مقارنه بين الاكسارا 1 و 2

**mostbader** · 25-08-2011 02:17 AM

السلام عليكم
انا كنت عاوز اعرف الفرق بين الاكسارا 1 و 2 بالتفصيل و الصور و خاصه الاوتوماتيك منها ( مواصفات عامه - عيوب و مميزات - اسعار قطع غيار - صيانه -السعر - ......و الى عنده اى معلومه زياده ميضرش )
و ياريت الى يعرف اى حاجه ميبخلش علشان انا عاوز اشتري بقالى شهر و محتار

**hayoub26** · 25-08-2011 02:23 PM

شوف يا باشا... انا كنت عايز اشتري برده و درست الموضوع ده خلال ال6 اشهر السابقة... و اتفرجت على عربيات كتير و روحت الحرفيين شوفت بتوع الصيانة و قطع الغيار... فاسمع بقه و ركز معايا:
1. العربيات دي ممتازة .. انعم عفشة .. ثبات عاي جدأ .. قطع غيار قريبة من الياباني..
2. بالنسبة للاوتماتك: تجيب ستروين 2 و ليس 1.. لان اتوماتك 1 في مشكلة على ما يبدوا.. و بالنسبة لاكسارا 2 اتوماتك تجبيها ماشية اقل من 70 الى 90 الف بالكتير علشان تغير زيت الفتيس بنفسك و تجبلها الأصلي (3 علب بيعملوا حوالي 1000 جنيه). أو تشتريها عاملة كيلوات اكتر بس من حد انت متأكد ان حاطلها الزيت الاصلي.. (زيت ستوين الاصلي.. مش الماني و لا اي حاجة تانية)
3. و عامةً لما تجيب ستوين لازم تشتريها من واحد عمل صيانتها كلها في التوكيل و تكشف عليها كمبيوتر و ميكن حاص اي تعيل في الضفيرة.. لان ده معناه ان حد بره مراكز الخدمة المعتمدة بيعك فيها....
4. و لما تكشف علبه بالكمبيوتر لازم بص معاها و تقواوا وريني ... و تشوف التقراير اللي بتظهر ادامك و تفهمها.. و لما يظهر اي Fault او problem... حاتلاقي بعض المهندسين خاصةً خارح التوكيل و المراكز المعتمدة بيحاول يعملوا ْrestart و خلاص بدون ما يحل المشكلة او يقولهالك كويس... و لو عمل كده قولو يكشف تاني حاتلاقي المشاكل ظهرت تاني.. لانه مش بيحلها هو بس بيشيل التقرير ... لو اختار Test تاني حايظهر تاني... و برده لو لمبة الاعطال ظاهرة متسمعش كلام حد يقولك بيطفوها بيتوع الكمبيوتر و خلاص لكن العربية سليمة يابيه... لان بيطفوها دي ياعني بيعملوا شغل زي اللي انا شرحتهولك... في حين ان ممكن اللامية دي ايده علشام مثلاً الايرباج اتفتح قبل كده
5. معلومة ليك برده ماتور و فتيس الاكسارا 1 غير 2... وده ممكن تلاقيه على الينك الاتية:
Citroأ«n Xsara - Wikipedia, the free encyclopedia
6ز على فكرة.. انا بكتب عربي بطييئ... فانا تعبت.. ادعيلي بقه

**mostbader** · 28-08-2011 03:04 AM

يا باشا الف شكر ليك تعبتك معايا
بس انت ايه رايك ايجيب اوتوماتيك ولا مانيوال احسن خاصه ان انا مش لاقى اوتوماتيك كتيير و لو ماشيه زى ما انت بتقول اقل من 80 الف حتبقى غاليه شويه
و بعدين انا كنت عاوز صور واضحه للاكسارا 2 علشان انا مش بشوفها كتير فى الشارع
فعاوز ابقى حافظ تفاصيلها و لو تكملى اخلى بالى فى ايه تانى و انا بشتريها و خاصه انا معروض عليا واحده مانيوال ماشيه 115 بتاعت ميكانيكى فى الاسكندريه و تقريبا تمنها كام

**fepsceasar** · 29-08-2011 11:19 AM

اتوماتيك تجيب اكسارا 2 أحسن ليه بالظبط مش هقدر افتى
اكسارا 2 الفوانيس مسحوبة اكسارا 1 الفوانيس اللى قدام بالعرض
علامة الشنطة على اكسارا2 على اكسارا1 مكانها المفتاح ما فيش علامة ع الشنطة العلامة دى واخدة شكل الشنطة مش ملزوقة وخلاص
جنوط 2 بتبقى 15 بوصة وجنوط 1 بتبقى 14 بوصة
قطع غيار 1 أرخص من 2
موتور اكسارا 2 بيكون 2 كامة ان 7 انما موتور اكسارا 1 بيبقى كامة 1 ان 6
فى عيب فى اكسارا 1 وهو الزراير الكهربا مكانه فى التابلوه سيئ وعادة بتتكسر فيتوديها عند حد بتاع فبر يا بتشترى استيراد المشكلة دى اتعالجت فى اكسارا 2 والزراير بقت جنب الكرسي
يفضل تعمل عزل لانابيب التكييف بالذات فى اكسارا 1 ودة بيبقى زى ورق فويل بيحطوا ميكانيكي بيفهم
خد بالك الهواية اليمين بتكون ضعيفة
العربية ما شاء الله سواء 1 او 2 ممتازة المهم ما حدش يعك فيها وتوديها عند حد بيفهم والحمد لله ما وجهتنيش مشكلة عويصة فى قطع الغيار
للاسف مش عارف طريقة رفع الصور يا ريت تفكرني بيها وجيبلك صور لاكسارا 2