سؤال للبشمهندس سبعاوي عن قواعد موتور الماروتي

**LORD.ADeL** · 08-12-2010 03:27 PM

المشاركة الأصلية كتبت بواسطة sab3aawy

ممكن طبعا قواعد الموتور تكون عايزة تتربط ، لكن مع العلم ان مسألة الرجرجة هى مفروض تكون داخل الحدود المقبولة لكنها مش هتختفى نهائيا لأن الموتور ده 3 سلندر وفى اول لحظة للتدوير بيكون الحريق غبر منتظم لحد ما الشمايز تسخن فممكن يكون فى لحظة 2 سلندر واحيانا 1 فقط اللى شغالين لحد ما الموتور يدفى وينتظم الاداء، لذلك التربيط هيحسن الرجرجة شوية لكنها لن تصبح صفر

الكهرباء تتأكد انها مش عالية طالما ان العربية مش بتسقف، وتتأكد انها مش واطية طالما ان العربية لما بتبطل مش بتفضل ترفص واستهلاك البنزين معقول والعادم لا يحمل رائحة وقود نئ وبتسحب كويس ومبتسخنش

بالنسبة لسؤال العضة مع ترك الدبرياش فدى قواعد موتور برضه عايزة تتربط ، وبرضه بتتحسن شيوة لكن مش 100 لأن ده جزء من تصميم العربية

شوف يا كبير الله ينور ع اللى قلته
بس بخصوص كهرباء عندي لما ابطل ومروحه شغاله برتفص وبتتنفض طبعا كل دة فى ماتور اوكي
وصبح بدري لما بجي ادور وهيا بتسخن بيكون فى يب داخان كتير طالع من شكمان لحد ما اهدي شفاط ع مستو ي الاول او اقفله يروح دخان لاكن وهيا ماشيه او بعد عصر لما بجي ادور وامشي مفيش دخان؟
وبخصوص تربيط اوك هربط ماتور لانى لسه مغير قاعد فتيس؟

**micromoud** · 08-12-2010 07:56 PM

انا زيك يا لورد بالظبط ... بس انا بحس برضه ان موتور العربية دى خفيف ولو قرصت عليه موش هيعدى الميت الف كيلو الا ويتغيرله شمبر

**hamaza81** · 08-12-2010 08:13 PM

المشاركة الأصلية كتبت بواسطة lord.adel

شوف يا كبير الله ينور ع اللى قلته
بس بخصوص كهرباء عندي لما ابطل ومروحه شغاله برتفص وبتتنفض طبعا كل دة فى ماتور اوكي
وصبح بدري لما بجي ادور وهيا بتسخن بيكون فى يب داخان كتير طالع من شكمان لحد ما اهدي شفاط ع مستو ي الاول او اقفله يروح دخان لاكن وهيا ماشيه او بعد عصر لما بجي ادور وامشي مفيش دخان؟
وبخصوص تربيط اوك هربط ماتور لانى لسه مغير قاعد فتيس؟

باشا موضوع الرجرجة اللي بعد ما تبطل دي في اي ماروتي في الدنيا لما تبطل والمروحة شغالة بتعمل الرجة دي وكل الزملاء في المنتدى اجمعوا على كدة، انما لو استنين وخليت العربية دايرة لحد ما المروحة تبطل مش هتلاقي الرجة دي نهائي.
اما بخصوص الدخان الكتير اللي طالع الصبح، انا بيبقى عندي دخان ابيض كدة اول ما بدور العربية لكن بعد كدة بيختفي ودا تقريبا حد قال انه بيبقى بخار مياة خارج مع العادم فبيعمل اللون الأبيض ودا شيء طبيعي.

**sab3aawy** · 09-12-2010 12:04 PM

الرجرجة بعد التبطيل مع المروحة دى مش قضية لأنها بتاخد ثانية او اتنين ودى سببها ان العربية مش مزودة ببيك سلانسيه كهربائى يمنع دخول الوقود للمحرك بمجرد تبطيل المحرك، لكن الترفيص اللى انا بتكلم عليه اللى بيعبر ان الكهرباء واطية ده ممكن يستمر دقيقة او اكتر بعد تبطيل السيارة

**sab3aawy** · 09-12-2010 12:08 PM

لو الدخان اللى بتتكلم عليه دخان اسود بيروح مع تنزيل الشفاط فلا مشكلة اطلاقا، هو بس ممكن يكون معناه ان الشفاط بيرمى بنزين كتير شوية او ان البوجيهات بتكون مرطبة شوية الصبح ومش بتحرق مظبوط لحد ما تدفى، لكن كل ده لا يعنى اى مشكلة من اى نوع فى السيارة

ولو لونه ابيض ثلجى ومالوش ريحة مزعجة فبرضه ده بخار مية متكاثف وليس معناه اى مشكلة

أما لو لونه ابيض مزرق ورائحته شياط فهنا لدينا مشكلة

**aymanay32** · 09-12-2010 08:33 PM

تمام الكلام دة
و فعلا العربية لما تشد الشفاط بيزود كمية البنزين اللى داخلة الموتور علشان يسخن بسرعة و بكدة الاحتراق علالى شوية و ممكن يخرج العادم دة

بس الاستفسار الشديد ايه حكاية قاعدة الفتيس دى يا لورد عادل
و ليه ما حكيتش عنها حاجة من قبل
كدة نتفاجىء بيها

**LORD.ADeL** · 11-12-2010 10:52 AM

المشاركة الأصلية كتبت بواسطة sab3aawy

لو الدخان اللى بتتكلم عليه دخان اسود بيروح مع تنزيل الشفاط فلا مشكلة اطلاقا، هو بس ممكن يكون معناه ان الشفاط بيرمى بنزين كتير شوية او ان البوجيهات بتكون مرطبة شوية الصبح ومش بتحرق مظبوط لحد ما تدفى، لكن كل ده لا يعنى اى مشكلة من اى نوع فى السيارة

ولو لونه ابيض ثلجى ومالوش ريحة مزعجة فبرضه ده بخار مية متكاثف وليس معناه اى مشكلة

أما لو لونه ابيض مزرق ورائحته شياط فهنا لدينا مشكلة

تمام يبااشا الله ينور عليك هوا الحمدلله ابيض وبدون ريحه وبيهدء مع غلق الشفاط وهوا بخار ميه
تحياتى ياكبيررررر

**LORD.ADeL** · 11-12-2010 10:54 AM

المشاركة الأصلية كتبت بواسطة aymanay32

تمام الكلام دة
و فعلا العربية لما تشد الشفاط بيزود كمية البنزين اللى داخلة الموتور علشان يسخن بسرعة و بكدة الاحتراق علالى شوية و ممكن يخرج العادم دة

بس الاستفسار الشديد ايه حكاية قاعدة الفتيس دى يا لورد عادل
و ليه ما حكيتش عنها حاجة من قبل
كدة نتفاجىء بيها

ايمن باشااا ههه يا ياباشاا حكيت عليها بس ممكن تكون تاهت مع المواضيع اللى تاهت فى منتدي
عادي والله كنت فى مرة صيانه كدة عند مكانيكي ونزل تحت عربيه وشيك وبيربط؟ قالي قاعدة فتيس عندك مشروخه
وعايزة تتغير ورحت لوحد تانى قالي بررضوو نفس النظام؟ رحت جيابه ب35 او 45 مش فاكر وغيرها ليااا بس كدة (: