ليه الازاز كده ؟

**أميرالنيل** · 24-03-2008 03:03 PM

حد يقدر يقولى ليه ازاز الانوس الكهربا الورانى مش بيبفتح للاخر
بجد حاجه خنقانى اوى
هى العربيه بتنزل كده
انا كنت فاكر ان دى مشكله عندى لحد ما قريت فى الكتالوج الملاحظه دى

تانى حاجه يا جماعه انا فى صيانه ال 5000 روحت واشتكيت لهم ان الانوار ضعيفه اوى
قالى انهم ظبطوها
طبعا مجربتهاش الا بليل فى نفس اليوم لان الدنيا كانت نهار
وفوجئت بانها بقت اوطى من الاول
حد ينصحنى بحاجه اعملها ؟؟
واروح لهم تانى واطخ المشوار لابو رواش عشان الانوار
والا فى كهربائى كويس بيفهم يعملها لى وخلاص حاكم انا اتخنقت من التوكيل بجد
والا زى ما سمعت ان اضاءه الانوس كده اصلا .........

شكرا ليكم

**noni67** · 24-03-2008 03:24 PM

الزجاج الخلفى فى الانوس ما بينزلش لحد الاخر لان فية فى الباب لو بصيت له كويس كرف بتاع الرفرف الخلفى يبقى الزجاج ينزل فين؟

**kh_fawzy** · 24-03-2008 03:24 PM

فى كهربائى كويس فى فيصل لو تحب اديك عنوانه هو كان شغال فى التوكيل وبعدين فتح محل لوحدة كهرباء وميكانيكا

**MMamdouh** · 24-03-2008 03:28 PM

الزجاج الخلفى كدة طبيعى... لاحظ ان الباب اساسا مفيهوش مساحة ينزل كل الزجاج فيها لان الباب متاكل منه حتة عشان القوس بتاع العجل الخلفى

بالنسبة للنور ركب كتاوت و لمبات اكبر... دة الحل المفيد

MMamdouh

**Shiref_mohamed** · 24-03-2008 03:39 PM

وكمان سؤال معلش انا عندي نفس مشكلة ضعف النور وخايف اودي العربية لكهربائي عطلان يلعب في الضفيرة وهو بيركب كتاوت ولمبات بس انا عندي حاجة تانية كمان عندي وشوش الفوانيس مصفرة قوى وانا حاسس ان ديه هي الى ضاعفة النور هي الوشوش ديه بتتغير ولا لازم اغير الفانوس كله ولو موجودين حد يقولى تمنهم كام وتمن الفوانيس على بعض كام وهل الفوانيس المصفرة ديه ممكن تتعالج اصل ليا واحد صاحبي في السعوديه قالي عندهم مواد بتعالج الفوانيس البلاستيك ديه وبترجعها جديدة وشكر واسف على الرغي الكتير

**أميرالنيل** · 24-03-2008 03:41 PM

شكرا جدا لردودكم يا جماعه
طب يا استاذ ممدوح
اركب الكتاوت واللمبات الاكبر دول عند حد معين والا مش هتفرق ؟؟؟

**MMamdouh** · 24-03-2008 03:45 PM

المشاركة الأصلية كتبت بواسطة shosho

وكمان سؤال معلش انا عندي نفس مشكلة ضعف النور وخايف اودي العربية لكهربائي عطلان يلعب في الضفيرة وهو بيركب كتاوت ولمبات بس انا عندي حاجة تانية كمان عندي وشوش الفوانيس مصفرة قوى وانا حاسس ان ديه هي الى ضاعفة النور هي الوشوش ديه بتتغير ولا لازم اغير الفانوس كله ولو موجودين حد يقولى تمنهم كام وتمن الفوانيس على بعض كام وهل الفوانيس المصفرة ديه ممكن تتعالج اصل ليا واحد صاحبي في السعوديه قالي عندهم مواد بتعالج الفوانيس البلاستيك ديه وبترجعها جديدة وشكر واسف على الرغي الكتير

معرفش حوار التضبيط دة... كنت قريت عن ناس بتستعمل معجون الاسنان او كدة بس انا مجربتش

الفانوس كورى كامل ب 110 جنية

MMamdouh

**MMamdouh** · 24-03-2008 03:48 PM

المشاركة الأصلية كتبت بواسطة أميرالنيل

شكرا جدا لردودكم يا جماعه
طب يا استاذ ممدوح
اركب الكتاوت واللمبات الاكبر دول عند حد معين والا مش هتفرق ؟؟؟

روح لكهربائى كويس.. لو انت قريب من الدقى روح لمحمد السيد

MMamdouh

الموضوع: ليه الازاز كده ؟

LinkBack

أدوات الموضوع

عرض

-

-

-

المواضيع المتشابهه

جلد الازاز

الازاز فيه نؤرة

شرخ فى الازاز

اللي بيمسح الازاز فى بنزين موبيل الملك الصالح جرحلى الازاز !!

جنط من الازاز؟؟؟

الكلمات الدلالية لهذا الموضوع

المفضلات

المفضلات

ضوابط المشاركة