ايه الحل مع البهايم دول ؟

**hossam165** · 09-12-2010 12:53 PM

المشاركة الأصلية كتبت بواسطة Dr.SherifMansy

زمان و انا ف بيت العيلة كنت مريح دماغى من الحكاية دى بطريقة ظريفة و تعلم اللى بقف كده الأدب مدى الحياة.

كل ما كان واحد من دول يقف قدام الجراج و انا عايز اخرج اروح منادى لونش المرور ، و طبعا بيفرحوا لأنها عربية مخالفة ، فالونش ياخدها و تلاقى صاحبها اللى انت عمال تدور عليه من زمن فجأة ظهر و بيجرى ورا الونش ، هو حر بقى ... المهم انى باخرج ساعتها و انا سلطان زمانى .

جرب الفكرة دى.

جامدة كيك

**HeMa_LanCeR** · 10-12-2010 02:17 AM

ههههههههههههههههههههههههه هههههه
حبيبي دا انا بعاني من الموضوع ده
بس عارف احسن حل
ولا تفضي كاوتش ولا حاجه
هات قلم دوكو محترم
واكتبله علي زجاج الجنب (برجاء الأعتناء جراج خاص يا محترم)
واكتبهالو علي الزجاج اللي قدام وعلي زجاج الجنب التاني
هيطلع عين اللي خلفوه علشان يطلعها
وكده انت عاقبته بالذوق وبالأدب :))))))))))

**Super_Star_h** · 10-12-2010 10:07 AM

حصلت معايا
وكتبت على باب الجراح بالبونط العريض ...... جراااااااح
شويه وهكتب .... جراااااااج الله يخرب بيتكم
فى مره كانت لادا واقفه وصاحبها معشقها وقافلها وسايبها
قومت جامع الناس واديكم معايا يا رجاله
قومت رافعله العربيه من الكبوت وهيللااااااا هوووووووب
زق زق زق لغايت ما رمتهاله فى نص الشارع
ومره تانيه واحده ست راكبه ورا
وجوزها نزل بقى ومعرفش راح فين
قالتلى طب المفتاح فيها طلعها لقدام شويه
وجيت اركب وبسم الله الرحمن الرحيم وبفتح فى الباب ( عربيه صفيحه سردين لادا موديل قديم جدآ )
الاكره بايظه طبعآ مديت ايدى وفتحت من جوه
المهم ركبت وببص على الفتيس لاقيت فى اخر فاتحه كبيره موصله للشارع
تقريبآ ده حمام عشان لما يتزنق ولا حاجه ( قولت فكك هو انا هتشتريها )
وبمور الفتيس ( اللى هو حتة حديده طالعه لفوق من غير راس حتى )
وجيب اول معرفش جبته ازاى المهم دور دور ( اصوات غريبه العربيه هتنفجر )
ودوس دبرياج برضه حديده واقف عليها بقى عشان تنزل
وادوس بنزين وانها تتحرك من مكانها ( انسى )
اخر ما زهقت قومت نازل وقايلها انا هستنى جوزك احسن

**kamalsalem** · 10-12-2010 10:22 AM

الحل ف كلمة واحدة.... بلطة

**Mzeid** · 10-12-2010 06:20 PM

حصل في رأيي حلو بس مكلف شوية

دراعين هيدروليك و ادفينهم في الارض و عليهم قطعة مستطيلة كبيرة حديد قدام الجراج بحيث أي حد يقف امام الجراج تقوم رافع الهيدروليك و العربية معاهم فوق و تدخل من تحتها في جراجك و سيب العربية التانية مرفوعة لصاحبها في الهوا

**Sherlock** · 10-12-2010 06:55 PM

المشاركة الأصلية كتبت بواسطة mzeid

حصل في رأيي حلو بس مكلف شوية

دراعين هيدروليك و ادفينهم في الارض و عليهم قطعة مستطيلة كبيرة حديد قدام الجراج بحيث أي حد يقف امام الجراج تقوم رافع الهيدروليك و العربية معاهم فوق و تدخل من تحتها في جراجك و سيب العربية التانية مرفوعة لصاحبها في الهوا

هههههههههههههه انا فطست من الضحك , فكره بمليون جنيه فعلا للبهايم دول .

