ياجماعه...السرقه...خلي بالكو.... نصيحه لوجه الله

**meero_boy2000** · 07-12-2010 08:15 PM

المشاركة الأصلية كتبت بواسطة tarekzein

ياباشا صلى عالنبى

حتى لو عندهم خلفيه ما بيتحركوش غير للشديد القوى

أسألنى أنا لما عربيتى أتسرقت ومسكتها تانى

كانوا عايزينى أجيبلهم الحرامى وأحطه بأيدى فى التخشيبه

والكلبشات عليا كمان بالمره

حاجه تفلق

كلامك مظبوط ياباشا فعلا انا فاكر موضوع حضرتك عن عربيتك اللي اتسرقت كلها ومحدش من الشرطه المحترمه ساعد حضرتك فعلا حاجه تحزن والله

**samoevil911** · 07-12-2010 08:20 PM

الحمد لله وربنا يعوضه ان شاء الله .ز

المشاركة الأصلية كتبت بواسطة amado318

الواحد يربط الفلوس بسلسه فى الحزام او يركب للفلوس جهاز انذار

ههههه

والله الأسهل انك تلبس بنطلون جينز ودي فيدته بيتهيئلي وتحط الفلوس في الجيب اللي قدام.

**m_car** · 07-12-2010 10:28 PM

انا نفسى تقوم فى مصر حريقة زى بتاعت اسرائيل تاكل كل ماهو اخضر ويابس فى مصر علشان احنا نرتاح ويجي جيل جديد بقا ممكن يبقى احسن ونبقى استريحنا من العنصر المصرى الدائم النصب على الاخرين

محدش يقولى كانى ومانى وبتاع انا اصل كرهت كل البلد ومحدش يبص على توقيعى لانى ناوى اغيره خالص واخليه حاجة تانية

**tom_gr** · 08-12-2010 12:43 AM

المشاركة الأصلية كتبت بواسطة m_car

انا نفسى تقوم فى مصر حريقة زى بتاعت اسرائيل تاكل كل ماهو اخضر ويابس فى مصر علشان احنا نرتاح ويجي جيل جديد بقا ممكن يبقى احسن ونبقى استريحنا من العنصر المصرى الدائم النصب على الاخرين

محدش يقولى كانى ومانى وبتاع انا اصل كرهت كل البلد ومحدش يبص على توقيعى لانى ناوى اغيره خالص واخليه حاجة تانية

مهو انت مش واخد بالك من حاجة يا صديقى

انت هاتكون واقف فى وسط الحريقة خلى بالك
وكمان هايكون فيها اهلك وحبايبك واولادك واصحابك وحبيبتك وكل الناس الى بتحبهم

والاهم لما الحريق يحصل ويموت كل الناس الى فى البلد ازاى الجيل الجديد الكويس هايجى ؟
وبافتراض انه جاه هايعيش فين اصلا مهو البلد كلها خلاص اتحرقت ؟

والاهمممممممممممم بقىىىىىىىىىىىىىى

هل انت مستعد تواجه الله الان ؟؟؟ هل انت ضامن انك تدخل الجنه لو مت ؟ هل كل اعمالك تؤهلك لدخول الجنة ؟

ياعم اهدى بس وصلى على النبى كده وبلاش دعوة الحريق وادعى ربنا انه يحفظك انت واهلك وحبايبك وينجيك من شر اى حد ومن شر اى مكان

وياريت ماتغيرش التوقيع للاسوء فى حق مصر
ممكن تغيره فى حق الناس المسئولين عن مصر

لان تراب مصر اغلى من اى حاجة انما الى ماشين على التراب هما الى عاوزين الحرق

**elmkaneeki** · 08-12-2010 01:09 AM

فى طريقة جديدة للسرقة
ممكم تشترى حاجة ب20 جنيه من بياع متجول وتديله 100
المفروض يرجعلك 80 يقوم مرجعلك 70
تعدهم وتقولو دول ناقصين 10 جنيه يقوم قايلك ورينى كدة
يعدهم ويقولك اه عندك حق وقدامك يقوم حاطط 10 جنيه و مسقط من الفلوس الى تحت 40 50 جنيه من غير ما تاخد بالك
هتاخدهم وتمشى عشان شوفت الراجل حط 10 جنية قدامك عينك فمش هتعد تانى بقى
وكل سنة وانت طيب