ياراجل دول عملوا مسابقه عالميه للقمار عاوز ايه تانى اكتر من كده
http://www.redseapokercup.com/en/com...1-19-2010.html
عرض للطباعة
ياراجل دول عملوا مسابقه عالميه للقمار عاوز ايه تانى اكتر من كده
http://www.redseapokercup.com/en/com...1-19-2010.html
مين هو الأخ ده ياريت تقول أسمه
و على فكرة فنادق القاهرة و الأسكندرية و اسوان و معظم الفنادق الـ 5 نجوم تقريباً فيها قمار بردو
يعني الموضوع مش مقتصر على شرم و بس
على فكرة اللينك الي انت حاطه مش شغال عندي
هوا مقالش بلد العري والزنا هوا بيقول انها مليانه فساد ولو احنا فعلا في دوله اسلاميه عربيه في المقام الاول المفروض شرم دي تبقي حاجه تانيه خالص
ومصر كلها مش شرم بس يعني
كباريهات وحاجات كتير
لما بلدنا ينتشر فيها الكلام ده
لازم نبتلي باللي احنا فيه ده
يارب هون علينا مصائب الدنيا ولا تجعل مصيبتنا في ديننا
موضوع القمار دا موضوع عادى جدا من زمان دلوقتى فى مواضيع اكتر من كدا مركزة فى شرم و اسوان و الاقصر ربنا يتولانا برحمته
مصر كلها فعلا , بس اماكن معينة هي اللي بيبقى باين فيها اوي
ماهي كل البلاد فيها عري وزنا
ايه مشكله شرم يعني ؟؟؟
ولا هما كاتبين علي باب المدينه( اقلع فانت في شرم الشيخ )
فيه هناك برضه جوامع وناس بتصلي
بجانب ان اللي عاوز يلعب قمار مش مستني نوادي قمار شرم
انت ممكن تطلع جنيه معدن وتلعب ملك ولا كتابه علي فلوس وحيبقي قمار برضه
كل بلد فيها الحلو وفيها الوحش ولو مسكنا عيوب كل بلد مش هانخلص وبعدين مش شرم ديه حته من مصر ولا ايه ؟
علي فكرة انا بروح شرم تقريبا من سبع سنوات اول مرة بجد اتخنقت جدا مفيش و لا اي مسجد محيط بالمكان و لا تسمع صوت الاذان ابدا من حوالي ثلاث سنوات اصبح هناك مسجد حول الفندق اما السنة اللي فاتت كان حاجة مختلفة يوجد مسجد بالفندق و كل وقت بتسمع صوت الاذان في ميعاده من المسجد بجد الموضوع في تحسن مستمر نرجو من الله ان يستمر للافضل و فعلا انا من راي الاستاذ شنوري ان مفيش لافتة علي مدخل شرم بتقولك اقلع انت في شرم الشيخ اما موضوع القمار و الخمور فهذا اصبح في كل مكان يوصف للاسف انه مكان محترم
شوفت فلم الريس عمر حرب ؟
صناعة السياحة والعولمة هي من جلبت لنا - ولغيرنا - تلك المظاهر
طبعا مايصحش أبدا ولايرضي ربنا أن دولة أسلامية تبيح الخمر والقمار لأ وكمان العري ألي في شارم والغردقة.........حاجة تكسف
مالها السياحة المحترمة ربنا مدي لنا كمية مقومات تخلينا من مصاف البلاد السياحية في العالم(أثار-بحار.......) أيه لازمة أباحة مايغضب الله عز وجل
السياحة هاتضرب ..........كلام مش مظبوط
ألي هايحصل عملية بدل في نوعية السائح بدل مابيجي سياح غير ملتزمين هايجي سياح محترمين ألي هما بيرفضوا حاليا يروحوا الأماكن دي علشان سمعتها يعني أغلب الظن مافيش خسارة
خلاصه الكلام قوله تعالى
{ وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا
شرم - الغردقة - طابا - الترابين - دهب - شارع الهرم - ...... وغيرهم كتير
قلاع مصرية تدر دخلا كبيرا على بلدنا الإسلامية العربية من الخمور والقمار والجنس . وللعلم صحيح مفيش يافطة على مدخل شارم بتقول اقلع انت فى شرم لأن كل اللى جوه قالعين لوحدهم ومش محتاجين يفط. و للعلم ناس أعرفهم كانوا بيشتغلوا فى شرم ورجعوا ومكملوش بالرغم من المرتبات الكبيرة هناك ولما بسألهم ليه قالولى مش مستحملين كم الفجور اللى هناك. ومبروك علينا قلاعنا المصرية. وربنا يستر لأن العذاب لما بييجى لا يصيب الذين ظلموا خاصة.
