الموضوع: يوميات الاكسارا

*شوفت العربية يوم السبت و رفعتها في بنزينة شل علي اتوستراد المعادي
ناس محترمه وبتفهم وكان التقرير كالاتي:
1- حاله المتور 80%
2-الشاسية ممتاز
3- التكيف شغال
4- بعد رفع العربية والكشف تحتاج الي تغير قاعدة فتيس وقاعدة كوبلن
5- حالة الصاج جيده ويوجد بعض الخدوش في الدهان
تكليفة التقرير 100 جنية
استلمت العربية من المعادي و روحت
* الاحد كان كل الصنايعية اجازة بس خدتها وطلعت علي بنزينة موبل في الهرم
و خدت دوش محترم
1- غسيل خارجي وغسيل داخلي وغسيل شاسية 30 جنيه
2- غسيل دوره الماء ووضع مياة خضراء 60جنية
3- نفخ العجل نيتروجين 20 جنيه

*الاثنين خدت العربية ورحت لفريد شوقي كشف عليها وقلي زي بتوع البنزينة
قاعدة كوبلن وقاعدة فتيس وجيوان التكيهات(وانا طلبت اعير كل السيور والبوجيهات والفلاتر)
سيبت العربية و رحت شارع دميشق

اشترت الحاجه من عند نافع و ضربت سندويتش شاورمة من عند جاد علشان كنت جعان جدااااااااااااااااا
المشتريات كالاتي:
1- سير مجموعة 50 جنيه
2- سير تكيف 30 جنية
3 -جلبة كوبلن 40 جنيه
4-جيوان تاكيهات 50 جنيه
5- علامة اكسارا 40 جنية
6- سير كاتينة 120 جنية
7- بوجيهات 55 جنية
8 - قاعدة فتيس50 جنية
9- فلتر بنزين 55 جنية
10- غماز الرفرف 20 جنية
11-لمبة شوكة 15 جنيه

وبعد فك وتركيب لمدة اربع ساعات ونص وانا نشفت من البرد علشا عملت فيه الجامد واخدش جاكيت معايا
تم تدوير العريبه واخدنا كمان ساعة لان الاشارات فصلت
وجينا ساعة الحساب علي المصنعية (كانت بطني بتكركب )
لقيته بيقولي 150 جنية حمدت ربنا
شهادة حق لوجة الله انا اول مرة اتعامل مع فريد شوقي بس بصراحة هو راجل محترم جداااااااااااااااا
وفاهم جدااااااااااااا
واخوة بيسو كهربائي ممتاز وقمة في الادب والذوق
والشباب الصنايعية كلهم مؤدبين وفاهمين هما بيعملوا اية ودمهم خفيف جدااااااا انا قعدت معاهم اكتر من ست ساعات
قبل ما امشي بيسو كشف علي كمبيوتر الاعطال وقلي كلة تمام بس فية حساس الكرنك عايز يتغير
ممكن تجيبة استيراد هيكون ارخص
اسف علي الاطالة