الموضوع: عربيتي أجدع من دينا!!!!!!!!!!!!!!!

البارات كانت سليمة و المشكلة كانت من الاتياج
بس الاول بما ان العربية قديمة بص على مساتر العجل بنفسك قبل ما تعمل اى شغل فى العفشة
فك اى عجلة من قدام و ابدا بص على الخزنة (الجزء اللى بيركب فيه تيل الفرامل) وهوا راكب كده حاول تشده سنة ناحيتك وبعدين تحركه ناحية الماتور لو حسيت انه سايب وبيعمل صوت تكتكة يبقى دى المشكلة الرئيسية و خلى الميكانيكى
يعملك تخشينة للمسامير بتاعة الخزنة عشان تبقى محكومة
و بالمرة يبقى يبص برده على التيل هل سوست التيل موجودة وحكماه و لا سايب لانها برده بتعمل نفس الصوت لما بيبقى التيل سايب مش محكوم
بالسوست

لأ بصراحة أنا موش مقتنع ....هقولك ليه....عشان لو ده خلل في مجموعة الفرامل كان هيظهر مع أستعمال الفرامل فقط....أيا كان بأه تصفير او تعويم أو حدفة في أي أتجاه ولا حتي رجرجه.....انا اللي عندي خلل ما في مكونات العفشة في المقام الاول بس أيه بالضبط ..دا اللي أنا بحاول أعرفه......ع العموم أنا أخدت القرار النهائي بتوطية العربيه من قدام وقص حلقتين من كل سوسته وأهو تبقي شيك وروشة وفي نفس الوقت محترمة وما بترقصش وكمان هقولكم ايه الاخبار النهارده بالليل بعد ما أعملها...........بس برضه ياريت المزيد من الاقتراحات والاراء لكل من تعرض لمواقف مشابهه زي دي قبل كده وحلها أزاي ؟؟؟؟نفيد ونستفيد ونسمع أراء بعض.....مانقعدش نتفرج بس من غير مانعلق!!!!! ماتبقاش أنتخابات وكمان منتديات!!!!!!!!!!!!!!!!!!!!!!!!!!!!!!!!!!!! !

المشاركة الأصلية كتبت بواسطة ayabooy

اها طيب انت كدة يا معلم مطلوب منك شوية حاجات
انت بتدخل على مطب صغير تحس ان العربية اتكسرت صح
اولا انت كدة مطلوب منك تاخد غطس تحت العربية من قدام و اتاكد من جودة الستارة الي راكب فيها الميزان بتاع العربية
و اتاكد ان الركب مش متكسرة او مشرخة ( اي عفشجي يقدر يحكم عليها لو مش عاوز تاخد الغطس بنفسك ) و لما تفك بما ان المساعدين كويسة و فيه صوت دربكة و تكسير يبقي
كدة ديه مقصات ( هات التايلاندي او التركي ) بلاش ايطالي و هما سبب التعويم و طبعا لو رجعت ارتفاع العربية من قدام لاصلة يبقي فل فل و لو الستارة فيها شغل يتلحم طبعا و لو هاتفك الاسكاترا يبقي تغير فبرة يفضل تركب الجديدة على القديمة علشان تبقي حاكمة كويس
و البارات لو مبوشة هات جديد و متكبسهمش اما التيش او بيض الدركسيون الداخلي ( كله واحد ) ممكن تحطة وردتين صغيرين حشو جواه لو مهوي و كدة تبقي راكب عربية فل ان شاء الله و طبعا تداوم على ربط عفشة امامي و خلفي كل اسبوعين علشان واضح انك بتتحرك بالعربية كتير

أخد ياباش غطس ماخدش ليه؟؟؟طالما هيكون بفايده يبقي أتوكل علي الله وأغطس...بالنسبة للستارة الحمد لله كويسه أوي بصيت عليها من كام يوم وبصيت كمان علي لحام الركب فيها بالاضافة للحامها مع السدر الامامي اللي بيركب فيه الفوانيس.....وعلي فكره الستاره بتبان اوي من فوق من عند الماتور لما بافتح الكبوت والحمد لله مافيهاش أي خبطات ....بس هما كام خبطه خفيفه في السدر من تحت الاكصدام نتيجه أني مره خبطت حجر عالي شويه ماكنتش شايفه بس ستر ربنا أني كنت لسه هاطلع بالعربيه وكنت علي مهلي......بالنسبه للمقصات للأسف أنا خلاص من أسبوع نزلت أشتريت أتنين أيطالي بس لسه مركبتهمش مش عارف بأه أرجعهم وأخد التركي ولا أيه؟؟؟ وكمان أشتريت بارين دركسيون أيطالي من نفس ماركة المقصات ومعاهم طقم كاوتش ميزان ريجاتا تركي وبالمره أشتريت صليبتين أكس كوبلن(اللي بيركبوا في الفتيس وكمان معاهم كاوتشتين زيت فتيس) طبعا أنا مش عايز أركب كل الحاجات دي الا لما تجيلي فلوس وأشتري بالمره علبه دركسيون جديده وبكده أبقي خلصت من صداع العفشة.......بس بصراحه خايف بعد الخراب المستعجل اللي أنا فيه ده أتبط وتطلع العربيه زي الزفت وأقول ياريتني ماكنت غيرت حاجه!!!!!!!!!!!