شنوري جاب من الآخر
يعني الكباريه عليه يافطة اقلع هدومك وانت داخل !!
فاكرين من سنتين تقريبا كان في اعلانات تنشيط السياحة في مصر من ضمنها مشاهد لبنات ببكيني ومشاهد لبنات بيعموا مساج للرجال ؟؟
اعلان كان منتهى الاسفاف يعني بيقول من الاخر تعالى مصر وانت هتلاقي كل المسخرة الي عايزها
بعد كام شهر الاعلان ده اتشال وحطوا غيره بيركز على المعالم السياحية والاثار
في كام اوتيل في شارم بيمنع نزول البسين بدون الزي الرسمي (مايو بكيني ) وكام واحد مش بيمنع ؟؟
انا من كام سنة كنت قاعدة مع واحدة فوق الخمسين ومبهورة بشارم عشان هناك كله قالع ولابس بكيني ومحدش بيبص على حد والموضوع عادي
وهي يا ولاداه لبست مايوه قطعة واحدة وكان شكلها فلاحي وسط الناس الهاي كلاس والاجانب بالبكيني ... ده كلامها على فكرة
المشكلة ان العين لما بتاخد على شكل معين بيبقى عادي بالنسبة لها
والله موضوع القروش ده اسعدني حتى لو بتدبير اسرائيلي خلي القرف بتاع السياحة يقل شوية
السياحة اقتصاد هش
يتهد في لحظة
هي دي الفكرة و ده الغرض
بس كده
في صدر الاسلام بعد فتح مكة ومنع الكفار من دخول المسجد الحرم ومنع العرايا من الطواف بالبيت كما كان يحدث في الجاهلية .... عندها خاف بعض ضعاف الايمان تحت تأثير بعض ضعاف النفوس والمنافقين من ان ذلك سيسبب زوال المصدر الهام للتجارة لأهل مكة ... وهو موسم حج القبائل الي البيت الحرام ...
وقالو زي ما الاعلام بيقول عندنا دلوقت .... دي سياحة ومصدر من مصادر الدخل القومي ولازم نعمل الحاجات اللي بتجذب السياح .... خمر .... ميسر .... عري .... ابحية ..... شذوذ ....
.......
وعندما حدث ذلك في صدر الاسلام انزل الله هذه الآية
{يَا أَيُّهَا الَّذِينَ آمَنُواْ إِنَّمَا الْمُشْرِكُونَ نَجَسٌ فَلاَ يَقْرَبُواْ الْمَسْجِدَ الْحَرَامَ بَعْدَ عَامِهِمْ هَـذَا وَإِنْ خِفْتُمْ عَيْلَةً فَسَوْفَ يُغْنِيكُمُ اللّهُ مِن فَضْلِهِ إِن شَاء إِنَّ اللّهَ عَلِيمٌ حَكِيمٌ}
اتمنى اكون قدرت اوصل اللي عاوز اقوله
اول حاجة طبعا استاذنا الكبير شنورى جاب من الاخر بس هكمل شوية من بعدية
الحلال بيًن والحرام بيًن
عاوز تسكر اسكر عاوز ترقص ارقص عاوز تروش روش فل احنا فى عصر شلح بحرية
ربنا موجود وشايف وهو اعلم بمن ضل عن سبيلة و هو اعلم بالمهتدين
شرم زيها زى اى مكان فى الدنيا مش فى مصر بس لان الحمد لله بلدنا العربية الى مفروض اسلامية بقت زى حلوة اوى زى المهلبية
رافعين شعار الزبون ديما على حق
