وظيفة الزرار الثالث فى ريموت السنتر

**EGYPTIANDR** · 06-12-2010 10:43 PM

السلام عليكم يا جماعة ويارب تكونو بخير........انا ركبت سنتر لوك وولف بالريموت " من غير جهاز انزار" بس لاقيت الريموت فيه زرار مرسوم علية ميكروفون مقفول "mute" ومش عارف وظيفتة اية؟؟؟.......واحد قالى عشان لو ركبت سارينة بتوصل السنتر عليها وبتعمل كجهاز انزار وبتفصلها من الزرار دة قبل فتح العربية؟ هل فعلا دة استخدامة؟

**M.Elgergawy** · 06-12-2010 11:06 PM

الزرار ده معناه انك تقفل العربية بدون صوت الانذار يعني لو حد لمس العربية او خبطها مش هتدي صوت الانذار هتدي فلاشر انتظار بس

**mr_vampire** · 06-12-2010 11:40 PM

بالظبط كدة انذار من غير صوت. بالظبطططططططططططططط زي الانذار اللي هتاخده لو كتبت بالاحمر تاني لانه خاص بالادارة.

**fady554** · 07-12-2010 02:11 AM

المشاركة الأصلية كتبت بواسطة mr_vampire

بالظبط كدة انذار من غير صوت. بالظبطططططططططططططط زي الانذار اللي هتاخده لو كتبت بالاحمر تاني لانه خاص بالادارة.

انا اول ما قريت الموضوع فكرت زيك كدة بس اول ما قريت التعليق كنت هموت من الضحك

**محمد فريد** · 07-12-2010 02:20 AM

بتقفل بيه عادى لكن من غير صوت سايلنت
انما لو حد فتح الباب او الكبوت هيدى انزار بصوت وده الميزه لو عندك اطفال بيلعوبا على العربيات ربنا يهديهم (قبل ماقتل حد فيهم هههههههههههههههههه)

**EGYPTIANDR** · 07-12-2010 01:04 PM

انا اسف يا جماعة مكنتش أعرف ان اللون الاحمر خاص بالادارة فقط......اصل للأسف دة لونى المفضل

**aymangalal510** · 14-12-2010 07:06 PM

المشاركة الأصلية كتبت بواسطة egyptiondr

سنتر لوك وولف بالريموت " من غير جهاز انزار"

طب ما الراجل بيقول ان جهاز السنتر من غير انذار يعنى الزرار مالوش لازمة فى الحالة دى مش كده ولا ايه؟؟؟

**محمد فريد** · 15-12-2010 04:11 PM

فهمت يا باشا هو الراجل ركبلك الانزار من غير السرينة عشان كده مفيش فرق بين الزرارين صح كده

**wisenada** · 15-12-2010 09:50 PM

المشاركة الأصلية كتبت بواسطة محمد فريد

فهمت يا باشا هو الراجل ركبلك الانزار من غير السرينة عشان كده مفيش فرق بين الزرارين صح كده

يا محمد بيه .. الراجل بيقول سنتر من غير إنذار .... يعنى Lock و .... Unlock .. ودمتم .. يعنى مفيش إذنار لا صامت ولا غيره ... وبعدييييييين يا شباب نصحى شوية مع بعض.
من غير زعل .. أنا مش قصدى حاجة .. حضرتك راجل خبرة وكلنا بتعلم منك بس الموضوع دمه خفيف من الأول.

تحياتى
محمد

**EGYPTIANDR** · 17-12-2010 02:59 AM

[QUOTE=wisenada;3873146913]يا محمد بيه .. الراجل بيقول سنتر من غير إنذار .... يعنى Lock و .... Unlock .. ودمتم .. يعنى مفيش إذنار لا صامت ولا غيره ...
بالظبط كدة....حضرتك فاهمنى .......ولما بضغط على الزرار التالت دة " الميوت" الاشارات بتنور 3 مرات والعربية مش بتفتح....لكن زرار الفتح الاشارات بتنور مرتين والعربية بتفتح؟؟؟؟
ممكن الزرار دة غلطة من المصنع؟......