**M.Nasr** · 10-12-2010 07:12 PM

المشاركة الأصلية كتبت بواسطة hema_lancer

ههههههههههههههههههههههههه هههههه
حبيبي دا انا بعاني من الموضوع ده
بس عارف احسن حل
ولا تفضي كاوتش ولا حاجه
هات قلم دوكو محترم
واكتبله علي زجاج الجنب (برجاء الأعتناء جراج خاص يا محترم)
واكتبهالو علي الزجاج اللي قدام وعلي زجاج الجنب التاني
هيطلع عين اللي خلفوه علشان يطلعها
وكده انت عاقبته بالذوق وبالأدب :))))))))))

ههههههههه جامدة اوى الفكرة دى واهو يبقى ماشى فى الشارع مفضوح

**dr.hazem** · 10-12-2010 07:23 PM

بص
احسن الحلول في رأيي انك تركن وراه وتقفل عليه
وخليه هوا يدور عليك
وسيبه ملطوع
وعينك على عربيتك
لو لمسها
تنزل بقا وانتا معاك حجتين
الاولى انه ركن قدام الجراش والتانيه انه لمس العربية وتقوله بص انا عشان كرم اخلاقي مش هدفعك 15 جنيه تمن الركنه لكن هدفعك 10 جنيه بس ولو مش حابب تدفع يبقى معلش مش هقدر اطلعك لان صاحب الجراش بيحاسبنا على كل عربية تركن
وهيدفع زي ال ))%^*$ٌ# عشان يمشي يا اما خليه محشور

طيب فرضا انتا لقيت واحد راكن وهيبيت عربيته بقا
يعني ملهاش حل ركن مثلا بالليل متأخر

برضو دي حلها جميل ومش مكلف اطلاقا
قلم فولماستر واكتب عالازاز القدماني
الاحساس نعمة واللي اختشو ماتو لما انت تركن قدام باب جراشي تفتكر انا اعمل ايه؟؟؟!
وانا آسف عاللي عملته في عربيتك بس غصب عني عشان متركنش تاني هنا

ساعتها بقا لازم تتفرج عليه وهوا عماله يلف حوالين العربية عشان يعرف انتا عملتله فيها ايه وصدقني عمره مهيفكر يركن تاني

في كمان حاجات بس اذى وانا مبحبش الاذى
لو عربية قديمه
عودين كبريت في اماكن المفتاح (بس ساعتها هيواجه صعوبات في فتح العربية وهتتعطل انتا كتير لحد اما يفتحها)
وفي حاجه جامده جدا جدا جدا
تجيب حاجه وتسد بيها الشكمان والعربيه هتدور شويه وتقف وهيطلع عينه على مياخد باله ان الشكمان مسدود

في افكار كتير يعني الحقيقه
وصدقني لو قدام بيتي الكلام ده حصل انا ببساطه شديده ممكن اجيب كوريك من عندا واحطه تحت عربيه وهوب ارفع وازق لحد متبقى في نص الشارع

انا مره عملت لاتنين عندي فنفس اليوم ورقه مرسوم عليها جمجمه وعظمتين وكتبت مبقولكش متركنش هنا تاني لكن بقولك كلك ذوق
ههههههههههههههههههههههههه ههههههههههههه

تحياتي

-

الموضوع: ايه الحل مع البهايم دول ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

عاوز ألاقى حل للناس ولاد التيت البهايم اللى بيقفلو على العربيه!!!!

ايه الحل

اوجد الفرق بين ثنائى البهايم :)

المراية اتكسرت حسبى الله ونعم الوكيل فى البهايم

الكلمات الدلالية لهذا الموضوع

المفضلات

المفضلات

ضوابط المشاركة