يعنى الاجانب الخمرة عندهم زى الحاجة الساقعة عندنا ينفع تاكل من غير ماتشرب حاجة ساقعة هتقولى انا لا هيقلولك لا هما لازم يشربوا خمرة كيفهم كدا والناس دى كتر الف خيرهم فى منهم الى بيدنى معونة ×( ملوعونة بيذلو بيها الى خلفونا) والى بيجى مصر يدينى فلوسة ونيجى احنا نزعلهوم لالالالالالالالالالالا ملناش حق دا احنا مش كويسين خالص طيب الناس جايه علشان يلعبوا قمار بردوا يبقى لازم نسيب الناس تلعب وبخصوص الناس الى بتتكلم عن التدليك من حق كل مواطن انوا يتدلك والبكينى دة ليه فوائد متعددة منها انوا ليه استخدامين الاول كمايوة والتانى كا اندر ورور
الحكاية كلها فى كلمتين
انت هتقول لو عايزين يجوا عندنا لازم يبقوا زينا ( بس المشكلة ان احنا الى بقينا زيهم )
او
هتقول دول ضيوف عندنا ولازم نعملهم الى هما عايزينة حتى لو دة يغضب ربنا
الزتونة بقى والحجة الخايبة ان الخمرة والقمار والعرى و الحاجات الى هى مفروض بتنشط السياحة دى موجودة فى كل مدن العالم وكمان على مستوى اعلى واكبر بكتر ( هنا التشليح نص نص هناك التشليح كل كل )
طيب ايه الى بيجيب السياح مصر اكيد مش علشان يشلحوا فيها طيب كانوا شلحوا فى بلدهم اوفر يبقى فى حاجة بتجيهم هنا والى هى المكان هنا عاجبهم
وتنشيط السياحة يبقى بأ نى اوفر للناس دى الامن والحماية والنظام و امنع الناس من انهم يستغلوا السياح دة الى انا اعرفة لكن طول ما احنا ماشين على مبدا الشى لزوم الشى يبقى ربنا يرحمنا
سبحان الله....الناس كلها بقت من أصحاب الفضيلة و شرم الشيخ و السياحة بقت قرف و مركز الفساد و الخمر و القمار .....كل واحد يبص بس حواليه ... السرقة و القتل و الزنا و الخمر و المخدرات و القمار مش حكر على مكان أو مدينة أو مهنة.
ألأوروبيين اللى بترموهم بالفساد فيهم أخلاق و أمانةو اتقان العمل و النظافة و و احترام الجيرة و كل شىء محترم فى التعامل و احترام ألأخر و عاداتة و تقاليدة . الناس بس مركزة على انهم بيلبسوا مايوهات و بيشربوا خمرة يبقوا كدة ناس ولاد تيت و مفيش حد بيحاول يفكر يبص حواليه ...فى شرم اللى بتشتموا فيها المصريين اللى عايشين فيها فى ناس كتير جدا جدا منهم اتعلموا العادات الكويسة من ألأوروبيين من النظافة و اتقان العمل و احترام الوقت و تقبل ألأخر و دة بتشوفة فى التعامل اليومى للناس اللى عايشة هنا .
فى حاجة فى المنطق زمان درسناها أسمها القضية المنطقية و القضية الغير منطقية.......
مثال:
بعض المشاركين فى الموضوع غير صادقين مع أنفسهم لا يعنى بالضرورة أن كل الغير صادقين مع أنفسهم شاركوا فى الموضوع!!
مثل تانى:
بعض العاملين بالسياحة غير شرفاء لا يعنى بالضرورة أن كل الغير شرفاء عاملين بالسياحة!!!
مثل تالت:
بعض ألأجانب مفسدين لا يعنى بالضرورة أن كل المفسدين أجانب!!!
مثل رابع:
بعض المصريين المقيمين بالقاهرة شرفاء لايعنى أن كل الشرفاء لابد بالضرورة أن يكونوا مصريين مقيمين بالقاهرة!!!
