الوضع الطبيعي لمؤشر الحرارة في ال127

**szrateb** · 24-03-2008 12:22 PM

ما هو الوضع الطبيعي لمؤشر الحرارة في ال127 وهل يختلف في الصيف عن الشتاء وسؤال لأصحاب ال127 هل المروحة بتفصل أو تفضل شغالة بعد أول مرة ألى ان نبطل العربية؟
بالنسبة لي
مؤشر الحرارة في الشتاء على 70 درجة
في الصيف بيوصل 90 وساعات بيعدي
المروحة بعد ان تدور عند حوالي 70 درجة لا تبطل الى ان ابطل الموتور
وهل لو عدى الموشر 90 درجة خطر أم لا

**Ahmad_Nawwara** · 26-03-2008 01:26 AM

حالة سيارتك كما ذكرت عاديه .. وعموما فيه لمبة في التابلوه بتنور لما الحراره بتزيد عن المعدل المسموح بيه .. هنا يجب ان تنتبه وتشوف السبب ايه .. احتمال تحتاج لتزويد الرادياتير والأفضل استعمال الماء الأخضر .. بلاش ماء الحنفيه العادي

**Ahmad_Nawwara** · 26-03-2008 01:27 AM

بالنسبة للمروحه هي اوتوماتيك بتشتغل لما الحراره بتزيد وبتفصل لما الحراره بتقل .. اذا فضلت تشتغل عمال على بطال حاول تروح تظبطها

**maka** · 26-03-2008 06:54 PM

المشاركة الأصلية كتبت بواسطة Ahmad_Nawwara

حالة سيارتك كما ذكرت عاديه .. وعموما فيه لمبة في التابلوه بتنور لما الحراره بتزيد عن المعدل المسموح بيه .. هنا يجب ان تنتبه وتشوف السبب ايه .. احتمال تحتاج لتزويد الرادياتير والأفضل استعمال الماء الأخضر .. بلاش ماء الحنفيه العادي

هى فين اللمبة دى فى التابلوه انا اعرف انها شغالة بالامبير

**adawy** · 26-03-2008 07:04 PM

mosh 3aref ya gama3a bas ana 3andy el mo2asher seef wal a sheta dayman sabet been el 70 wel 90 :)...we 3alafekra ana mosh basta7`deb maya 7`adra !!

**aid904** · 29-03-2008 11:21 AM

أعتقد انه من الطبيعي أن المؤشر يتراوح بين ال70 و90 بس دة حسب الثيرموستات ومدام المؤشر مش بيعدي ال90 تبقى عربيتك تمام أما بالنسبه أن المروحه مش بتبطل دة برضه بيرجع للثيرموستات اللي بيشغل المروحه عند درجه معينه 80 أو 90 وعموما ال27 مشهورة بالسخونيه يعني مش مهم المروحه متبطلش طول ما انت العربيه معدتش ال 90 بس برضه راجع ريداتير تسريب أو انسداد مواسير - تاكيهات - مروحه ( قويه ولا لأ) ممكن تبدل 4 ريشه ب6 ريشه -زيت الموتور وفلتر الزيت