الموضوع: الرديادتير ؟

السلام عليكم جميعا ، عندى لانوس 2004

قمت بتغيير الرادياتير الاصلى بسبب خرم فى الرادياتير و للاسف السمكرى وهو بيركب الرادياتير الجديد تسبب فى تلفه
حيث لقيت احد الانابيب الالمونيوم اتخرمت هى كمان و بقى عندى اثنان رادياتير بهم خرم ، السؤال هى اقوم باصلاح القديم الاصلى و اركبه ام اصلاح الجديد بدلا منه ام اشترى واحد جديد اخر ، و هل ينفع لحام الرادياتير الالمونيوم و المدة التقديرية اللى بيعيش فيها اللحام ان امكن ، ايضا ما هى تكلفة فك رادياتير و لحامه و تركيبه

عندى سؤال اخر صوت الموتور اصبح اعلى من الصوت اللى اتعودت عليه لما كانت السيارة زيرو هل هناك اى اقتراحات ابدأ بها فى الكشف..

شكرا مقدما الردود

تحياتى

طبعا انا مقتنع بهذا الكلام مية فى المية ، المصنعية دائما تختلف من فنى الى اخر و الفيصل هنا هو نظافة الشغل و كل فنى يقيم شغله و يطلب ما يراه مناسبا اما نحن كعملاء فاننا نكون بعدها فى حالة ترقب من حيث مراقبة جودة الصنعة نفسها و دوام استمرار تادية عملها بدون مشاكل بعد ذلك

و طبعا هناك الصنايعة اللى برضه بياخدوا فلوس كثير و يعطوا شغل اى كلام و هذا الموضوع فى احيان كثيرة يتضح بعض فترة من الاستخدام و طبعا هذا النوع لا يتم اكتشافه الا بعد ان ندفع فلوسنا و نخسرها و نخسر كمان الشىء الذى قمنا بتصليحه


و الحمدالله على تواجدنا فى هذا المنتدى اللى بيوفر علينا النوع الثانى و مشاكله و بيخلينا نذهب للنوع الاول مباشرة لما بيبقى فيه اعضاء محترمين امثالك يا محمد بيساعدوا بالمعلومة السلمية اللى فى محلها

اما بخصوص الردياتير فهو كاشياء اخرى فى السيارة لا تحتمل الخطا و خصوصا فى بلد معظم شهور السنة فيها حر و تصليح بالشكل السليم لدى شخص محترف هو شىء لا غنى عنه
و انا مع انى جمب بيتى فى الهرم اكثر من واحد بيصلحو الردياتر استحملت زحمة وسط البلد التى لا اطيقها بتاتا و لا انزلها الا للشديد القوى ( الردياتير ) : ) فى مقابل طبعا اصل للشخص المطلوب و نصيحة اقولها لكل الناس و هى تحت باند الصواب و الخطأ ايضا الا و هى عدم شراء ردياتير جديد من محلات قطع الغيار المنتشرة و الافضل هو صيانة الردياتير الاصلى للسيارة
حيث ان هناك فرق واضح 100 % بين الالمونيوم المتين بتاع الردياتير الاصلى و الالمونيوم الهش بتاع الردياتير الجديد الى عامل زى السجارة بعض احتراقها يفضل منها الجسم الذى يتلاشى بمجرد ملامسته ، سعر الرديياتير الاستيراد بالنسبة للدايو اغلى من الردياتير الجديد

الردياتير الاستيراد 320
الردياتير الجديد عند المنيرى مثلا زى ما انا اشتريته 280 جنيه


شكرا جزيلا

تحياتى