على فكره الموجود في شرم موجود في كل حته بس الفرق ان في شرم مش بيتعمل في السر ما الخمره بتتباع في المحلات و بيشتريها مصريين يبقى الموضوع مش سياحه و اجانب
و زي ما مصر عاوز فساد تلاقي في كل حته خلي الناس تنزل كده تصلي الفجر و تشوف في كام واحد بيصلوا (ملحوظه العدد بيزيد) لان قبل كده كان كبار السن كان بينزلوا دلوقتي الشباب كمان بينزل يصلي الفجر لان فيه قاعده في مصر كل ما الفجور بيزيد كل ما التدين بيزيد اكتر علشان يبقى مواجه للفجور و شوفوا السبعينات و البلاوي اللي حصلت فيها :s
عندك حق حتى فيه حديث شريف كنت واخده بخصوص المجاهره بالمعصيه لما كنت في اعدادي للاسف مش فاكره فيما معناه ان اللي عمل معصيه وربنا ستره و حهر بيها بيبقى ليه حساب تاني للاسف الذاكره ضايعه عندي
يااااااااااااااااه كلامك ده اتسبب لى فى صدمة حضارية جامدة جدا( والله بتكلم جد ومش بهزر)
هى الناس ديلوقتى بقت تلعب ملك وكتابة باستخدام جنيييييييييييييييه معدن
اصل انا لحد قبل قراءة هذة الكلمات كانت الصورة الراسخة فى دماغى اننا كنا بنعمل ملك وكتابة بشلن او بريزة ، بس فجأه صحيت من احلامى على كلامك واكتشفت ان العملات دى انقرضت وان حاليا اجنيه بقى من قله القيمة لدرجة ان الحاجة الوحيدة اللى ينفع فيها أنه يتلعب بيه ملك وكتابة
ولا دايم غير وجه الله
اما فيما يتعلق بالموضوع الاصلى ، فمش شايف انسب له غير العبارة المستحدثة( فككوا من الحوار ده) ، مهو اصل محدش بتحاسب بذنب حد، اللى عايز يلعب قمار هو حر وربنا هيحاسبه واللى عايز يعتكف هو حر وربنا هيحاسبه ، لكن تضييع وقتنا فى (شوف ولاد الكلب الكفار بيعملوا ايه) لن يفيدنا ولن يضر من لا تعجبنا تصرفاتهم
واضح من كلام بعض الناس إنهم شايفين إنه عادي ومفيش مشكلة إني أروح مكان فيه ناس بتلعب فيه قمار و ناس لابسين بكيني واللي بيبوس واللي بيعمل اكتر من كدا ما دمت مش بعمل زيهم
المشكلة يا أخي الحبيب في استسهال رؤية المعصية ودي عظيمة عند ربنا
في الحديث الصحيح أن الله أمر ملكاً أن يهلك قرية ظهرت فيها المنكرات وانتشرت فقال الملك يارب إن فيها عبدك فلان لم يعصك طرفة عين فقال الله جل جلاله فبه فابدأ فإنه لم يتمعر وجه لي قط...... كانت مشكلة هذا العبدرؤية المنكر و عدم إنكاره
إن أنت تشوف أغلب اللي حواليك لابسين مايوهات دا بيسهل عليك تدريجيا رؤية نفس الشيئ في نفسك وفي أهلك بدون إنكار لأن القلب زي الاسفنجة بيتشرب مما يحيطه فإذا تشرب برؤية المعاصي صعب عليه إنكارها ثم صار سهل عليه الوقوع فيها
طبعا بعض الناس هتقول لأ أنا مش كدا أنا جامد وبغض بصري ومش بتأثر بالحاجات دي هرد عليه وأقوله النبي صلى الله عليه وسلم كان بيقول "يا مقلب القلوب ثبت قلبي على دينك" يعني النبي صلى الله عليه وسلم وهو من هو خايف على قلبه من الفتن وانت مش خايف؟
الموقف الأول: كنا نسير في أحد الحدائق الكبيرة، اقتربنا من متحف مخصص للأطفال. الموسيقى تصم الآذان، النساء متبرجات، ببساطة الوضع مأساوي، ولم لم يكن فيه من المنكرات إلا هذين المنكرين لكفى. تقول لمن معك: المكان مليء بالمنكرات؛ فلنغادر المكان، فيأتيك الجواب: لم نأت إلى هنا لهذه المنكرات؛ فليس علينا حرج بدخوله!قلت له: هناك أماكن أخرى يمكن أن نجد فيها ما نريد دون غشيان هذه المنكرات.. يغضب ويكشر، وكأنك قد ارتكبت جرماً عظيماً!!!
