نصيحه لوجه الله

**M_HANAFY** · 10-10-2008 12:43 PM

السلام عليكم أعضاء المنتدى الكرام

أحب ان احكى لكم تجربتى فى تأجير السياره لأحد المكاتب لتأجير السيارات ونصيحتى لكل من يحب أن يقدم على تأجير سيارته لمكتب تأجير السيارات
1- أن تكون سمعة المكتب ممتازه مع عملاءه.
2- أن يكون منتظم فى سداد ايجار السياره وان يكون الدفع مقدماً وفى حالة الدفع مؤخر (وهذا مرفوض) يكون فى حد أقصى خمسة أيام من إنتهاء الشهر ويضاف بند بدفع غرامه تأخير يومية بمقدار حوالى تقريباً خمسون جنيهاً بخلاف الإيجار الشهرى.
3- قراءة العقد جيداً وعدم الموافقه على أى شرط لا يأتى فى صالحك مثل بند يعطى المكتب الحق فى دفع نصف إيجار الشهر فى حالة حدوث حادث لا قدر الله للسياره لأنها ليست مسئوليتك ان تتحمل نتيجة إهمال المكتب فى المحافظه على السياره بل هو ملزم بتصليحها ودفع إيجار الشهر كامل وأيضاً عدم الموافقه على الشرط الجزائى بدفع شهرين فى حالة طلب السياره قبل إنتهاء العقد أو اضافة بند فى حالة التأخير فى دفع الإيجار الشهرى يحق لمالك السياره سحبها فوراً بدون أى شرط جزائى.
انا حبيت افيد أعضاء المنتدى حتى لا يقعوا فى المطب اللى أنا فيه.
وحبيت أيضاً ان يكون فى منتدى ميتسوبيشى لأنها أكثر العربيات إيجاراً على مستوى السوق المحلى

[url=http://www.0zz0.com][/url]

**M_HANAFY** · 10-10-2008 07:02 PM

انا عارف ان الشروط اللى حطتها صعبه على اى مكتب بس تأكد انه لو مكتب محترم حيوافق عليها

**Hassan Khalil** · 10-10-2008 07:17 PM

ربنا يبارك لك في عربيتك .. و يجعلها تجربة كويسة
شكرا علي الافادة

**M_HANAFY** · 10-10-2008 10:49 PM

المشاركة الأصلية كتبت بواسطة Hassan Khalil

ربنا يبارك لك في عربيتك .. و يجعلها تجربة كويسة
شكرا علي الافادة

الله يباركلك وشكرا على دعواتك لى
الحمد لله الواحد بيأخذ تجارب من السوق وبيتعلم

**Mohamed-Saoud** · 11-10-2008 12:18 AM

فعلا المفروض تحط الشروط اللي تناسبك لأنها عربيتك في الاخر...

**M_HANAFY** · 11-10-2008 05:33 PM

المشاركة الأصلية كتبت بواسطة Mohamed-Saoud

فعلا المفروض تحط الشروط اللي تناسبك لأنها عربيتك في الاخر...

عندك حق يا استاذ محمد بس الواحد بيبقى جايب العربيه وخايف من القسط ليكسر عليه فيذهب لأى مكتب والسلام وميخدش باله من الشروط الموجوده بالعقد ويأخذ شهر والثانى الإيجار وبعد كده يدور على صاحب المكتب وتبدأ المعاناه:k41:

**M_HANAFY** · 12-10-2008 11:39 PM

الأفضل ان الواحد يأجر العربيه لشركه مضمونه تقوم بتوصيل الموظف صباحاً ومساءً فقط حفاظاً على السياره

**محمد عز** · 13-10-2008 08:42 AM

معادلة صعبة التحقيق
تاجر عربيتك وتاخد فلوس الايجار وفى نفس الوقت عاوز العربيه تبقى بحالة كويسه

اكاد اراها مستحيلة

**KoDaK_Gti** · 13-10-2008 09:50 AM

بصراحة فكرة مكاتب الايجار بتبقة مش فى صالحنا
انا فكرت كتير فى الموضوع ده ومش عاوز مكتب ايجار من اللى بشوفه بيتعمل فى العربية
لو شركة سياحة او بترول بيكون افضل بكتير
بس فين بقة صعب ان توصل لحاجة زى كده

**M_HANAFY** · 13-10-2008 07:43 PM

المشاركة الأصلية كتبت بواسطة kodak_gti

بصراحة فكرة مكاتب الايجار بتبقة مش فى صالحنا
انا فكرت كتير فى الموضوع ده ومش عاوز مكتب ايجار من اللى بشوفه بيتعمل فى العربية
لو شركة سياحة او بترول بيكون افضل بكتير
بس فين بقة صعب ان توصل لحاجة زى كده

يا ريت بس الواحد يلاقى حاجه زى كده اكيد عايزه معارف وواسطه

الموضوع: نصيحه لوجه الله

LinkBack

أدوات الموضوع

عرض

-

-

-

-

-

-

-

المواضيع المتشابهه

نصيحه لوجه الله

نصيحه لوجه الله

نصيحه لوجه الله

نصيحه لوجه الله

نصيحه للى عاوز يشغل عربيته بالريوت(نصيحه لوجه الله)

الكلمات الدلالية لهذا الموضوع

المفضلات

المفضلات

ضوابط المشاركة