت سمعت ان الاسعار كانت عالية عن اللزوم .... ان شاء الله رايح الجمعة الجاية

بالنسبة للخيجى والمصرى .... انا شفت كذا عربية حتى موديلات الالفية الثانية مكتوب على القايم الشمال انها مطابقة للمواصفات الخليجية .... تقريبا كله بيبقى مكتوب عليه الكلمة دى

وبالنسبة للدريكسيون القابل للتعديل كرسى السائق قابل لتعديل ارتفاعه ( دى شفتها فى عربية مو 99 ) ويمكن دى الوحيدة اللى شفت فيها الامكانيات دى

وبالنسبة للزجاج الكهرباء

انا كل الى شفته كان الزجاج الامامى فقط .... فهل العربية بتنزل بالاثنين فقط ولا فى منها الاربعة

واخر طلب

حد عايز يبيع او يعرف حد عنده عربية اكسنت مو 98 ..99..2000 1500 حالة جيدة جدا

سلاام

الموضوع: ₪ ₪ استفسارات من اهل الخبرة بخصوص الاكسنت ₪ ₪

LinkBack

أدوات الموضوع

عرض

₪ ₪ استفسارات من اهل الخبرة بخصوص الاكسنت ₪ ₪ - انشر الموضوع فى :

-

-

-

-

-

-

المواضيع المتشابهه

استفسارات بخصوص الاكسنت.. ارجو الرد

استفسارات لوحوش اللوجان اصحاب الخبرة

الكلمات الدلالية لهذا الموضوع

المفضلات

المفضلات

ضوابط المشاركة