الموقف الثاني: تلك الضجة الثائرة في السودان حول تلك المرأة التي تلبس الجينز، والدعوة إلى تعزيرها، يكتب أحدهم قائلاً: إن تعزيرها يدل على سخف التفكير!!!
الموقف الثالث: ركبت مع أحد أصدقائي سيارة أجرة، وكان يسمع أغنية؛ طلبت منه إغلاق المسجل معللاً له ذلك بأنه حرام. لما نزلنا بادر صديقي بسؤالي مستغرباً إنكاري على سائق الأجرة.
كثيرة مثل هذه المواقف التي تدل على أن قسماً كبيراً من مجتمعاتنا العربية والإسلامية أصبحت تستمرئ رؤية المنكر، وتغشى أماكن المجاهرة بالمنكر دون أدنى تفكير بالإصلاح، بل وتعتبر أن التفكير في معالجة هذه المنكرات وتأديب المتجرئين عليها نوع من ضيق الأفق وسذاجة التفكير. ومما يزيد جرح القلب أن يكون هؤلاء المستم رئون هم ممن يعتبرون أنفسهم من أصحاب الالتزام بالدين، أولئك الذين تعول عليهم الأمة في تغيير واقعها لتصل إلى تطبيق الدين في شتى المجالات.
إن على المسلم الحذر من كثرة التعرض للمنكرات دون إنكار؛ لأن ذلك مما بقسي القلب ويطبع عليه، ويخفف من حساسيته تجاه المنكرات، وهنا يكون الخطر عظيماً.
أيها الأحبة،ألسنا نقرأ قول الله تعالى: (ولتكن منكم أمة يدعون إلى الخير ويأمرون بالمعروف وينهون عن المنكر وأولئك هم المفلحون)؛ أ ليس الفلاح معلقاً بسبب وهو الدعوة إلى الخير والأمر بالمعروف والنهي عن المنكر؟
روى عبد الله بن مسعود - رضي الله عنه - عن رسول الله - صلى الله عليه وسلم - : " لما وقعت بنو إسرائيل في المعاصي نهتهم علماؤهم فلم ينتهوا، فجالسوهم في مجالسهم وواكلوهم وشاربوهم، فضرب الله قلوب بعضهم ببعض، ولعنهم على لسان داود وعيسى ابن مريم - عليهما السلام - : { ذلك بما عصوا وكانوا يعتدون }". قال: فجلس رسول الله - صلى الله عليه وسلم - وكان متكئاً فقال: "لا والذي نفسي بيده حتى تأطروهم أطراً" وفي رواية: "كلا والله لتأمرن بالمعروف ولتنهون عن المنكر ولتأخذن على يدي الظالم ولتأطرنه على الحق أطراً أو لتقصرنه على الحق قصراً أو ليضربن الله بقلوب بعضكم على بعض ثم ليلعننكم كما لعنهم".
أليس قد انتشر الخلاف بين كثير من المسلمين وصار بعضهم يحسد بعضاً، ويحقد بعضهم على بعض، ويكيد بعضهم لبعض؟ أسأل الله أن يجنبنا وإياكم غضب الله ولعنته.
إخوتي في الله ، إن من واجبنا أن نذكر بعضنا بهذا الواجب العظيم - واجب الأمر بالمعروف والنهي عن المنكر - هرباً من الخسران: (والعصر، إن الإنسان لفي خسر، إلا الذين آمنوا وعملوا الصالحات وتواصوا بالحق وتواصوا بالصبر).
