طلمبة البنزين

**AhmED_8_7** · 06-12-2010 11:22 PM

[overline]السلام عليكم ورحمة الله وبركاتة[/overline]

انا شارى لانوس 2001 من حوالى اسبوع تقريبا وكان الراجل مفولها بنزين 80 الله يسمحة المهم من كام يوم كدا وانا رايح الشغل وبدور العربية كلة تمام بس سمعت صوت زنة جية من ورا من ناحية العجل الخلفى اعدت الف حولين العربية معرفتش منين المهم انهاردة قولت لازم اعرف لقتها جاية من تحت الكنبة قولت اكيد دى طلمبة البنزين ياترى اية الزنة دى وهل دا عيب فيها باظت يعنى ولا اية ولو هى تعمل كام ؟
وااسف للاطالة

**pesso** · 07-12-2010 03:59 AM

طبعا ده مؤشر لتلف الطرمبه ويجب عليك ان تغيرها فى الحال علشان ممكن تقطع معاك فى اى وقت وهتلاقى نفسك فى مشكله كبيره لو انت مسافر او بعيد عن مكان الورش وقطع الغيار وعلشان راحه البال تتغير فى الحال ...وعلشان تشترى طرمبه جديده هتلاقى الصينى والكورى والالمانى والتركى المهم تشتريها من محل مضمون علشان النهارده صعب تعرف الاصلى من المضروب وعموما الصينى يعمل 100جنيه والالمانى ماركه بوش كانت بحوالى 240 جنيه ..نصيحه متستناش وغيرها علطول

**mely** · 07-12-2010 04:09 AM

معلش اسف صوت الزنه مش مقياس انها هتبوظ ممكن يكون الغطاء بتاع الفتحه بتاعتها مش راكب كويس ثم الزنه دى لو مش عاليه يبقى عادى بس انت بتقول الله يسامحه عشان بنزين 80 طيب ايه المشكله مهى مصممه للتشغيل بيه برضه
وعموما انت مكن تفك الفلتر بتاع البنزين وتعرف ضغط الطلمبه وضعه ايه ولو ضعيف غير متور بس انا مركب فى عربيتى واحد يبانى استعمال ثمنه 130جنيه والحمدلله بقاله اكتر من سنه زى الفل

**AhmED_8_7** · 07-12-2010 04:21 PM

اصل انا لما جربت العربية مكنتش مكتومة كدا ومكنش فيها صوت الزنة دى لما جية يوم ما هخدها جبهالى مفولة 80 ولما طلعت بيها حاسيت ان العربية متغيرة فقالى انة حط بنزين 80 فقولت عشان كدا بس صوت الزنة مكنش موجود هو بان اول ما المؤشر قل عن النص

**mely** · 07-12-2010 06:29 PM

المشاركة الأصلية كتبت بواسطة ahmed_8_7

اصل انا لما جربت العربية مكنتش مكتومة كدا ومكنش فيها صوت الزنة دى لما جية يوم ما هخدها جبهالى مفولة 80 ولما طلعت بيها حاسيت ان العربية متغيرة فقالى انة حط بنزين 80 فقولت عشان كدا بس صوت الزنة مكنش موجود هو بان اول ما المؤشر قل عن النص

ممكن يكون تانك البنزينه مش نظيف فدخل رواسب الى تانك عربيتك سدت فلتر الطلمبه وده برضه هيعلى صوت الطلمبه فكه ونضفه حتى لو من باب النظافه

**M.Zaher** · 07-12-2010 09:05 PM

المشاركة الأصلية كتبت بواسطة mely

ممكن يكون تانك البنزينه مش نظيف فدخل رواسب الى تانك عربيتك سدت فلتر الطلمبه وده برضه هيعلى صوت الطلمبه فكه ونضفه حتى لو من باب النظافه

+111111111

**msalah83** · 08-12-2010 12:18 AM

السلام عليكم
انا لسة شاري الطلمبة ب 475 جنية من واحد في اول فيصل ....
وعندي بتاعتي المستعملة لو عايزها كوري اصلي

**AhmED_8_7** · 08-12-2010 10:34 AM

المشاركة الأصلية كتبت بواسطة msalah83

السلام عليكم
انا لسة شاري الطلمبة ب 475 جنية من واحد في اول فيصل ....
وعندي بتاعتي المستعملة لو عايزها كوري اصلي

'طيب وحضرتك غيرتها لية ؟
واللى انتا اشترتها كورى اصلى ولا

**wesam_salom** · 09-12-2010 09:58 AM

بنزين 80 ملوش علاقه بالطلمبه

**elshreef_hemo** · 10-12-2010 12:54 AM

لو متور الطلمبة ضعيف هتلاقيه لما مؤشر البنزين يوصل للربع كدة مش قادر يسحب بنزين وهتلاقى العربية اتلخبطت فى الاول وبعدين فصلت خالص ولو كملتلها التانك هتلاقيها دارت وبقت زى الفل
وكمان بيبان لما تيجى تدور تلاقيها بتطول شوية لحد ما تدور