فهمتنى غلط طبعا
انا مبتكلمش على الفرامل و مشاكلها
انا كل اللى اقصده ان الخزنة لما بتبقى مش متثبتة كويس نتيجة بوش فى اماكن تثبيت المسامير اول لما تدخل حتة مكسرة تبدا الخزنة تخبط فى الطنبورة وتحسسك ان فى اصوات تخبيط من تحت(حديد فى حديد تخيل الصوت بيبقى كأن العفشة سايبة)
ارجو ان تكون فهمت قصدى المرة دى

أيوه انا كده فهمت.....هي مش الخزنه دي اللي بتركب في الشمعدان؟؟؟عارفها يامعلم وممكن فعلا تكون عندي مفكوكه أو مش متثبته كويس وبكده يبقي تم أضافه بلوه جديده لمجموعة البلاوي اللي عندي.....سهلها يا رب

المشاركة الأصلية كتبت بواسطة aYaBooY

لا الستارة مش بتبان من فوق لازم من تحت و المفروض ميكونش فيها زي شق من النص يعني من برة لاحمة مع جوة من غير اي فروق
بص طبعا انت حر تشتري اي نوع يريحك بس الفكرة اني مشوفتش اي منتج ايطالي كويس و ده ناس فسروه انه مش ايطالى اصلا علشان كدة بقولك وفر فلوسك و هات الارخص
موضوع الاسكاترا مش لازم تجيب جديد اعمل حشو ليها طبعا الباشا الصنيعي هايؤلك ديه خلصانة يا باشا قولة يركب الحشوة الجديدة فوق القديمة مش فوقها يعني عليها لا يعني هيا الحشوة عبارة عن حلقة بلاستيك و راكبة على حاجة شبة المسورة
هو يزق القديمة و يركب فوقها الجديد و كدة يبقي البوش اتعدم رغم انها اسكاترا قديمة :( بس
عموما كنت بروح عند صنيعي في شبرا زمان هاجيبلك رقمة ممكن يغيرلك كل العفشة و يعملك الاسكاترا و تديلة خمسينة و يدعيلك لو تحب ادورلك على رقمة قول

هي الستارة مش دي اللي بتلحم فيها الركبتين اليمين والشمال وكمان ماسكة الشدادين اللي جايين من علب المقصات اليمين والشمال برضوا.....وبعد كده بييجي السدر (اللي بيركب فيه الشبكه والفوانيس) يتلحم عليها هي والرفرفيين؟؟؟كنت عايز أعرف بأه الستارة دي بتتباع جديده زي الركب ولا لأ؟؟؟؟؟وكمان الشمعدان في منه جديد ولا لأ برضوا؟؟؟؟وأخيرا الميزان بيتباع منه جديد لانج ولا بيقتصر الامر علي تغيير الكاوتش بتاعه فقط؟؟؟أصلي اللي خلي صوابع الفابريكا بتتباع جديده يبقي الحاجات اللي فاتت دي مفيش منها جديد!!!!!!!
بصراحه ناوي أنشف ريق العفشة شويه....وبعد كده أشدها بالكامل من الالف للياء...
أما بأه الاسكاترا دي فحكايتها حكاية....ناس تقولك أوعي تعمل فيها أي شغل لا حشو ولاغيره لأنه مش هينفع وهتبقي فلوس بتترمي في الارض..وكبر دماغك وهات جديد عشان مضمون ويطلعلك كام واحد من الفريق المؤيد للكلام ده وكل واحد يحكي قصته المأسويه مع أسكاترته وأزاي بعد ما عملها حشو يوم والتاني ورجعت أزفت من الاول!!!!!!!!!!!!! ............طبعا الواحد بعد سماع الاساطير دي يقولك لأ ياعم وعلي أيه ؟؟؟أتلسعلي شويه بس أجيب حاجه نضيفه وسلامتك يا دماغي و×داهية الفلوس.....
ناس تانيه علي النقيض تمااااااااااااااااااااما !!!!يقولولك أعملها حشو فوق القديم هتبقي زي الفل وخسارة تروح تشتري واحده جديدة وهو الموضوع مش مستاهل طالما الحشو ده نفع مع ناس كتير.......ويطلعلك فريق تاني من اللي حشو وجاه معاهم بفايده.........طبعا أنت تروح ناسي أوامك كلام الفريق الاولاني وتحمد ربنا وتبوس أيد وش وضهر وتقول بينك وبين نفسك::صح كده وأنا أروح أجيب جديده ليه هي فلوس تترمي في الارض وخلاص؟؟؟؟هو أنا بلاقي الفلوس دي ؟؟؟؟هو الحشو مافيش غيره والموضوع مش مستحمل فنجرة ع الفاضي ....هي أيه العربيه دي ماورهاش غيري؟؟!!!!!!!!!!!!!!!!!!