جعلنا الله وإياكم من الآمرين بالمعروف والناهين عن المنكر، وجعلنا من المفلحين في الدنيا والآخرة......منقول
الله ينور عليك بجد ... الراجل ده بيتكلم صح عشان هو عايش هناك و عارف اي اللي بيحصل
و يا ريت كل واحد فينا يحاسب نفسه علي تصرفاته اليومية و سلوكياته الاول قبل ما يحاسب الحكومة او الاجانب
او يحاسب الناس التانية و ياريت يكون عندنا بس ربع السلوكيات اللي عند الاجانب....
الهدف ا الاساسي لذهاب الاجانب لشرم حاجتين الاستمتاع بالشمس و رياضة الغوص لان عندنا اغني منطقة بالشعاب
المرجانية في العالم و طبيعي انهم يلبسوا مايوهات و ده بيتفق مع عاداتهم و معتقادتهم و اذا كان فيه ناس بتروح لاغراض
تانية فدول نسبة صغيرة جدا
يا راجل ... شرم المكان الوحيد في مصر اللي لو معاك اطفال او حتي ممعكش و جاي تعدي الشارع تلاقي العربيات
كلها وقفتلك عشان تعديك و دول اغلبهم مصريين لكن شربوا من الاجانب سلوكيات جميلة.... يا ريت مصر كلها تبقي شرم
واين نضع هذا الحديث فى مجمل كلااامك؟؟؟؟؟؟؟؟؟
مثل القائم في حدود الله والواقع فيها كمثل قوم استهموا على سفينة فصار بعضهم أعلاها وبعضهم أسفلها فكان الذين في أسفلها إذا استقوا من الماء مروا على من فوقهم فقالوا: لو أنّا خرقنا في نصيبنا خرقاً ولم نؤذ من فوقنا فإن تركوهم وما أرادوا هلكوا جميعاً وإن أخذوا على أيديهم نجوا ونجوا جميعاً "
ان هذا الحديث واحاديث اخرى توجب على المسلم نعم على كل مسلم انكار المنكر ومن المعلوم ان انكار المنكر درجات وتتحدد هذه الدرجات على حسب ظروف الشخص وصلاحياته فلا يجوز مثلا انكار المنكر فى شرم باليد لان المعنى فى هذا الامر هوا ولى الامر الحكومه يعنى ولكن يجب انكاره بقلبه وبلسانه ان لم يسبب له اذى مش كل وااحد بيتحاسب على نفسه وفضكوا سيره والكلام ولا حيأخر ولا حيجيب لا الكلام حيأخر وحيجيب لانك لو متكلمتش دلوقتى المنكر اللى انت شايفه منكر ومأنكرتوش دلوقتى حيجى اليوم اللى بعدنا ممكن ميعرفش اصلا اصلا انه منكر حيبقى عامل زى المريض اللى اصلا مش حاسس انه تعبان فلازم تبتدى تقنعه من الاول انه تعبان وبعدين تبتدى معاه العلاج على الاقل دلوقتى احنا عارفين اننا تعبانين مش كل حاجه تماااااااااام
وحتلاقى فى حياتنا حاجاااااااااات كتير كانوا اهلينا وجدودنا شايفنها مصيبه بمعنى الكلمه ودلوقتى احنا بننظر ليها انها شيى عادى او مع احسن الحالات بنقول اه يا سيدى غلط بس مش من الكبائر يعنى الحمد لله انهم مبيعملوش كذا وكذا زى الناس التانيه
يا سيدي متبقاش تروح شرم لو زعلان قوي كده.....إبقى روح مكة
ياسيدي ماتبقاش تروح شارم(الملتزمة)............لو زعلان قوي روح أوروبا ولا أيطاليا
افتكر مفيش حد مسلم عاقل هنا عالمنتدى هيبقى قدامه الخيار ما بين مكة و شرم و هيختار شرم ...... تعالت مكة و على مقامها و زادها الله تكريما و تشريفا عن مثل هذا المقارنة الخسيسة مع "شرم الشيخ" اعاذنا الله و إياكم من شرورها
و يا ريت امثالك ما يجيبوش ذكر العاصمة المقدسة مكة المكرمة على ألسنتهم .....